ނަފުރަތުގެ ބިލާ ދެކޮޅަށް ހުށަހެޅި ޕެޓިޝަނަށް ޖަވާބެއް ނުލިބެނީސް އިލްމުވެރިންގެ ފަރާތުން އަނެއްކާ ވެސް ސިޓީއެއް

ނަފްރަތުގެ ބިލް ދައްކުވައިދޭ ކުރެހުމެއް: އިލްމުވެރިންގެ ޕެޓިޝަނުގައި 101 މީހުން ނަން ހިމެނި ނަމަވެސް ސޮއި ކުރެއްވާފައި ވަނީ އެންމެ ފަސް އިލްމުވެރިއަކު -- އިލުސްޓްރޭޝަން: އަބްދުﷲ ޝަފީއު

ނަފްރަތުގެ ބިލް ދައްކުވައިދޭ ކުރެހުމެއް: އިލްމުވެރިންގެ ޕެޓިޝަނުގައި 101 މީހުން ނަން ހިމެނި ނަމަވެސް ސޮއި ކުރެއްވާފައި ވަނީ އެންމެ ފަސް އިލްމުވެރިއަކު -- އިލުސްޓްރޭޝަން: އަބްދުﷲ ޝަފީއު

ނަފުރަތުގެ ބިލު އަނބުރާ ގެންދިއުމަށް ދީނީ އިލްމުވެރިން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް ހުށަހެޅި ޕެޓިޝަނަށް ޖަވާބެއް ނުދެއްވާ އޮއްވާ، އެ ބިލަށް ވޯޓު ނުދިނުމަށް ބާރުއަޅުއްވައިދެއްވުމަށް އެމަނިކުފާނުގެ އަރިހުން އިލްމުވެރިން އަނެއްކާ ވެސް އެދެފި އެވެ.

މުސްލިމަކީ ކާފަރެއް ކަމަށް ބުނުމާއި ވަކި މީހަކީ ދީނާ ދެކޮޅު ކަމަށް ބުނުން އެއީ ޖިނާއީ ކުށަކަށް ހަދަން ސަރުކާރުން ރައްޔިތުންގެ މަޖިލީހަށް ހުށަހެޅި ބިލް އަނބުރާ ގެންދިއުމަށް ގޮވާލާ ދީނީ 101 އިލްމުވެރިއެއްގެ ނަމާއެކު ރައީސް އޮފީހަށް ޕެޓިޝަނެއް ހުށަހަޅާފައި ވަނީ މިދިޔަ ޖޫން 17، ގަ އެވެ.

އެ ޕެޓިޝަނަށް ރައީސް ސޯލިހުގެ ފަރާތްޕުޅުން ޖަވާބެއް ނުދެއްވާ އޮއްވާ އިލްމުވެރިންގެ ފަރާތުން މިއަދު ހުށަހެޅި ސިޓީއެއްގައި އެދިފައި ވަނީ އެ ބިލަށް ވޯޓު ނުދިނުމަށް ވެރިކަން ހިންގާ މޯލްޑިވިއަން ޑިމޮކްރެޓިކް ޕާޓީގެ "މެންބަރުންނަށް ދަންނަވައި ބާރުއަޅުއްވައި" ދެއްވުމަށެވެ.

"މަނިކުފާނުގެ ޕާޓީގެ ޕާލިމެންޓަރީ މެންބަރުންގެ އަގުލަބިއްޔަތަކީ މަނިކުފާނުގެ ލަފާފުޅު ފުރިހަމައަށް ގަބޫލު ކުރައްވާނެ މެންބަރުންތަކެއް ކަމުގައި މިހާތަނަށް ނުހަނު ސާފުކޮށް ފެންނަން އޮތަތީވެ، ރައްޔިތުންގެ މަޖިލީހުގައި އޮތް 'ނަފުރަތުގެ ޢަމަލު ހުއްޓުވުމުގެ' ބިލު މިހާރު އެ އޮތް ގޮތަށް ފާސް ކުރަން ނުފެންނަ ކަމަށް ވޯޓު ދެއްވުމަށް ރައްޔިތުންގެ މަޖިލީހުގެ މަނިކުފާނުގެ ޕާޓީގެ މެންބަރުންނަށް ދަންނަވައި ބާރުއަޅުއްވައި ދެއްވުން އެދި އަދަބުވެރިކަމާ އެކީ ދެންނެވިން،" އެ ސިޓީގައިވެ އެވެ.

އިލްމުވެރިންގެ ފަރާތުން ޕެޓިޝަން ހުށަހެޅުމުގައި އިސްކޮށް އުޅުއްވި ޝެއިހު ޒަމްޒަމް ފާރިޝް މި ނޫހާ ވާހަކަ ދައްކަވަމުން ވިދާޅުވީ އެ ޕެޓިޝަނާ ގުޅޭ ގޮތުން އެއްވެސް ވާހަކައެއް ރައީސް އޮފީހުން ބުނެފައި ނުވާ ކަމަށެވެ. އަދި މިހާތަނަށް ޖަވާބެއް ނުދެއްވާއިރު ޕެޓިޝަން މިހާރު އޮތް ހިސާބެއް އެނގިވަޑައިނުގަންނަވާ ކަމަށް ވެސް އޭނާ ވިދާޅުވި އެވެ.

"ޕެޓިޝަނައް އަދި ހަމަ އެއްވެސް ޖަވާބެއް ނުލިބޭ. އެއްވެސް ކަހަލަ މައްސަލައެއް ވެސް ރެއިސްކޮށްފައެއް ނެތް،" ޒަމްޒަމް ވިދާޅުވި އެވެ.

އެކަމާ ގުޅޭ ގޮތުން ރައީސް އޮފީހުގެ ތަރުޖަމާނު މަބްރޫކް އަޒީޒްއާ ގުޅުމުން ވިދާޅުވީ އިލްމުވެރިންގެ ފާޅުކުރެއްވި ކަންބޮޑުވުންތަކަށް ރައީސް ބައްލަވާނެ ކަމަށެވެ. ނަމަވެސް ޕެޓިޝަނާ ގުޅޭ އިތުރު އެއްވެސް އެއްޗެއް ވިދާޅެއްނުވި އެވެ.

"ބިލާ ގުޅޭ ގޮތުން އިލްމުވެރިން އަދި ރައްޔިތުން ނަންގަވާފައިވާ މައްސަލަތަކަށް ރައީސް އެޑްރެސް ކުރައްވާނެ،" މަބްރޫކް ވިދާޅުވި އެވެ.

އިލްމުވެރިން ހުށަހެޅި ޕެޓިޝަނުގައި ސޮއި ކުރައްވާފައި ވަނީ ޝެހިއު ނިމާލް މުހައްމަދާއި ހުސެއިން އަންސާރާއި ޒަމްޒަމް ފާރިޝް އާއި މުހައްމަދު ޒާހިދާއި ޝުއައިބު ނާޒިމެވެ. ނަމަވެސް އިތުރު 101 އިލްމުވެރިއެއްގެ ނަން އެ ޕެޓިޝަނުގައި ހިމަނާފައިވެ އެވެ.

އިލްމުވެރިންގެ ފަރާތުން ރައީސް ސޯލިހަށް ޕެޓިޝަނެއް ހުށަހަޅާފައިވާއިރު އޭގައި ސަލަފް ޖަމިއްޔާގެ ބައެއް އިސް ބޭފުޅުން ސޮއި ކުރައްވާފައެއް ނުވެ އެވެ. އެގޮތުން އެ ޖަމިއްޔާގެ ރައީސް ޝެއިހު އަބްދުﷲ ބިން މުހައްމަދު އިބްރާހިމް އާއި އިލްމުވެރިންގެ މަޖިލިހުގެ ރައީސް ޝެއިހު އަހުމަދު ސަމީރު އެ ޕެޓިޝަނުގައި ސޮއި ކުރައްވާފައެއް ނުވެ އެވެ.

އެކަމާ ގުޅޭ ގޮތުން ޝެއިހު ސަމީރު ވިދާޅުވެފައި ވަނީ ޕެޓިޝަނުގައި ސޮއި ނުކުރެއްވީ ނަފްރަތުގެ ބިލާ ގުޅޭ ގޮތުން އެ ޕެޓިޝަނުގައި ސޮއި ކުރައްވާފައިވާ ބައެއް އިލްމުވެރިންގެ ވިސްނުން އެއްކޮށް ސާފުނުވާތީ ކަމަށެވެ.

"ސަރުކާރު ކޯލިޝަންގައި ހިމެނޭ ބައެއް ބޭފުޅުން މީގައި އެބަ ސޮއި ކުރައްވާ. އެބޭފުޅުންގެ ވިސްނުންފުޅު އަޅުގަނޑަކަށް ސާފެއް ނޫން ބިލާމެދުގައި. އެބޭފުޅުންނަކީ ސަރުކާރުން ބިލާމެދުގައި ލަފާ އެންމެ ފުރަތަމައިނުން އަހާނެ ބޭފުޅުން އަނެއްހެން ބަލައިފިއްޔާ،" ސަމީރު ވިދާޅުވެފައިވެ އެވެ.

މީހުން ކާފަރު ކުރުމާއި އަގީދާއާ ގުޅުވައިގެން އެކި ތުހުމަތުތައް ކުރުން މަނާ ކުރުމުގެ މަސައްކަތް ސަރުކާރުން މި ކުރަނީ ކުރީގެ ރައީސް މުހައްމަދު ނަޝީދު އަވަހާރަކޮށްލަން ބަޔަކު މިދިޔަ މެއި، 6، ގައި ބޮމެއް ގޮއްވާލި ފަހުންނެވެ.

ނަފްރުގެ ބިލު ހުށަހެޅުމާއެކު ކުރިމަތިވި ޕްރެޝަރުތަކަށްފަހު، އިސްލާމް ދީނަށް ފުރައްސާރަ ކުރުމަކީ ވެސް ކުށެއް ކަމަށް ހަދައި އެކަން ތަފްސީލުކޮށް ބިލެއް ތައްޔާރު ކުރައްވަމުން ގެންދަވާ ކަމަށް ބަންޑާރަ ނައިބު އިބްރާހިމް ރިފްއަތު އޮތީ ވިދާޅުވެފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox