އޮލިމްޕިކްސް: ރަން މެޑަލް ހޯދުމަށް ފަހު ދެއްކީ "ކޮފީ"ގެ ވާހަކަ

Aug 2, 2021, 7:08 PM
ިއިތިއޯޕިއާ އަށް އުފަން ނެދަލެންޑްސްގެ ދުވުންތެރިޔާ ސިފާން.-- ފޮޓޯ: އޭއެފްޕީ

ިއިތިއޯޕިއާ އަށް އުފަން ނެދަލެންޑްސްގެ ދުވުންތެރިޔާ ސިފާން.-- ފޮޓޯ: އޭއެފްޕީ

ޓޯކިޔޯ (އޮގަސްޓް 2) - ނެދަލެންޑްސްގެ މަޝްހޫރު ދިގު ދުވުންތަކަށް ހާއްސަ އެތުލީޓް ސިފާން ހަސަން މި ފަހަރުގެ އޮލިމްޕިކްސްގެ 5000 މީޓަރުގެ ދުވުމުން ރަން މެޑަލް ހޯދުމަށް ފަހު ދިން އިންޓަވިއުގައި ކޮފީ އަށް ހާއްސަ ޝުކުރެއް އަދާކޮށްފި އެވެ.

އިތިއޯޕިއާ އަށް އުފަން އުމުރުން 28 އަހަރުގެ ސިފާން ވަނީ މި ފަހަރުގެ އޮލިމްޕިކްސްގެ 5000 މީޓަރު އިވެންޓް 14 މިނިޓާއި 36.79 ސިކުންތުން ނިންމައިފަ އެވެ. ރޭހުގެ ފަހު ބައިގައި އޭނާގެ ފަރާތުން އާދަޔާހިލާފު ހިތްވަރެއް ފެނިގެން ދިޔަ އެވެ.

މި ފަހަރުގެ އޮލިމްޕިކްސް އަށް ސިފާން އައީ ވަރަށް ބޮޑު ޓާގެޓަކާ އެކީ އެވެ. އޭނާ އަމާޒުހިފާފައިވަނީ 5000 މީޓަރުގެ އިތުރުން 1500 މީޓަރާއި 10،000 މީޓަރުގެ ބައިން ވެސް ރަން މެޑަލަށެވެ. މި ހުރިހާ ރޭހެއް ވެސް ފުރިހަމަ ކުރަން ޖެހެނީ އަށް ވަރަކަށް ދުވަސް ތެރޭގަ އެވެ.

Advertisement

ފުރަތަމަ ޓާގެޓް ކަމަށްވާ 5000 މީޓަރުގެ ރޭސް ކާމިޔާބު ކުރެވުމުން އޭނާ ހުރީ ވަރަށް ހިތްހަމަޖެހިފަ އެވެ.

"ކޮފީއާ ނުލައި އަހަރެން އޮލިމްޕިކް ޗެމްޕިއަނަކަށް ނުވާނެ. އެހެންވީމަ ކޮފީ އަށް ހާއްސަ ޝުކުރެއް، ކުރިއަށް އަދި ބުރަ މަސައްކަތް ކުރަން އެބައޮތް،" ސިފާން ބުންޏެވެ.

ސިފާން ރޭހުގެ އެންމެ ކުރީގައި: ރޭހުގެ އެންމެ ފަހު ބައިގައި އޭނާގެ ފަރާތުން އާދަޔާހިލާފު ހިތްވަރެއް ފެނިގެންދިޔަ.-- ފޮޓޯ: އޭއެފްޕީ

މިއަދު ކުރިއަށްދިޔަ 1500 މީޓަރުގެ ހީޓުގައި ސިފާން ވާދަކުރިއިރު، ރޭހުގެ ކުރީކޮޅުގައި އޭނާ ވެއްޓުނެވެ. އެކަމަކު، ވަގުތު ސަލާމަތްކޮށް އަވަހަށް ތެދުވެގެން ހީޓުގެ އެއް ވަނައިގެ ގޮތުގައި އަނެއް ބުރުން ފުރުސަތު ހޯދި އެވެ.

ސިފާން ބުނީ ވެއްޓުމަށް ފަހު ތެދުވެގެން އަލުން ދުއްވައިގަންނަން ފުރަތަމަ ވަރަށް އުނދަގޫވި ކަމަށާއި އެކަމަކު ހިތްވަރު ކޮށްގެން އަލުން ހީޓްގެ އެއް ވަނަ މަގާމު ހޯދީ ކަމަށެވެ.

"މި ހުރިހާ ކަމެއް ކުރިއަށް ގެންދަން އަހަންނަށް ކެފެއިން ވަރަށް މުހިއްމު. އަހަރެންގެ ދުވުމުގެ މުހިއްމު ހިއްސާ އަކީ ކޮފީ،" ސިފާން ބުންޏެވެ.

ސިފާން ވާދަކުރާ 1500 މީޓަރުގެ ސެމީ ފައިނަލް އޮންނާނީ އަންނަ ބުދަ ދުވަހު އެވެ.

އިތިއޯޕިއާ ދޫކޮށް ރެފިއުޖީއެއްގެ ގޮތުގައި އާއިލާއާ އެކު ސިފާން ނެދަލެންޑްސް އަށް ދިޔައީ 2008 ވަނަ އަހަރު އެވެ. އޭރު އޭނާގެ އުމުރަކީ 15 އަހަރެވެ.

ނަރުހަކަށް ވާން ހުވަފެން ދެކެމުން އައި ސިފާން ދުވުމުގެ ތެރެއަށް ނުކުތީ 2011 ވަނަ އަހަރު އެވެ. މެރަތަންތަކުގައި ދުވެ، ސިފާން ހޯދަމުން އައި ކާމިޔާބީގެ ސަބަބުން 2013 ވަނަ އަހަރު އޭނާ އަށް ނެދަލެންޑްސްގެ ރަށްވެހިކަން ދީ ރަސްމީ ޓްރެއިނިންތައް ދޭން ފެށި އެވެ.

ސިފާންގެ ކެރިއަރުގެ ކާމިޔާބީތަކަށް ބަލާއިރު 2015 ވަނަ އަހަރު ބެއިޖިންގައި ބޭއްވި ވޯލްޑް ޗެމްޕިއަންޝިޕްގެ 1500 މީޓަރު ބައިން ލޯ މެޑަލް ހޯދި އެވެ. އޭގެ ފަހުން މީގެ ދެ އަހަރު ކުރިން ދޯހާގައި ބޭއްވި ވޯލްޑް ޗެމްޕިއަންޝިޕްގެ 1500 މީޓަރާއި 10،000 މީޓަރުގެ ބައިން ރަން މެޑަލް ހޯދި އެވެ.

އޮލިމްޕިކްސްގައި 2016 ވަނަ އަހަރު އަލަށް ވާދަކުރިއިރު، މެޑަލަކާ ހަމައަށް ދެވޭ ގޮތެއް ނުވި ނަމަވެސް މި ފަހަރު ސިފާން މި ވަނީ ވާދަކުރި ފުރަތަމަ އިވެންޓުން ވެސް ރަން މެޑަލެއް ހޯދައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox