ދިވެހި ގައުމީ ފުޓްބޯޅަ ޓީމު ވެސް ފަލަސްތީނާ އެކު!

ގައުމީ ޓީމުގެ ނާއިމް (ކ)، ކޯޗު ސުޒޭން (މ) އަދި އުމެއިރު.- ފޮޓޯ: ސޯޝަލް މީޑިއާ

ގައުމީ ޓީމުގެ ނާއިމް (ކ)، ކޯޗު ސުޒޭން (މ) އަދި އުމެއިރު.- ފޮޓޯ: ސޯޝަލް މީޑިއާ

އިއްޔެ ހަވީރު ކުދި ބޮޑު އެންމެން ޝުއޫރުފާޅުކުރަމުން ދިޔައީ ފަލަސްތީނާ އެކު ދިވެހި ތިބިކަން ރަމްޒުކޮށްދޭ އެކި މެސެޖުތަކާ އެކު އެވެ. އެޕާޓްމަންޓުތަކުގެ ބެލްކަނީގަޔާއި ދިރިއުޅޭ ގެ ކައިރިޔާއި މަގުމަތީގަ އެވެ. ފަލަސްތީނާ އެކު ތިބިކަން އަންގައިދޭން ބޭއްވި ހަރަކާތުގައި ގައުމީ ޓީމުން ވެސް ބައިވެރިވި އެވެ. ގައުމީ ޓީމު މި ވަގުތު ތިބީ އަމިއްލަ އާއިލާއާ ދުރުގައި ހޮޓެލް ޖެންގައި ކޭމްޕް ކޮށްގެންނެވެ.

ގައުމީ ޓީމު ކޭމްޕް ކޮށްގެން ތިބީ މި މަހު 30 އިން އަންނަ މަހު 15 އަށް ސެންޓްރަލައިޒްކޮށް ޗައިނާގައި ކުރިއަށްދާ ވޯލްޑް ކަޕާއި އޭޝިއަން ކަޕް ޖޮއިންޓް ކޮލިފައިން މެޗުތަކަށް ދިއުމުގެ ކުރިން ސަލާމަތީ ފިޔަވަޅެއްގެ ގޮތުންނެެވެ. އެއީ މާލޭގައި ކޮވިޑް-19ގެ ކޭސްތައް އިތުރުވެ، ކުޅުންތެރިން ވެސް ޕޮޒިޓިވްވަމުންދާތީ އެފްއޭއެމުން އެޅި ފިޔަވަޅެކެވެ.

ޒުވާނުންތަކެއް އިސްނަގައިގެން އިއްޔެ ހަވީރު ފަލަސްތީނާ އެކު ދިވެހި ތިބިކަން ދައްކުވައިދޭން ބޭއްވި ހަރަކާތަށް ވަރަށް ހީވެސް ނުކުރާހާ ބޮޑު ތަރުހީބެއް ލިބިގެންދިޔަ އެވެ. މިކަމުގައި ގައުމީ ޓީމު ވެސް ބައިވެރިވެވެން އޮތްގޮތަކަށް އެއްބާރުލުންދިނީ ގައުމީ ޓީމުގެ އެސިސްޓަންޓް ކޯޗު އަލީ ސުޒޭން އިސްނެގުމާ އެކު އެވެ.

Advertisement

ގައުމީ ޓީމުގެ މެނޭޖަރު ޔާމީން އިބްރާހިމް (ޔާމްބެ) މިއަދު "އަދަދު" އަށް ބުނީ މިއީ ކޯޗު ސުޒޭންގެ އިސްނެގުމާ އެކު ކުޅުންތެރިން ވެސް ބޭނުންވެގެން ކުރިއަށްދިޔަ ފޮޓޯ ސެޝަނެއް ކަމަށެވެ. އަދި މިކަމުގައި ކުޅުންތެރިންގެ ވަރަށް ބޮޑު އެއްބާރުލުމެއް ލިބުނުކަން ޔާމީން ފާހަގަކުރި އެވެ. އެ ގޮތުން ކޮންމެ ކުޅުންތެރިއަކު ކަހަަލަ ގޮތަކަށް ފަލަސްތީނުގެ ދިދަ ހިފައިގެން ފޮޓޯއެއް ނަގާފައިވެ އެވެ. އޭގެ ތެރެއިން ގިނަ ކުޅުންތެރިން ވަނީ އެ ފޮޓޯ ސޯޝަލް މީޑިއާއަށް ދޫކޮށްލައިފަ އެވެ.

ގައުމީ ޓީމު ސްކޮޑުގައި މި ފަހަރު އެކި ސަބަބުތަކާ ހުރެ ނުހިމެނޭ ކުޅުންތެރިން ވެސް ވަނީ ފަަލަސްތީނާ އެކު ތިބިކަން ދައްކުވައިދީ ސޯޝަލް މީޑިއާގައި ޝުއޫރު ފާޅުކޮށްފަ އެވެ.

މިދިޔަ ހަތް ވަރަކަށް އަހަރަށް ބަލާއިރު ފަލަސްތީން ގައުމީ ޓީމާއި ރާއްޖޭގެ ގައުމީ ޓީމު ވަނީ ބައިނަލްއަގުވާމީ މެޗުތަކެއް ކުޅެފަ އެވެ. އެ ގޮތުން 2014 އަހަރު ފަލަސްތީނާއި ރާއްޖެ ވަނީ މާލޭގައި ކުޅުނު އޭއެފްސީ ޗެލެންޖް ކަޕްގައި ވާދަކޮށްފަ އެވެ. އެ މެޗު ނިމުނީ 0-0 އިން އެއްވަރުވެގެންނެވެ. އެ ފަހަރު ފަލަސްތީނުން އެ މުބާރާތުގެ ޗެމްޕިއަންކަން ހޯދިއިރު، ދިވެހި ގިނަ ބަޔަކު ދަނޑަށް ގޮސް ފަލަސްތިނަށް ސަޕޯޓްކުރި އެވެ.

އޭޝިއަން ކަޕް ކޮލިފައިންގައި 2019 ވަނަ އަހަރު ގައުމީ ޓީމު ވަނީ ދެ ފަހަރެއްގެ މަތިން ފަލަސްތީނާ ދެކޮޅަށް ކުޅެފަ އެވެ. މާލޭގައި ފަލަސްތީނު 3-0 އިން މޮޅުވިއިރު، ފަލަސްތީނުގައި ކުޅުނު މެޗުން އެ ޓީމު ވަނީ ރާއްޖެ 8-1 އިން ބަލިކޮށްފަ އެވެ. ފަަލަސްތީނުގައި ކުޅުނު އެ މެޗަށް ގައުމީ ފުޓްބޯޅަ ޓީމު ދާން ޖެހުނީ ވަރަށް އުނދަގޫ ދަތުރެއް ކުރުމަށް ފަހު އެވެ. އެތައް ގަޑިއިރެއް ވަންދެން ބޯޑަރު ހުރަސްކުރަން ތިބެން ޖެހުމުން ރާއްޖޭގެ ކުޅުންތެރިން ކުރަން ޖެހުނު ތަޖުރިބާތައް ބައެެއް ކުޅުންތެރިން ވަނީ މީޑިއާ އަށް ހިއްސާކޮށްފަ އެވެ. އެ މެޗު ކުޅުނު ގިނަ ކުޅުންތެރިން މި ވަގުތު ގައުމީ ސްކޮޑުގައި ހިމެނެ އެވެ.

ފަލަސްތީނާ އެކު ތިބިކަން ދައްކުވައިދޭން ބައިނަލްއަގުވާމީ ގިނަ ފުޓްބޯޅަ ކުޅުންތެރިން ވެސް އަންނަނީ މެޗުތަކަށް ފަހު ފަލަސްތީނުގެ ދިދަ ބޭނުންކުރަމުންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox