ހިޔާގައި ރޯވުން: ކުދިންގެ ފަރާތުން ހިނގި ކަމެއް

Jun 9, 2021, 6:39 AM
ހިޔާގައި ރޯވުން: ކުދިންގެ ފަރާތުން ހިނގި ކަމެއް

ކުޑަކުދިންގެ ހިޔާގައި މި ފަހުން އަލިފާނުގެ ތިން ހާދިސާއެއް ވެސް ހިނގީ ކުދިންގެ ފަރާތުން ކަމަށް ޖެންޑާ މިނިސްޓަރު އައިޝަތުު މުހައްމަދު ދީދީ އިއްޔެ ވިދާޅުވެއްޖެ އެވެ.

ދައުލަތުގެ ބެލުމުގެ ދަށުގައި ކުދިން ބައިތިއްބާ ހިޔާގައި ރޯވާ މައްސަލާއިގައި މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީން ވަނީ ކަމާބެހޭ އިދާރާތަކާ ބައްދަލުކޮށްފަ އެވެ. އޭގެތެރޭގައި ޖެންޑާ މިނިސްޓްރީ އާއި ފުލުހުންނާއި ހިއުމަން ރައިޓްސް ކޮމިޝަންގެ އިތުރުން ޗިލްޑްރަންސް އޮމްބަޑްސްޕާސަން ހިމެނެ އެވެ.

ހިޔާގައި ފުރަތަމަ ރޯވީ މިދިޔަ މަހުގެ 4 ވަނަ ދުވަހުގެ ހެނދުނެވެ. އެކަން ހިނގީ ދެ ކުއްޖެއްގެ ދެމެދުގައި ހިނގި ޒުވާބެއްގެ ތެރެއިން ކަަމަށް މިނިސްޓަރު ވިދާޅުވި އެވެ.

އައިޝާ ވިދާޅުވި ގޮތުގައި މިނިސްޓްރީން އެކަން ބެލިއިރު ހިޔާއަށް ބަދަލުތަކެއް ގެންނަން ޖެހޭކަން ފާހަގަވުމުން އެކަން ވަނީ ކޮށްފަ އެވެ. ހަމަ އެ ދުވަހު ދެ ވަނަ ހާދިސާއެއް ހިނގީ އަންހެން ކުދިން ބައިތިއްބާ އަމާން ހިޔާ އިމާރާތުގަ އެވެ.

"ދެ ކުއްޖަކު އެޑްމިޓްކުރިން، އެއީ އަލިފާނުގެ ހާދިސާއާ ގުޅިގެން ގެއްލުމެއް ވެގެން ނޫން،" އައިޝާ ވިދާޅުވި އެވެ.

އޭނާ ވިދާޅުވި ގޮތުގައި އެ ދެ ހާދިސާއަށް ފަހު ނަފްސާނީ ގޮތުން ފަރުވާދޭން ޖެހޭ ކަމަށް ގަބޫލުކުރެވޭތީ އެކަން ކުރިއަށް ގެންދިޔަ އެވެ.

މި ހަފުތާގައި ވެސް ހިޔާގައި އަލިފާން ރޯ ކުރި އެވެ.

މިނިސްޓަރު ވިދާޅުވި ގޮތުގައި ހިޔާގައި ތިބި 50 ކުދިންގެ ތެރެއިން ގިނަ ކުދިން ރަށްރަށުގެ އަމާން ހިޔާތަކަށް ބަދަލުކޮށް، ވިލިމާލޭގައި މިހާރު ތިބީ މަދު ކުދިންތަކެކެވެ. އެ ކުދިންގެ ތެރެއިން ބައެއް ކުދިންނަކީ ކުށުގެ ވެށިން ގެންގޮސް އީޓީސީސީ ތިބި ކުދިން ކަމަށް ވިދާޅުވި އެވެ. އެ ކުދިން ހިޔާއަށް ގެންދިޔައީ އެތަން ބަންދުކުރުމުންނެވެ.

މިނިސްޓަރު ވިދާޅުވީ ހިޔާގައި ކުދިންތަކެއް މިހާރު ބައިތިއްބާފައި ވަނީ ފަރުވާ ދޭންޖެހޭތީ ކަމަށެވެ. އެ ފަރުވާ ނިމުމުން އެ ކުދިން ވެސް އާއިލާތަކާ ހަވާލުކުރާނެ ކަމަށް ވިދާޅުވި އެވެ.

އެ ބައްދަލުވުމުގައި ހިއުމަން ރައިޓްސް ކޮމިޝަނުން ބުނި ގޮތުގައި އަލިފާނުގެ ހާދިސާއާ ގުޅިގެން ހިޔާއަށް ޒިޔާރަތްކޮށް، ކަން ހިނގައިދިޔަ ގޮތް ވަނީ ބަލައިފަ އެވެ. ފުރަތަމަ ހާދިސާގެ މައުލޫމާތު ލިބިފައި ވިޔަސް ދެ ވަނަ ހާދިސާގެ މައުލޫމާތު ނުލިބޭ ކަމަށް ކޮމިޝަނުން ބުންޏެވެ.

ކުދިންތަކެއް ތިއްބައި ތިން ފަހަރަށް އަލިފާން ރޯވުމުން އެޗްއާރުސީއެމުން ކަންބޮޑުވުންފާޅުކުރި އެވެ. އެކަން ހިނގި ގޮތް މިހާތަަނަށް ކޮމިޝަނަށް ނޭނގުމާއި އަނެއްކާވެސް އެފަދަ ކަމެއް ހިނގުމުގެ ފުރުސަތު އޮތް ކަމަށް ކޮމިޝަނުން ބުންޏެވެ.

އެޗްއާރުސީއެމުން ބުނީ ކުޑަކުދިންގެ ހިޔާއާ ގުޅޭ ގޮތުން 2018 އާއި 2019 އަދި 2020 ގައި ވެސް ކަންބޮޑުވުންތަކެއް ޖެންޑާ މިނިސްޓްރީއަށް ހުށަހެޅި ކަމަށެވެ. ހިޔާގައި ހުރި މައްސަލަތައް ވަގުތުން ވަގުތަށް ހައްލުކުރަންޖެހޭ ކަމަށް ވެސް ކޮމިޝަނުން ބުންޏެވެ.

އެ ކޮމިޝަނުން ބުނި ގޮތުގައި ހިޔާގެ ސީސީޓީީވީ ކެމެރާތައް ވެސް ހުރީ ހަލާކުވެފަ އެވެ. ކުދިންގެ ސަލާމަތާއި ރައްކާތެރިކަމަށް ހުރި ކަންކަން ވަގުތުން ވަގުތަށް މޮނިޓަކުރެވޭނެ ނިޒާމެއް އޮންނަން ޖެހޭ ކަމަށް ގަބޫލުކުރެވޭ ކަމަށް ވިދާޅުވި އެވެ. އީޓީސީސީގައި ބަންދުކޮށް އެތަނުން ހިޔާއަށް ގެންދިޔަ ކުދިންނަށް އެކަށީގެންވާ ޕްރޮގްރާމްތައް ނުހިންގުމަކީ ވެސް ކަންބޮޑުވުމެއް ކަމަށް އެޗްއާރުސީއެމުން ބުންޏެވެ.

ޗިލްޑްރަންސް އޮމްބަޑްޕާސަން ނިއުމަތު ޝަފީގް ވިދާޅުވި ގޮތުގައި، ކުދިންގެ ފަރާތުން ހިނގި އަލިފާނުގެ ހާދިސާއާ ގުޅިގެން އެ ކުދިންގެ ސަލާމަތާއި ރައްކާތެރިކަމަށް އަޅަން ޖެހޭ ފިޔަވަޅުތައް އަޅަން އެންގި އެވެ. ހިޔާގައި ކުދިންނަށް ރައްކާތެރި ކަމެއް ނެތް ކަމުގެ ކަންބޮޑުވުން އޭނާ އިއްޔެ ވެސް ތަކުރާރު ކުރެއްވި އެވެ.

އަލިފާނުގެ ހާދިސާ ހިނގިއިރު ކުދިންނާއި އެތަނުގެ މުވައްޒަފުންގެ ސަލާމަތާއި ރައްކާތެރިކަމަށް އެކަށީގެންވާ ފިޔަވަޅުތަކެއް އަޅާފައި ނެތް ކަމަށް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox