ހައްދުފަހަނައެޅި ފިކުރަށް އެކަނި އަމާޒުނުކޮށް އަޑި ހޯދަން ހުރިހާ ދިމާލެއް ބަލަން އެދިއްޖެ

ނަޝީދަށް ހަމަލާ ދިން ރޭ ފުލުހުންނާއި ސިފައިން އެ ސަރަހައްދުގައި ހަރަކާތްތެރިވަނީ: މަހެއްވި އިރު ފަންޑް ކުރި ބަޔަކު ނުހޯދުމުގެ ކަންބޮޑުވުން އެމްޑީޕީގެ ބައެއް މެމްބަރުން ދަނީ ފާޅުކުރަމުން. -- ފޮޓޯ/ އަދަދު

ނަޝީދަށް ހަމަލާ ދިން ރޭ ފުލުހުންނާއި ސިފައިން އެ ސަރަހައްދުގައި ހަރަކާތްތެރިވަނީ: މަހެއްވި އިރު ފަންޑް ކުރި ބަޔަކު ނުހޯދުމުގެ ކަންބޮޑުވުން އެމްޑީޕީގެ ބައެއް މެމްބަރުން ދަނީ ފާޅުކުރަމުން. -- ފޮޓޯ/ އަދަދު

ކުރީގެ ރައީސް މުހައްމަދު ނަޝީދު އަވަހާރަކޮށްލަން ދިން ބޮމުގެ ހަމަލާ، ހައްދުފަހަނައެޅި މީހުންނަށް އެކަނި އަމާޒުނުކޮށް، ފަންޑުކުރި މީހުންނާއި އެކި ގޮތްގޮތުން އެހީވި މީހުން ހޯދޭނެ ގޮތްތަކަކަށް ބަލަން މޭ ހައެއް ކޮމިޓީން މިއަދު އެދިއްޖެ އެވެ.

ނަޝީދަށް އަމާޒުކުރި ހަމަލާއަށް ފަންޑުކުރި މީހުން ނުހޯދޭ ކަމުގެ ކަންބޮޑުވުމާ އެކު ތަހުގީގަށް ފާރަވެރިވާން އެމްޑީޕީގެ ގައުމީ މަޖިލީހުގެ ރުހުމާ އެކު އުފެއްދި "މޭ ހައެއް" ކޮމިޓީން ބޭއްވި ނޫސްވެރިންގެ ބައްދަލުވުމުގައި ވިލުފުށީ ދާއިރާގެ މެމްބަރު ހަސަން އަފީފް ވިދާޅުވީ ވަކި ބަޔަކާ ހިސާބުން މިހަމަލާ ނިންމާލެވެން ނެތް ކަމަށެވެ. މިހާތަނަށް ހައްޔަރުކޮށްފައި ވަނީ ދީނުގެ ނަމުގައި ހައްދުފަހަނައެޅި ފިކުރަށް ތަބާވާ ހަތަރު މީހެއް ކަން ފުލުހުން އާއްމުކުރި މައުލޫމާތުތަކުން އެނގޭ ކަން ފާހަގަކުރައްވައި، އެއަށް ވުރެން އިތުރަށް ބަލަން ޖެހޭ ކަމަށް އަފީފް ވިދާޅުވި އެވެ.

"އަޅުގަނޑުމެން ވަކި ބައަކަށް އެކަނި ނެރޯ ޑައުންކޮށްގެން މި ކަންތައް ކުރިއަށް ގެންދެވޭކަށް ނެތް. އަޅުގަނޑުމެން ބަލަން ޖެހޭ މީގެތެރޭގައި ދެން މިއުޅެނީ، ކޮން ބައެއްގެ އިންޓްރެސްޓެއްތޯ މިކަންތައް މި ކުރެވުނީ،" ކުރިން ހޯމް މިނިސްޓަރުކަން ވެސް ކުރެއްވި އަފީފް ވިދާޅުވި އެވެ.

މޭ ހައެއް ކޮމިޓީން ބޭއްވި ނޫސްވެރިންގެ ބައްދަލުވުން: ހަމަލާގެ އެންމެ އަޑިއަށް ފީނަން ހުރިހާ ދިމާލެއް ބަލަން ކޮމިޓީން އެދިވަޑައިގަތް. -- ފޮޓޯ/އެމްޑީޕީ

އޭނާ ވިދާޅުވި ގޮތުގައި ހުރިހާ ދިމާލަކުން ބަލައިގެން ނޫނީ ހަމަލާގެ އެންމެ އަޑިއެއް ނުހޯދޭނެ އެވެ. މިކަންތަކަށް ފަންޑުކުރި މީހުންނާއި އެހީވި މީހުން ހޯދަން މަސައްކަތްތަކެއްކޮށް، ހޯދިގެން ނޫނީ މިފަދަ އަމަލުތައް ނުހުއްޓުވޭނެ ކަމުގެ ކަންބޮޑުވުން އޭނާ ފާޅުކުރެއްވި އެވެ.

މިދިޔަ މަހުގެ ހަ ވަނަ ދުވަހުގެ ރޭ ނަޝީދަށް އަމާޒުކޮށް ބޮމެއް ގޮއްވާލީ ދިރިއުޅުއްވާ ކެނެރީގެއިން ހިންގަވާފައި ވަޑައިގެން، މަޖީދީމަގުގައި ކާރުކޮޅާ އަރާ ހަމަވިތަނުންނެވެ.

އަފީފް ވިދާޅުވީ މަޖީދީ މަގުގެ މެދުގައި ބޮމެއް ގޮއްވާލުމަކީ އެމްޑީޕީއަށް ފަސޭހައިން މަޑުން ތިބެވޭނެ ކަމެއް ނޫން ކަމަށެވެ. އެކަމަކީ ރާއްޖޭގެ ސަލާމަތާ ގުޅިފައިވާ ކަމެއް ކަމަށް ވެސް ވިދާޅުވި އެވެ.

އެންމެ ހަލަބޮލި، ކާރޫބާރުބޮޑު މަޖީދީ މަގުގައި ގޮއްވާލާފައިވާ އިރު، އަފީފް ވިދާޅުވި ގޮތުގައި، ދެން ގޮއްވާލާނީ ކޮން ތަނެއްގައި ކަމެއް ނޭނގެ އެވެ. ދވެހިންނަކީ ވަރަށް ސުލްހަވެރިކޮށް އެއްބަނޑު އެއްބަފާކޮށް އުޅުނު ބައަކަށް ވާ އިރު އެފަދަ ކަންކަން ހިނގަން މެދުވެރިވި ސަބަބާ މެދު ފުންކޮށް ވިސްނައި ބަލަން ޖެހޭ ކަމަށް ވިދާޅުވި އެވެ.

މޭ ހައެއް ކޮމިޓީން ވަނީ ހަމަލާއާ ގުޅޭ ޓައިމްލައިނެއް އެކުލަވާލައިފަ އެވެ. ދެން އޮތީ، ކަމާބެހޭ އެކި ފަރާތްތަކާ ބައްދަލުކުރުމެވެ.

އަފީފް ވިދާޅުވީ ހަމަލާގެ އިންކުއަރީ ކުރިއަށް ގެންދާ 241 ކޮމިޓީ އާއި ފުލުހުންނާއި ސިފައިންނާއި އަދި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހްއާ ވެސް ކޮމިޓީން ބައްދަލުކުރާން އެދޭނެ ކަމަށެވެ.

އެ ކޮމިޓީއަށް ނަޝީދުގެ ފަރާތްޕުޅުން މަންދޫބެއް ހަމަޖައްސަވަން އަންނަނީ މަސައްކަތް ކުރައްވަމުންނެވެ. އެމަނިކުފާނު ބޭނުންފުޅު ވަނީ ކޮމަންވެލްތުގެ ގައުމެއްގެ މިފަދަ ތަހުގީގެއްގައި މަސައްކަތް ކުރައްވާފައިވާ ތަޖުރިބާކާރަކު ހިމެނުއްވުމަށެވެ.

ފުލުހުން ފާރަލަމުންދާ ކަމަށް 2019 ގައި ނަޝީދު ވިދާޅުވެފައި އޮތް ވާހަކައާ ގުޅުވައި ނޫސްވެރިއަކު ސުވާލުކުރުމުން އަފީފް ވިދާޅުވީ ސަރުކާރުގެ އެއްވެސް ބައެއްގެ ޝާމިލްވުން މިކަމުގައި އޮވެދާނެ ކަމަށް ޝައްކުކުރާނެ ޖާގައެއް ކޮމިޓީއަށް އަދި ނެތް ކަމަށެވެ. ހަމަލާއަށް ފަހު ހިންގި އޮޕަރޭޝަންތަކުގައި ހައްޔަރުކުރި، ހަރުކަށި ފިކުރުގެ ބޮޑެއް ކަމަށްވާ އަލިމަނިކު މި ވެރިކަމުގައި ދޫކޮށްލުމަކީ ވަކި ބަޔަކަށް ތުހުމަތު ކުރަންވީ ސަބަބެއް ނޫން ކަމަށް އަފީފް ވިދާޅުވި އެވެ.

"ދެހާސްނަވާރައިގައި ރައީސް ނަޝީދު ވިދާޅުވެފައި ވޭ ފުލުހުންގެ ތެރެއިން ފާރަލަމުންދާ ކަމަށް. ރަނގަޅު، ފުލުހުންގެ ތެރޭގައި ކުރީގައި އުޅުނު މީހަކު މިހާރު އެބަހުރި ހައްޔަރުކުރެވިފައި، މި ދެންނެވި ގޮތަށް މިހާ ހިސާބުން ވަކި ގޮތަކަށް އަޅުގަނޑުމެންގެ އޮޕީނިއަން ގެންދަން ޖާގައެއް ނެތް،" އަފީފް ވިދާޅުވި އެވެ.

މި މައްސަލައިގައި މިހާތަނަށް ހައްޔަރުކޮށްފައި ވަނީ ބޮން ގޮއްވާލުމުގައި އަމަލީ ގޮތުން ބައިވެރިވި ކަމަށް ތުހުމަތު ކުރެވޭ އަދުހަމް އަހުމަދުގެ އިތުރުން، މއ. ފޭރުގެ މުޖާޒް އަހްމަދު 21، އާއި ގއ. ކޮނޑޭ، ފޮޅޭމާ، ތަހުމީން އަހްމަދު، 32ގެ އިތުރުން ލ. ގަން، ދުންފިނިއުފާ، އަހްމަދު ފާތިހެވެ.

މީގެތެރެއިން ފާތިހު ޕޮލިސް އިންޓެލިޖެންސްގައި އުޅެފައި ވަކިވީ މި އަހަރުގެ ކުރީކޮޅެވެ.

ފުލުހުން ބުނެފައިވާ ގޮތުގައި މިހާތަނަށް ހޯދުނު ގޮތުގައި އިސްލާމްދީނުގެ ނަމުގައި ހައްދުފަހަނާޅާފައިވާ އަމަލުތަކަށް އަރައިގަންނަ ފިކުރާ އެ މީހުންނާ ގުޅުން އެބައޮތެވެ. މި ހަތަރު މީހުންނާ ގުޅޭ ގޮތުން މިހާތަނަށް އާއްމުވި މައުލޫމާތަށް ބަލާއިރު ވެސް މި މީހުންނަކީ ހަނގުރާމައަށް ސީރިއާއަށް ދިއުމާއި ވަކިން ޖަމާއަތް ހަދައިގެން ނަމާދުކުރުން ފަދަ ކަންކަމަށް ތަބާވެ ތިބި ބައެކެވެ.

މޭ ހައެއް ކޮމިޓީ އެކުލަވާލީ ނަޝީދަށް ދިން ހަމަލާއަށް މަހެއްވި އިރު އެކަމުގެ އަޑީގައި ތިބި މީހުންނާއި ފަންޑްކުރި މީހުން ނުހޯދުމުގެ ކަންބޮޑުވުންތަކާ އެކުގަ އެވެ. މި ކޮމިޓީ އެކުލަވާލަން ހުށަހެޅި ގަރާރަށް ވާހަކަ ދެއްކެވި ރައްޔިތުންގެ މަޖިލީހުގެ ގިނަ މެމްބަރުންގެ ކަންބޮޑުވުމަކަށް ވީ ތަހުގީގު ދިގުލައިގެން ދިއުމެވެ. އެކަމުގައި ދައުލަތުން ސީރިއަސްތޯ ވެސް ބައެއް މެމްބަރުން ސުވާލު އުފެއްދެވި އެވެ.

ތަހުގީގުގައި ހުރިހާ ދިމާލެއް ބަލާނެ ކަމުގެ ޔަގީންކަން ފުލުހުން ދީފައިވާ އިރު މަޖިލީހުގެ 241 ކޮމިޓީން އަންނަނީ އެކި ފަރާތްތަކާ ބައްދަލުކޮށް މައުލޫމާތު އެއްކުރަމުންނެވެ. އެ ކޮމިޓީން މިއަދު ވަނީ ސިފައިންގެ މައި މަރުކަޒަށް ގޮސް އެކި ފަރާތްތަކާ ބައްދަލުކުރައްވައިފަ އެވެ. އަދި މި ތަހުގީގަށް އެއްވެސް ފަރާތެއްގެ ނުފޫޒެއް ނެތް ކަން 241 ކޮމިޓީގެ މުގައްރިރު މުހައްމަދު އަސްލަމް ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox