މެސީގެ ކޮންޓްރެކްޓް ރަޖިސްޓްރީ ކުރަން ބާސެލޯނާ އަށް އުނދަގޫތަކެއް

Jun 23, 2021, 5:25 AM
މެސީގެ ކޮންޓްރެކްޓް ރަޖިސްޓްރީ ކުރަން ބާސެލޯނާ އަށް އުނދަގޫތަކެއް

ބާސެލޯނާ (ޖޫން 23) - ބާސެލޯނާ އިން ލިއޮނަލް މެސީއާ އެކު ހަދާފައިވާ އެއްބަސްވުން އާ ކުރި ނަމަވެސް އެ ކޮންޓްރެކްޓް ރަޖިސްޓްރީ ކުރުމުގައި ބާސެލޯނާ އަށް އުނދަގޫތަކެއް އެބަހުރި ކަމަށް ލަލީގާގެ މާލީ ތަފާސްހިސާބުތަކުން ދައްކާފައިވާ ކަމަށް ސްޕެއިނުގެ މީޑިއާ ރިޕޯޓްތައް ބުނެފި އެވެ.

އުމުރުން 33 އަހަރުގެ މެސީ ބާސެލޯނާއާ އެކު ހަދާފައިވާ އެއްބަސްވުން މި މަހުގެ ނިޔަލަށް ހަމަވާނެ އެވެ. އޭނާ ބާސެލޯނާއާ އެކު ދެން ސޮއިކުރަން ނިންމާފައިވަނީ ދެ އަހަރުގެ ކޮންޓްރެކްޓެއްގަ އެވެ. އެއީ މިހާރު ލިބެމުން އަންނަ މުސާރަ ކުޑަކޮށްގެން ކަމަށް ރިޕޯޓްތައް ބުނެ އެވެ. މެސީ އާ ކޮންޓްރެކްޓްގައި ސޮއިކުރި ނަމަވެސް އެ އެއްބަސްވުން ލަލީގާ އިން ރަޖިސްޓްރީ ކޮށްދޭނީ ވަކި ކަންތައްތަކެއް ފުރިހަމަވުމުންނެވެ.

ބާސެލޯނާގެ މުސާރަތައް 2019/2020 ވަނަ އަަހަރުގެ ސީޒަނުގައި ހުރީ 671 މިލިއަން ޔޫރޯގަ އެވެ. އެ އަދަދުތައް ވަނީ މިދިޔަ ސީޒަނުގައި 382.7 މިލިއަން ޔޫރޯ އަށް ކުޑަކޮށްފަ އެވެ. އެކަމަކު އަދިވެސް ލަލީގާގެ އުސޫލުތަކުގެ ތެރެއަށް ފައްތަން މުސާރަތައް ކުޑަކުރަންޖެހެ އެވެ.

Advertisement

މި ފަހަރުގެ ޓްރާންސްފާ މާކެޓްގައި ބާސެލޯނާ އިން ވަނީ ހަތަރު ކުޅުންތެރިން ސޮއިކޮށްފަ އެވެ. އެއީ ހިލޭ އެއްބަސްވުމެއްގެ ދަށުން އެ ޓީމާ ގުޅުނު މެންޗެސްޓާ ސިޓީގެ ސާޖިއޯ އަގުއޭރޯ އާއި އެރިކް ގާސިއާ އަދި ލިޔޯނުން އައި މެމްފިސް ޑިިޕާއިގެ އިތުރުން ރެއާލް ބެޓިސް އިން ގަތް އެމަސަން އެެވެ. ހަތަރު ކުޅުންތެރިން ގެނައި ނަމަވެސް ބާސެލޯނާ އިން މިހާތަނަށް ކުޅުންތެރިއަކު ވިއްކާފައިނުވެ އެވެ.

އެހެންވެ، މެސީ ލައްވައި އާ ކޮންޓްރެކްޓެއްގައި ސޮއިކޮށް އޭނާގެ އެއްބަސްވުން ރަޖިސްޓްރީ ކުރާނަމަ ބާސެލޯނާ އިން އެ ކްލަބްގެ ބޮޑު މުސާރަ ލިބޭ ބައެއް ކުޅުންތެރިން ދޫކޮށްލަން ޖެހޭނެ އެވެ. ބާސެލޯނާ އިން ދޫކޮށްލަން ވިސްނަމުން އަންނަ ކުޅުންތެރިންގެ ތެރޭގައި ފިިލިއްޕޭ ކުޓީނިއޯ، ސެމިއުލް އުމްޓީޓީ، އެންޓޮއިން ގްރީޒްމަން އަދި އޮސްމާން ޑެމްބެލޭ ހިމެނެ އެވެ.

ލަލީގާގެ ރައީސް ހަވިއޭ ޓެބާސް ވިދާޅުވީ މެސީގެ ކޮންޓްރެކްޓް ބާސެލޯނާ އިން އާ ކުރާނެ ކަމަށް ބެލެވޭ ކަމަށާއި އެކަމަކު ލަލީގާ އިން އޭނާގެ އެއްބަސްވުން ރަޖިސްޓްރީ ކޮށްދޭނީ މުޅި ބާސެލޯނާގެ މުސާރަ ބިލް އުސޫލުގެ ތެެރެއަށް ފެތުމުން ކަމަށެވެ. އަދި މެސީ ސޮއިކުރާ އާ އެއްބަސްވުމުގައި މިހާރު އޭނާ އަށް ލިބޭ މުސާރައިގެ ތެރެއިން ވަކި ޕަސެންޓެއް މަދުކޮށް ސޮއިކުރި ނަމަވެސް އަދިވެސް މުޅި ކްލަބްގެ ހަރަދުތައް ކޮންޓްރޯލްކުރަން ބަދަލުތަކެއް އަންނަން ޖެހޭ ކަން ޓެބާސް ފާހަގަކުރެއްވި އެވެ.

ބާސެލޯނާގެ ރައީސް ލަޕޯޓާ (ކ) އާއި މެސީ ސަލާމްކުރަނީ.

"ބާސެލޯނާ އިން އެބަޖެހޭ އެ ކްލަބްގެ ދަރަނިތައް މެނޭޖްކުރެވޭނެ ގޮތްތައް ލަލީގާ އަށް ހިއްސާކުރަން. މި ވަގުތަށް ބަލާއިރު ލަލީގާގެ ޓީމުތަކުން މި ހިނދުން ދައްކަން ޖެހޭ ޖުމްލަ ދަރަނިތައް އުޅެނީ 700 މިިލިއަން ޔޫރޯގައި. އޭގެތެރެއިން ގާތްގަނޑަކަށް ދެބައި ކުޅަ އެއްބައި އޮތީ ބާސެލޯނާގެ ދަރަނި. އެހެންވީމަ އެބަޖެހޭ ހައްލުތަކެއް ގެންނަން،" ޓެބާސް ވިދާޅުވި އެވެ.

ޓެބާސް ވިދާޅުވީ ރެއާލް މެޑްރިޑުން މި ފަހަރުގެ ޓްރާންސްފާ މާކެޓްގައި މާ ބޮޑަށް އެކްޓިވް ނުވެ އޮތް ސަބަބަކީ އެ ކްލަބްގެ ހަރަދުތައް މެނޭޖްކުރުމަށް ކަމަށެވެ.

ރިޕޯޓްތައް ބުނާގޮތުން މެސީ ބާސެލޯނާގައި މަޑުކުރަން ކުރި ޝަރުތަކީ ހުރިހާ މުބާރާތްތަކަށް ވާދަކުރެވޭ ފެންވަރުގެ ޓީމެއް އެކުލަވާލުމަށެވެ. ބާސެލޯނާގައި ޓްރާންސްފާ އަށް ހަރަދުކުރާނެ މާ ބޮޑު ފައިސާގެ ބަޖެޓެއް ނެތުމުން އެ ކްލަބުން ވަނީ އެމެރިކާގެ އިންވެސްޓްމެންޓް ބޭންކް ގޯލްޑްމަން ސާކްސް އިން 500 މިލިއަން ޔޫރޯގެ ލޯނެއް ނަގައިފަ އެވެ. އެއީ ކްލަބްގެ ދަރަނިތައް ދެއްކުމާއި ޓްރާންސްފާ މާކެޓްގައި ކޮންމެ ވެސް ވަރަކަށް ހަރަދުކުރުމަށެވެ.

މެސީގެ ކޮންޓްރެކްޓް މި މަހުގެ ނިޔަލަށް ހަމަވުމުގެ ކުރިން ބާސެލޯނާ އިން ރަސްމީކޮށް ކްލަބްގެ ހަރަދުތައް މެނޭޖްކޮށް ވިއްކާލާނެ ކުޅުންތެރިންތައް ކަނޑައަޅާނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox