މެސީ އެކޭ އެއްގޮތަށް ޓީމު ދޫކޮށްލަން ޖެހުމުން އަހަންނަށް ވެސް އަސަރުކުރި: ގްރީލިޝް

Aug 9, 2021, 7:36 PM
މެސީ އެކޭ އެއްގޮތަށް ޓީމު ދޫކޮށްލަން ޖެހުމުން އަހަންނަށް ވެސް އަސަރުކުރި: ގްރީލިޝް

މެންޗެސްޓާ (އޮގަސްޓް 10) - ބާސެލޯނާ ދޫކޮށް ދާން ޖެހުމުން ލިއޮނަލް މެސީ އަށް ރޮވުނު ގޮތަށް މި ފަހަރުގެ ޓްރާންސްފާ މާކެޓްގައި އެސްޓަން ވިލާ ދޫކޮށްލަން ޖެހުމުން އޭނާ އަށް ވެސް އަސަރުކުރި ކަމަށް އިނގިރޭސި މިޑްފީލްޑަރު ޖެކް ގްރީލިޝް ބުނެފި އެވެ.

ވިއްސަކަަށް އަހަރު ބާސެލޯނާގައި ހޭދަކުރުމަށް ފަހު މެސީ ބާސެލޯނާ ދޫކޮށްލީ އެ ކްލަބްގެ މާލީ ހާލަތުގެ ސަބަބުން އާ ކޮންޓްރެކްޓެއް ހެދޭނެ ގޮތެއް ނެތިގެންނެވެ. މެސީއާ އެކު ބާސެލޯނާ އިން އާ އެއްބަސްވުމެއް ހަދަން ހުރިހާ ކަމެއް ހަމަޖެހިގެން ދިޔަ ނަމަވެސް ފަހު ވަގުތު ލަލީގާގެ ގަވާއިދު ތަންނުދޭތީ މެސީ އަށް ބާސެލޯނާގައި މަޑުނުކުރެވި ޖެހުނީ އެ ޓީމު ދޫކޮށްލާށެވެ. މެސީ ބަދަލުވާނީ ޕީއެސްޖީ އަށް ކަމަށް ވާހަކަ ދެކެވެ އެވެ.

ގްރީލިޝް، 25، އުމުރުން އެންމެ ހަތަރު އަހަރުން ފެށިގެން އެސްޓަން ވިލާގައި އުޅެ ބޮޑުވިއިރު، އޭނާ ވަނީ އެ ކްލަބްގެ ކެޕްޓަނެއްގެ ގޮތުގައި ފުރަތަމަ އަދި ދެ ވަނަ ޑިވިޝަނުގައި ކުޅެފަ އެވެ.

Advertisement

މި ފަހަރުގެ ޓްރާންސްފާ މާކެޓްގައި ގްރީލިޝް ސިޓީ އަށް ބަދަލުވީ އިނގިރޭސި އެންމެ އަގުބޮޑު ޓްރާންސްފާގެ ގޮތުގަ އެވެ. ސިޓީން ގްރީލިޝް ގަތީ 100 މިލިއަން ޕައުންޑް (140 މިިލިއަން ޑޮލަރު)ގެ ފީއެއް އެސްޓަން ވިލާ އަށް ދައްކައިފަ އެވެ.

ސްކައިސްޕޯޓްސް އަށް ދިން އިންޓަވިއުއެއްގައި ގްރީލިޝް ބުނީ މި ފަހަރު އެންމެ ފުރަތަމަ އެސްޓަން ވިލާ ޕްރީ ސީޒަން ޕެރްކްޓިހަށް ނުކުތީ އެ ޓީމުގައި މަޑުކުރުމަކީ ވެސް އޮތްގޮތެއް ކަމަށް ވިސްނައިގެން ކަމަށެވެ. އެކަމަކު ކުއްލިއަކަށް ހުރިހާ ކަމެއް ބަދަލުވީ ކަމަށް ގްރީލިޝް ވަނީ ބުނެފަ އެވެ.

"އެންމެނަށް ވެސް ފެނިއްޖެ ބާސެލޯނާގައި މެސީގެ އެންމެ ފަހު ނޫސްވެރިންގެ ބައްދަލުވުން. އެ ބައްދަލުވުމުގައި މެސީ އަށް ކުރަމުން ދިޔަ އަސަރަކީ އަހަރެން އެސްޓަން ވިލާ ދޫކޮށްލަން ޖެހުމުން ވެސް ކުރަމުން ދިޔަ އިހުސާސް،" ގްރީލިޝް ބުންޏެވެ.

"ސިޓީ އަށް އައުމުގެ ކުރިން އަހަރެން އެސްޓަން ވިލާގެ ސްޓާފުންނާއި ހުރިހާ ކުޅުންތެރިންނާ ބައްދަލުކުރިން. އެ ބައްދަލުވުމުގައި އަހަންނަށް ވެސް ހުރީ ރޮވިފައި،"

އެސްޓަން ވިލާއާ އެކު ޕްރީ ސީޒަނަށް ނުކުތުމަށް ފަހު ގްރީލިޝް އެ ކްލަބަށް އެންގީ ޕްރިމިއާ ލީގު ފެށުމުުގެ ކުރިން އޭނާގެ ޓްރާންސްފާގެ ކަންތައްތަކުގައި ގޮތެއް ނުނިމިއްޖެނަމަ ޓީމުގައި މަޑުކުރާނެ ކަމަށެވެ. އެކަމަކު، ސިޓީން ވަނީ ބޮޑު ޓްރާންސްފާ ފީއެއް ދައްކައި ވަރަށް އަވަހަށް ގްރީލިޝްގެ ޓްރާންސްފާ ކަންތައްތައް ނިންމާލައިފަ އެވެ.

ގްރީލިޝް ބުނީ ސިޓީ އަށް އޭނާ ބަދަލުވީ ޕްރިމިއާ ލީގުގެ އެންމެ އަގުބޮޑު ޓްރާންސްފާގެ ގޮތުގައި ކަމަށް ވިޔަސް އޭގެއިން މާ ބޮޑު ޕްރެޝަރެއް އޮތް ކަމަށް ނުދެކޭ ކަމަށެވެ.

އިނގިރޭސި ފުޓްބޯޅަ ސީޒަން ހުޅުވަން ކުޅުނު ޗެރިޓީ ޝީލްޑް މެޗުން މިދިޔަ ހޮނިހިރު ދުވަހުގެރޭ ސިޓީ ވަނީ ލެސްޓާ ސިޓީ އަތުން 1-0 އިން ބަލިވެފަ އެވެ. އެ މެޗުގައި ގްރީލިޝް ވަނީ ދެ ވަަނަ ހާފުގައި ބަދަލު ކުޅުންތެރިއެއްގެ ގޮތުގައި ކުޅެން އަރައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox