އެމްޑީޕީ ދެބައިވީ ރައީސް ނަޝީދާއި ޕާޓީ އެކަހެރިކޮށް ވެރިކަން ހިންގަން އުޅުމުން: ހަސަން

ރައީސް ސޯލިހާއި ރައީސް ނަޝީދު އެމްޑީޕީގެ ޖަލްސާއެއްގައި: ޕާޓީގެ މަސައްކަތް ދެބައިވެއްޖެ ކަން ރަސްމީކޮށް ވަނީ ހާމަކޮށްފައި. -- ފޮޓޯ/ އެމްޑީޕީ

ރައީސް ސޯލިހާއި ރައީސް ނަޝީދު އެމްޑީޕީގެ ޖަލްސާއެއްގައި: ޕާޓީގެ މަސައްކަތް ދެބައިވެއްޖެ ކަން ރަސްމީކޮށް ވަނީ ހާމަކޮށްފައި. -- ފޮޓޯ/ އެމްޑީޕީ

އެމްޑީޕީގެ މަސައްކަތް ދެބައިވެފައިވާ ކަމަށް ރައީސް އިބްރާހިމް މުހައްމަދު ސޯލިހާ އަރިސް، އަލިފުށީ ދާއިރާގެ މެމްބަރު މުހައްމަދު ރަޝީދު ހުސެއިން (ބިގޭ) ވިދާޅުވުމާ އެކު، އެކަން ވާން ޖެހުނު ސަބަބަކީ އެމްޑީޕީގެ ރައީސް މުހައްމަދު ނަޝީދާއި ޕާޓީ އެކަހެރިކޮށް ވެރިކަން ހިންގަން އުޅުން ކަމަށް އެމްޑީޕީގެ ޗެއާޕާސަން ހަސަން ލަތީފް މިރޭ ވިދާޅުވެއްޖެ އެވެ.

އެމްޑީޕީ ތެރޭގެ ހިޔާލުތަފާތުވުންތަކުގައި ރައީސް ސޯލިހާއި ރައީސް ނަޝީދުގެ ފެކްޝަނެއް އޮތްއިރު، އެކަމަށް ރަސްމީކޮށް އެއްބަސްވެވަޑައިގެން އެ ވާހަކަތައް ޕާޓީގެ އިސް ދެ ބޭފުޅަކު އާއްމުކުރެއްވި މިއީ ފުރަތަމަ ފަހަރެވެ. ބިގޭއަކީ، ޕާލަމެންޓްރީ ގްރޫޕްގެ ސެކްރެޓަރީ ޖެނެރަލް އެވެ. ޕާލަމެންޓްރީ ގްރޫޕް ދެބަޔަކަށް ބެހި މެމްބަރުން ދެފަޅިއަށް އަރާފައި ތިބި ކަމުގެ ތުހުމަތުތަކަށް މީގެ ކުރިން މިހާ ސާފުކޮށް ވާހަކަ ދައްކައިފައެއް ނުވެ އެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ހަމަލާއާ ގުޅޭ ތަހުގީގަށް ބިގޭ ހުރަސްއަޅުއްވާ ކަމުގެ ފާޑުކިއުން އަމާޒުވެފައި ވަނިކޮށް އޭނާ ރާއްޖެ ޓީވީގައި މިއަދު ވަނީ އެކަން ދޮގުކުރައްވައިފަ އެވެ. އެކަމަކު މިފަދަ ވާހަކަތަކުން، ޕާޓީ ތެރޭގެ ހަމަޖެހުން ގެއްލި ދެކޮޅުވެރިކަން އުފެދިފައި އޮތް ކަމަށް ވިދާޅުވި އެވެ.

Advertisement

އޭނާ ދެން ވިދާޅުވީ ރައްޔިތުންގެ މަޖިލީހާއި ސަރުކާރުގެ މަސައްކަތްތައް ދެބައިވެ ޕާޓީތެރެއަށް ވެސް އެކަމުގެ ނުރަނގަޅު އަސަރުތައްކޮށްފައިވާ ކަމަށެވެ. ސަރުކާރު ޖަވާބުދާރީ ކުރުވުމުގެ ނަމުގައި މަސައްކަތްތަކަށް ހުރަސްއެޅޭ ހިސާބަށް މަޖިލީހުން ކަންކަން ގެންދިއުން ވެސް ބަލައިނުގަނެވޭ ކަމަށް ވިދާޅުވި އެވެ.

ބިގޭގެ ވާހަކަތަކަށް ނަޝީދު ވެސް ރައްދު ދެއްވާފައި ވަނިކޮށް، ޕާޓީގެ ޗެއާޕާސަން ހަސަން ލަތީފް ވެސް މިރޭ ވަނީ ބަހުގެ ހަމަލާތަކެއް އަމާޒުކުރައްވައިފަ އެވެ.

އެމްޑީޕީގެ ޗެއާޕާސަން ހަސަން ލަތީފް: އޭނާ ވަނީ ޕާޓީ ދެބައިވާން ޖެހުނު ސަބަބުތައް ވިދާޅުވެދެއްވާފައި. -- ފޮޓޯ/ މަޖިލިސް

ހަސަން ވިދާޅުވީ އެމްޑީޕީގެ މަސައްކަތް ދެބައިވީ ޕާޓީން ވައުދުވި ކަންކަން ކުރަން ސަރުކާރުން ބޭނުން ނުވުމުން ކަމަށެވެ. އެމްއެމްޕީއާރުސީގެ ހިޔާނާތާއި ކޮރަޕްޝަންގެ މައްސަލަތައް ބަލަން ސަރުކާރުން ފޫކަހަން ފެށީމަ ކަަމަށް ވެސް ވިދާޅުވި އެވެ.

ސަރުކާރާއި ޕާޓީގެ ގުޅުން ހީނަރުކޮށްލުމަކީ ވެސް، ހަސަން ވިދާޅުވި ގޮތުގައި، ސަބަބެކެވެ.

ޖުމްލަކޮށް ރައީސް މުހައްމަދު ނަޝީދު އާއި ޕާޓީ އެކަހެރިކޮށް ސަރުކާރު ހިންގަން އުޅުނީމަ. -- ހަސަން

އޭނާގެ ވާހަކައަށް ތާއީދު ކުރައްވަމުން އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ވެސް ވަނީ ޕާޓީ ދެބައިވެއްޖެ ކަމަށް ވިދާޅުވެފަ އެވެ. ސަބަބަކީ ނަޝީދަށް އަމާޒުވި ހަމަލާ ބެލުމުގެ ފުރުސަތު ނުދީ ނުފޫޒު ފޯރުވަން އުޅުން ކަމުގެ ތުހުމަތު ކުރެއްވި އެވެ.

"ވަރަށް ބޮޑު ތެދުފުޅެއް. ރައީސް ނަޝީދު އަށް މަރުގެ ހަމަލާއެއް އަަރައި ބަލި އެނދުގަ އޮވެ އެކަން ބަލަން ހުށަހެޅި މައްސަލަ ވެސް [ދަގެނތި ދާއިރާގެ މެމްބަރު މުހައްމަދު ނާޒިމް] ލައްވައި ހުށަހަޅައިގެން އެމްޑީޕީ މެމްބަރުންނަށް ގުޅައި ނުފޫޒު ފޯރުވައިގެން ފޭލްކޮށްލީމާ ދެން ޕާޓީ ބައިބައި ނުވެއެއް ނޯންނާނެ،" ވައްޑެ ވިދާޅުވި އެވެ.

އެމްޑީޕީގެ ތެރޭގައި ހަމަނުޖެހުން ބޮޑުވިއިރު ހަމަލާގެ ތަހުގީގަށް ސަރުކާރުން ހުރަސްއަޅާ ކަމުގެ ތުހުމަތު ރައީސް ނަޝީދު ވެސް ކުރެއްވި އެވެ. އެކަމަކު އެއީ އެމަނިކުފާނު ކުރައްވާނެ ކަމެއް ނޫން ކަން ރައީސް ނަޝީދަށް އެނގިވަޑައިގަންނަވާނެ ވިދާޅުވެ، ރައީސް ސޯލިހް ވަނީ ރައްދު ދެއްވައިފަ އެވެ.

އެމަނިކުފާނު ވިދާޅުވި ގޮތުގައި ތަހުގީގާ ގުޅުވައި ދައްކާ ވާހަކަތަކުން ހަމަލާގެ އަސްލު ގެއްލޭ ހިސާބަށް ކަންކަން ހިނގައްޖެ އެވެ. ހަގީގީ މިސްރާބުން ނުނެއްޓުމަށް ރައީސް ވަނީ އެދިވަޑައިގެންފަ އެވެ.

މިގޮތަށް އެދިވަޑައިގެންފައި އޮއްވައި ޕާޓީ ތެރެ މިހާރު އޮތީ ވަރަށް ބޮޑަށް ހޫނުވެފަ އެވެ. އެމްޑީޕީން ރޭ ބޭއްވި ގައުމީ މަޖިލީހުގައި ވެސް ބައެއް މެމްބަރުންގެ ވަރަށް ސީދާކޮށް ސަރުކާރަށް ފާޑުވިދާޅުވަމުން ގެންދެވީ ތަހުގީގު އިންސާފުވެރިކަމާ އެކު ކުރިއަށް ގެންގޮސްދާނެތޯ ސުވާލު އުފައްދަވަމުންނެވެ.

ހަމަލާއާ ހިސާބުން އެމްޑީޕީ ތެރެ ފަޅައިގެން ދިޔައިރު، ކުރިން ބެލެވިފައި އޮތީ ގައުމީ މަޖިލީހުގެ އިންތިހާބާ ހަމައިން މަސްލަހަތު ގޯސްވާނެ ކަމަށެވެ. އެއީ، ރާއްޖޭގެ ވެރިކަން ހިންގުން ބަރުލަމާނީ ނިޒާމަކަށް ބަދަލުކޮށް، ބޮޑުވަޒީރަށް ވެވަޑައިގަތުމުގެ ފުރުސަތު އެމަނިކުފާނަށް ފަހިކޮށްދެއްވުމަށް ރައީސްގެ އަރިހުން ނަޝީދު އެދިވަޑައިގެންފައި އޮތުމާ ވެސް އެކުގަ އެވެ.

އެއާއެކު ގައުމީ މަޖިލިސް އިންތިހާބުގެ މިސްރާބު ދެ ފެކްޝަނުން ކެންޑިޑޭޓުން ނެރެ، ގައުމީ މަޖިލީހުގެ އަޣުލަބިއްޔަތު ހޯދުމާ ދިމާލަށް ހުރުމުންނެވެ. އެކަމަކު ފަސްކޮށްފައިވާ އިންތިހާބުގެ މާ ކުރިން ޕާޓީ ދެބައިވެއްޖެ ކަން މި ހާމަކުރީ ލީޑަޝިޕުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox