މާލެ ސަރަހައްދުގައި ކާފިއު ވަގުތު އިތުރުކޮށް ބޭރު ތެރޭގައި އުޅެވޭ މީހުންގެ އަދަދުތައް މަދުކުރުމާއި ގުޅިގެން ރެޑްވޭވުން ކަސްޓަމަރުންނަށް ފަސޭހަ ކޮށްދޭން ޑެލިވަރީގެ ހިދުމަށް ފަށައިފި އެވެ.
ރެޑްވޭވުގެ ޑެލިވަރީ ހިދުމަތް މާލެ އާއި ހުޅުމާލޭގެ ހުރިހާ ގޭބިސީތަކަށް ލިބޭނެ އެވެ. އަދި ދޯނިފަހަރާ ހަމައަށް ވެސް ޑެލިވަރީ ކޮށްދޭ ގޮތަށް ވަނީ ހަމަޖެހިފަ އެވެ.
ރެޑްވޭވުން ބުނީ އެ ކުންފުނީގެ ހުރިހާ ފިހާރައަކުން ވިއްކާ މުދާ ޑެލިވަރީ ކޮށްދޭނެ ކަމަށެވެ. ރެޑްވޭވުން ވިއްކާ މުދަލުގެ ތެރޭގައި ކާބޯތަކެތިން ފެށިގެން ގޮސް، އިލެކްޓްރޯނިކްސް އާއި ގޭތެރޭގައި ހިފާ ގެންގުޅޭ ސާމާނުގެ އިތުރުން ފަރުނީޗަރާއި ކޮސްމެޓިކްސް ހިމެނެ އެވެ.
ރެޑްވޭވުން އޯޑަރު ކުރުން
ރެޑްވޭވުގެ ވެބްސައިޓް މެދުވެރިކޮށް އަދި ވައިބާ ނަމްބަރުތަކަށް ލިސްޓު ފޮނުވައިގެން ކަސްޓަމަރުންނަށް އޯޑަރު ކުރެވޭނެ އެވެ.
މިގޮތަށް އޯޑަރު ލިސްޓުތައް ރެޑްވޭވްގެ އޯޑަރު ލިންކަށް ނުވަތަ ވައިބާ ނަމްބަރުތަކަށް ފޮނުވާނީ ތިރީގައިވާ ތަސްވީރުން ފެންނަ ފޯމެޓަށެވެ.
ރެޑްވޭވުން އޯޑަރު ކުރަން ލިސްޓު ފޮނުވާ ފޯމެޓް
ވައިބާއިން މާލޭގެ އޯޑަރުތައް ފޮނުވާނީ:
- ރެޑްވޭވް ޕްލާޒާ (މައްޗަންގޯޅި) ނަމްބަރު 9116613
- ރެޑްވޭވް ޒޯން (މާފަންނު) ނަމްބަރު 9193302
- ރެޑްވޭވް މާޓް (ހެންވޭރު) ނަމްބަރު 9694499
ވައިބާއިން މާލޭގެ އޯޑަރުތައް ފޮނުވާނީ:
ރެޑްވޭވުން ބުނި ގޮތުގައި އެ ކުންފުނީގެ އަމާޒަކީ ކޮންމެ ފިހާރައަކުން ވެސް 24 ގަޑިއިރުގެ ތެރޭ 100 އޯޑަރު ޑެލިވަރ ކޮށްދީ، 16:00ގެ ކުރިން އަންނަ ކޮންމެ އޯޑަރެއް ދުވަހުން ދުވަހަށް ޑެލިވަރީ ކޮށްދިނުމެވެ. ޑެލިވަރީގެ ހިދުމަތް ހެނދުނު 08:00 އިން ރޭގަނޑު 23:00 އަށް ކުރިއަށް ދާނެއެވެ.
ރެޑްވޭވްގެ އިލްތިމާސަކީ ކޮވިޑްގެ މި ހާލަތުގައި ރެޑްވޭވްގެ ހުރިހާ ކަސްޓަމަރުން ފަރުދީ ޒިންމާ އަދާކޮށް، ގޭގައި ތިއްބަވާ ރެޑްވޭވްގެ ޑެލިވަރީގެ ހިދުމަތް ބޭނުން ކުރުމެވެ.
