ބޮޑެތި ކުށްވެރިން ސިޔާސީ ނުފޫޒާ އެކު ޖަލުން ދޫކުރާތީ ކަންބޮޑުވުން!

ކަރެކްޝަންސްގެ އޮފިސަރަކު ޑިއުޓީގައި: ސިޔާސީ ފަރާތްތަކުގެ ނުފޫޒުން ޖަލުން ދޫވާ މައްސަލައިގެ ކަންބޮޑުވުން އެބައޮތް. -- ފޮޓޯ/އަދަދު

ކަރެކްޝަންސްގެ އޮފިސަރަކު ޑިއުޓީގައި: ސިޔާސީ ފަރާތްތަކުގެ ނުފޫޒުން ޖަލުން ދޫވާ މައްސަލައިގެ ކަންބޮޑުވުން އެބައޮތް. -- ފޮޓޯ/އަދަދު

ޖަލު ބަންދުގައި ތިބެން ޖެހޭ ނުރައްކާތެރި ކުށްވެރިންތަކެއް ސިޔާސީ އެކި ފަރާތްތަކުގެ ނުފޫޒާ އެކު މަގުމައްޗަށް ދޫވާ މައްސަލަ ހޯމް މިނިސްޓަރު އިމްރާން އަބްދުﷲ އެމްޑީޕީގެ ސަމާލުކަމަށް ގެންނެވި ކަމަށް މެއި ހައެއް ކޮމިޓީގެ މުގައްރިރު އަދި ވިލުފުށީ ދާއިރާގެ މެމްބަރު ހަސަން އަފީފް ރޭ ވިދާޅުވެއްޖެ އެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކުރި ހަމަލާގެ ތަހުގީގަށް ފާރަވެރިވާން އުފެއްދި ކޮމިޓީން އިމްރާންއާ އެކު ބޭއްވެވި ބައްދަލުވުމުގައި، ރައްޔިތުންގެ ސަލާމަތާއި ރައްކާތެރިކަމަށް ހުރި ކަންބޮޑުވުންތަކާ ގުޅޭ ގޮތުން ވަނީ ވާހަކަ ދައްކަވައިފަ އެވެ.

އެ ބައްދަލުވުމުގައި، މިނިސްޓަރުގެ ކަންބޮޑުވުން އޮތް އެއް މައްސަލައަކީ ޖަލުން ކުށްވެރިން ދޫވުން ކަމަށާއި އެކަމުގެ ފަހަތުގައި މެމްބަރުންތަކެއް ތިބި ކަމަށް ބެލެވޭ ކަމަށް މިނިސްޓަރުގެ ވާހަކަ އިން ދޭހަވި ކަމަށް އަފީފް ވިދާޅުވި އެވެ.

"އެއީ ސިޔާސީ ފަރާތްތަކުން، އަޅުގަނޑަށް ހީވަނީ މިނިސްޓަރު އެ ވިދާޅުވަނީ ރައްޔިތުންގެ މަޖިލީހުގެ މެމްބަރުންނަށް ކަމަށް. ސިޔާސީ ފަރާތްތަކުން ނޫފޫޒު ބޭނުންކޮށްގެން ހާއްސަކޮށް މަސްތުވާތަކެއްޗާއި ގޭންގް ކުށްތަކުގައި ހައްޔަރުކުރެވޭ މީހުން ދޫކޮށްލުމަށް މަސައްކަތް ކުރަމުންދާ ކަން،" އަފީފް ވިދާޅުވި އެވެ.

"މިއީ އެ ފަރާތުން ވަރަށް ކަންބޮޑުވާ ކަމެއް ކަމަށް މިނިސްޓަރު މި ވިދާޅުވަނީ."

އަފީފް ވިދާޅުވި ގޮތުގައި ބޮޑެތި ކުށަށް ތަކުރާރުކޮށް އަރައިގަންނަ މީހުން، ސިޔާސީ ނުފޫޒު ބޭނުންކޮށްގެން މަގުމައްޗަށް ނުކުމެވޭ ގޮތް ހެދުމަކީ އޭނާ ވެސް ކަންބޮޑުވެވަޑައިގަންނަވާ ކަމެކެވެ.

ކްލެމެންސީ ބޯޑުން މިގޮތަށް ދޫކުރާ މީހުން، ފުލުހުންގެ އިންޓެލިޖެންސް ޑިޕާޓްމަންޓުން ޗެކްކުރަމުން އަންނަ ކަަމަށާއި އޭގެތެރޭގައި މުޖުތަމައަށް ނެރުން ހުއްޓުވުމުގެ މަސައްކަތްތަކެއް ކުރައްވަން ނިންމާފައިވާ ކަމަށް މިނިސްޓަރުގެ ވާހަކައިން ގަބޫލުކުރެއްވޭ ކަމަށް އަފީފް ވިދާޅުވި އެވެ.

މި މައްސަލައިގައި ވާހަކަ ދައްކަވަމުން ރައީސް އޮފީހުގެ މިނިސްޓަރު އަދި އެމްޑީޕީގެ ނައިބު ރައީސް މުހައްމަދު ޝިފާޒް ވިދާޅުވީ އެގޮތަށް ކުށްވެރިން ދޫކުރުމަކީ ބަލައިގަނެވޭނެ ކަމެއް ނޫން ކަމަށެވެ. މި ސަރުކާރުން އެފަދަ ނުފޫޒުތަކަކަށް ބޯނުލަނބާނެ ކަމަށް އޭނާ ވިދާޅުވި އެވެ.

"އަޅުގަނޑުމެންނެއް އެ ޖާގައެއް ނުވެސް ދޭނެ، ހަމަ ޔަގީން. އަޅުގަނޑު ޔަގީންކުރަނީ ހޯމް މިނިސްޓަރު އެހެން ވިދާޅުވި ކަމުގައިވީ ނަމަވެސް އެފަދަ ނުފޫޒަކަށް ދޫކުރާނެ ގޮތަކަށް ނޫން އަޅުގަނޑުމެންގެ ސަރުކާރު މިތިބީކީ،" ޝިފާޒް ވިދާޅުވި އެވެ.

ކޯލިޝަން ވެރިކަމެއް އޮތްއިރު ހޯމް މިނިސްޓަރު އެ ވިދާޅުވާ ސިޔާސީ ނުފޫޒު އަންނަނީ ކޮން ދިމާލަކުންތޯ ސުވާލު އުފެދޭ ކަމަށް ވިދާޅުވި އެވެ. އެ ވާހަކައިގެ އަސްލެއް އޮތްތޯ ބަލަން ޖެހޭ ކަމަށް ޝިފާޒް ވިދާޅުވި އެވެ.

އެމްޑީޕީގެ ޗެއާޕާސަން ހަސަން ލަތީފް ވިދާޅުވީ ބަންދުގައި ތިބޭ ގައިދީން ދޫވުމުގައި އެއްވެސް ފަރާތެއްގެ ނުފޫޒު އޮންނަ ކަމަށް ހޯމް މިނިސްޓަރަށް ހީފުޅުވާ ނަމަ އެކަމެއް ބަލަން ޖެހޭ ކަމަށެވެ. އެއީ އެމްޑީޕީން ބަލަން އެދޭނެ ކަމެއް ކަމަށާއި އެކަމުގައި އެމްޑީޕީގެ މެމްބަރުންތަކެއް ހިމެނޭ ނަމަ ޕާޓީގެ ސުލޫކް ކޮމިޓީން ވެސް ބެލޭނެ ކަމަށް ވިދާޅުވި އެވެ.

"އެއީ އެއްގޮތަކަށް ވެސް ކޮށްގެންވާނެ ކަމެއް ނޫން، ބަންދުގައި ތިބޭ މީހުން ދޫކުރަން ނުފޫޒު ފޯރުވައިގެން މި ޕާޓީގެ މެމްބަރަކު އެކަން ކުރާނެ ކަމަަކަށް އަޅުގަނޑެއް ގަބޫލެއް ނުކުރަން. ދެން އެހެން ނަމަވެސް ހޯމް މިނިސްޓަރަށް އެއީ އެމްޑީޕީގެ މެމްބަރުން ކުރާ ކަމެއް ކަމަށް ފާހަގަވަންޏާ އެދެނީ އަޅުގަނޑުމެންނަށް ހިއްސާކޮށްދެއްވުމަށް،" ހަސަން ވިދާޅުވި އެވެ.

ރައްޔިތުންގެ މަޖިލީހުގެ މެމްބަރެއް ނަމަ އެކަން މަޖިލީހާ ހިއްސާކޮށްދެއްވަން ހަސަން އެދިވަޑައިގަތެވެ. ސީރިއަސް ކަމެއްގެ ގޮތުގައި ރައްޔިތުންގެ މަޖިލީހުން ވެސް އެކަން ބައްލަވާނެ ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox