މެސީ ހިލޭ ޖެހުމުން ޖެހި ގޯލާ އެކު އާޖެންޓީނާ ސެމީ އަށް

Jul 4, 2021, 2:59 AM
ލަނޑު ޖެހުމަށް ފަހު މެސީ (ކ) އާއި ޑި މާރިއާ އުފާފާޅުކުރަނީ.

ލަނޑު ޖެހުމަށް ފަހު މެސީ (ކ) އާއި ޑި މާރިއާ އުފާފާޅުކުރަނީ.

ބްރެޒީލިއާ (ޖުލައި 4) - ކޮޕަ އެމެރިކާ ފުޓްބޯޅަ މުބާރާތުގައި އެކުއެޑޯގެ މައްޗަށް 3-0 އިން ކުރިހޯދައި އާޖެންޓީނާ އިން މުބާރާތުގެ ސެމީ ފައިނަލުން ފުރުސަތު ހޯދައިފި އެވެ.

މި މެޗުގައި އާޖެންޓީނާގެ ތަރި އަކީ މެސީ އެވެ. ފުރަތަމަ ދެ ގޯލު ޖަހަން ފުރުސަތު ތަނަވަސްކޮށްދިނުމުގެ އިތުރުން ފަހު ގޯލު ޖެހީ މެސީ އެވެ.

ބްރެޒިލްގެ އެސްޓަޑިއޯ އޮލިމްޕިކޯގައި މިއަދުގެ ކުޅުނު މެޗުގެ ތިން ވަނަ މިނިޓްގައި އާޖެންޓީނާގެ ލަޓާރޯ މާޓީނޭޒް ޖެހި ބޯޅަ އެކުއެޑޯ ކީޕަރު ހެމަން ގަލިންޑޭޒް ވަނީ މަތަކޮށްފަ އެވެ. މެޗުގެ 16 ވަނަ މިނިޓްގައި އާޖެންޓީނާ އިން ވަނީ ޕެނަލްޓީ ހޯދަން އެޕީލްކޮށްފަ އެވެ. މެސީ ޖެހި ބޯޅައެއް އޭރިއާތެރެއިން އެކުއެޑޯގެ އެންހެލޯ ޕްރެސިއާޑޯ އަތުގައި ޖެހުނު ނަމަވެސް ރެފްރީ ނިންމީ ޕެނަލްޓީއެއް ނޫން ކަމަށެވެ.

އާޖެންޓީނާ އަށް ލީޑުނަގައިދޭން މެސީ އަށް މެޗުގެ 23 ވަނަ މިނިޓްގައި ރަނުގެ ފުރުސަތެއް ލިބުނެވެ. އޭރިއާތެރެއަށް ހުސްކޮށް ބޯޅަ ހިފައިގެން ވަދެ މެސީ ޖެހި ބޯޅަ އަމާޒުވީ ގޯލުގެ ދަނޑިއަށެވެ.

ފުރަތަމަ ހާފުގައި އެކުއެޑޯގެ އެންމެ ނުރައްކާތެރި ހަމަލާ ފޮނުވާލީ މެޗުގެ 38 ވަނަ މިނިޓްގައި އެނާ ވެލެންސިއާ އެވެ. ވެލެންސިއާ ޖެހި ބޯޅަަ ދިޔައީ ދަނޑިކައިރިން ބޭރުންނެވެ.

ލަނޑު ޖެހުމަށް ފަހު މެސީ (ކ) އާއި ޑެ ޕޯލް އުފާފާޅުކުރަނީ.

އާޖެންޓީނާ އިން ވަނީ ފުރަތަމަ ހާފު ނިމުމުގެ ކުރިން ލީޑުނަގައިފަ އެވެ. މެސީ ހުސްކޮށްލާފައި ދިން ބޯޅައަކުން މި ގޯލު ޖެހީ ރޮޑްރީގޯ ޑެ ޕޯލް އެވެ. އެ ބޯޅަ މެސީ އަށް ވެސް ގޯލަށް ފޮނުވާލެވެން އޮތް ނަމަވެސް އޭނާ ދިނީ ޑެ ޕޯލް އަށެވެ. އޭރިއާތެރެއިން ޑެ ޕޯލް ވަނީ ހަމަޖެހިލާފައި ބޯޅަ ގޯލު ތެރެއަށް ފޮނުވާލައިފަ އެވެ.

ދެ ވަނަ ހާފްގެ ކުރީކޮޅުގައި އާޖެންޓީނާ އަށް ދެ ވަނަ ގޯލެއް ޖަހައިދޭން މެސީ އޭރިއާބޭރުން ފޮނުވާލި ބޯޅަ ދިޔައީ ދަނޑިކައިރިންނެވެ. މެޗުގެ 79 ވަނަ މިނިޓްގައި އެކުއެޑޯ އަށް އެއްވަރުކޮށްދޭން އެ ޓީމުގެ ގޮންޒާލޯ ޕްލާޓާ ޖެހި ބޯޅަ އާޖެންޓީނާގެ ކީޕަރު އެމިލިއާނޯ މާޓީނޭޒް ވަނީ މަތަކޮށްފަ އެވެ. އޭގެ ތިން މިނިޓް ފަހުން އެކުއެޑޯ ފަހަތުން ހެދި ގޯހެއްގެ ފައިދާނަގައި މެސީ ދިން ބޯޅައަކުން ލަޓާރޯ މާޓީނޭޒް ވަނީ އާޖެންޓީނާގެ ދެ ވަނަ ގޯލު ޖަހައިފަ އެވެ.

އާޖެންޓީނާގެ އެންހެލް ޑި މާރިއާ އަށް މެޗުގެ އިތުރު ވަގުތުގައި ފައުލުކުރުމުން އެކުއެޑޯގެ ޑިފެންޑަރު ޕިއޭރޯ ހިންކަޕީއޭ އަށް ވަނީ ރަތް ކާޑެއް ދައްކައިފަ އެވެ. އެ ފައުލަށް އޭރިއާބޭރުން ލިބުނު ހިލޭ ޖެހުމުން މެސީ ވަނީ އާޖެންޓީނާގެ ތިން ވަނަ ގޯލު ޖަހައިފަ އެވެ. މިއީ މި ފަހަރުގެ މުބާރާތުގައި މެސީ ޖެހި ހަތަރު ވަނަ ގޯލެވެ. އޭގެ ތެރެއިން ދެ ގޯލު ޖެހީ ހިލޭ ޖެހުމުންނެވެ. މެސީ އަކީ މި ފަހަރުގެ ކޮޕަ އެމެރިކާގައި އެންމެ ގިނަ ގޯލު ޖެހި ކުޅުންތެރިޔާ އެވެ.

ސެމީގައި އާޖެންޓީނާއާ ބައްދަލުކުރާނީ ކޮލަމްބިއާ އެވެ. ކޮލަމްބިއާ އިން ސެމީގެ ފުރުސަތު ހޯދީ ރޭ ކުޅުނު ކުއާޓާ ފައިނަލު މެޗުގައި ޕެނަލްޓީ ޖަހައިގެން 4-2 އިން އުރުގުއޭ ބަލިކުރުމަށް ފަހު އެވެ. މެޗުގެ ފުރިހަމަ ވަގުތު ހަމަވިއިރު، ލަނޑެއް ނުޖެހި އެއްވަރުވެފައި އޮތުމުން ޕެނަލްޓީ ޖެހިއިރު، އުރުގުއޭ އަށް ކާމިޔާބުކުރެވުނީ ލުއިސް ސުއަރޭޒާއި އެޑިންސަން ކަވާނީ ފޮނުވާލި ދެ ޕެނަލްޓީ އެވެ. އެ ޓީމުން ހޯސޭ ހިމެނޭޒް އާއި މަޓިއަސް ވީނާ އަށް ޕެނަލްޓީ ކާމިޔާބެއް ނުކުރެވުނެވެ.

ކޮލަމްބިއާ އިން ވަނީ ހަތަރު ޕެނަލްޓީ ވެސް ކާމިޔާބުކޮށްފަ އެވެ. އެ ޓީމުގެ ޕެނަލްޓީތައް ޖެހީ ޑުވާން ޒަޕާޓާ، ޑަވިންސަން ސަންޗޭޒް، ޔެރީ މީނާ އަދި މިގޭލް ބޯހާ އެވެ.

ސެމީ ފައިނަލް މެޗުތައް:

ބްރެޒިލް - ޕެރޫ (5 ޖުލައި 2021)

ކޮލަމްބިއާ - އާޖެންޓީނާ (6 ޖުލައި 2021)

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox