ނައިބު ރައީސް ފައިސަލް ނަސީމް ކޮވިޑަށް ޕޮޒިޓިވްވެއްޖެ އެވެ.
ރައީސް އޮފީހުގެ ތަރުޖަމާނު މަބުރޫކު އަޒީޒު ވިދާޅުވި ގޮތުގައި، ނައިބު ރައީސް ފައިސަލްގެ ހާލުކޮޅު ރަނގަޅެވެ.
ކޮވިޑަށް ޕޮޒިޓިވްވެފައިވުމުން، މިހާރު އެމަނިކުފާނު ހުންނެވީ އެކަހެރިވެވަޑައިގެން ކަމަށް ވެސް މަބުރޫކު ވިދާޅުވި އެވެ.
ނައިބު ރައީސް ވަނީ ކޮވިޑްގެ ހާލަތު ގޯސްވުމާއެކު، ދަރުބާރުގޭގައި ޓާސްކްފޯސް ބައްދަލުވުންތަކުގެ ރިޔާސަތު ބަލަހައްޓަވާފަ އެވެ. އެ ބައްދަލުވުންތަކުގައި ސަރުކާރުގެ ގިނަ އިސް ބޭފުޅުން ބައިވެރިވެވަޑައިގަންނަވަ އެވެ.
ފައިސަލް ނަސީމް ވަނީ ކޮވިޑްގެ ވެކްސިން ވެސް ފުރިހަމަ ކުރައްވާފަ އެވެ.
މީގެކުރިން، ރައީސް އިބްރާހިމް މުހައްމަދު ސޯލިހުގެ އަނބިކަނބަލުން ފަޒުނާ އަހުމަދު ވެސް ކޮވިޑަށް ޕޮޒިޓިވްވެފައިވެ އެވެ. ފަޒުނާ ކޮވިޑު ބަލިން ފަސޭހަވެފައިވާއިރު މިހާރު ގެންދަވަނީ ހުޅުމާލޭ ކޮވިޑް ފެސިލިޓީގައި ވޮލެންޓިއަރެއްގެ ގޮތުން މަސައްކަތް ކުރައްވަމުންނެވެ.
