ހދ. ހަނިމާދޫގައި އިމާރާތްކުރަން ފަށާފައިވާ ހައުސިން ޔުނިޓްތަކާއި އަލަށް އިމާރާތްކުރާ ހައުސިންގް ޔުނިޓް މަސައްކަތް ނިންމުމަށް ހަވާލުކޮށްފި އެވެ.
ހަނިމާދޫ ހައުސިންގެ މައްސަލަތަކަށް ހައްލު ހޯދުމުގެ ގޮތުން އަންނަ އަހަރުގެ ބަޖެޓުގަ ހިމަނާފައިވާ އެ މަޝްރޫއުގެ މަސައްކަތް ހަވާލު ކޮށްފައި ވަނީ ދޮންބެޒް ޕްރައިވެޓް ލިމިޓެޑާ އެވެ.
ހައުސިން އަދި ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތުގައި ހަނިމާދޫގައި އިމާރާތްކުރަން ފަށާފައިވާ 52 ހައުސިންްގް ޔުނިޓް ނިންމުމުގެ މަސައްކަތާއި އަދި އެ ރަށުގައި އަލަށް އިމާރާތް ކުރުމަށް ހަމަޖެހިފައިވާ 48 ހައުސިންގް ޔުނިޓްގެ މަސައްކަތް ނިންމުމަށް ވަނީ އެ ކުންފުންޏާ ހަވާލު ކޮށްފަ އެވެ.
އެ ކުންފުންޏާ މަސައްކަތް ހަވާލުކޮށްފައި މިވަނީ 79.3 މިލިއަން ރުފިޔާއަށް 330 ދުވަހުގެ ތެރޭ ނިންމާ ގޮތަށެވެ.
ހަނިމާދޫގެ ހައުސިން ޔުނިޓުތައް ނިންމަން ހަވާލުކޮށްފައިވަނީ, ހދ.ގެ ތިން ރަށަކަށް ރައީސް އިބްރާހިމް މުހައްމަދު ސޯލިހު ކުރެއްވި ދަތުރުފުޅުގައި އެންމެ ފަހު މަންޒިލެއްގެ ގޮތުގައި މިއަދު ހަނިމާދު އަށް ވަޑައިގެންފައި ވަނިކޮށެވެ.
