ދައުވާކޮށްފި ނަމަ އެންމެ ދުވަހަކު ވެސް މަގާމުގައި ނުހުންނާނަން: މަހުލޫފް

މަހުލޫފް: ދައުވާކޮށްފި ނަމަ އިސްތިއުފާ ދެއްވާނެ ކަމަށް ވިދާޅުވި - ފޮޓޯ: ރައީސް އޮފީސް

މަހުލޫފް: ދައުވާކޮށްފި ނަމަ އިސްތިއުފާ ދެއްވާނެ ކަމަށް ވިދާޅުވި - ފޮޓޯ: ރައީސް އޮފީސް

އެމްއެމްޕީއާރުސީގެ ކޮރަޕްޝަންގެ މައްސަލާގައި ދައުވާކޮށްފި ނަމަ، އެންމެ ދުވަހަކު ވެސް މަގާމުގައި ނުހުންނަވާނެ ކަމަަށް ޔޫތު މިނިސްޓަރު އަހުމަދު މަހުލޫފް މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުން މިހާރު އާންމުކޮށްފައިވާ އެމްއެމްޕީއާރުސީގެ ފައިސާ ލިބުނު މީހުންގެ ލިސްޓްގައި މިނިސްޓަރު މަހުލޫފްގެ ނަން ހިމަނާފައިވާއިރު، އޭނާގެ މައްސަލާގެ ތަހުގީގު ނިމި، ޕްރޮސިކިއުޓާ ޖެނަރަލްގެ އޮފީހަށް ދައުވާ ކުރަން ފޮނުވަން އެސެޓް ރިކަވަރީ ކޮމިޝަނުން ތައްޔާރުވެފައިވާ ކަމަށް ބުނެފައިވެ އެވެ.

އެ މައްސަލާގައި ދައުވާ ކުރަން އެސެޓް ރިކަވަރީ ކޮމިޝަނުން ނިންމާފައިވާއިރު މިއީ ޖޮއިންޓް ތަހުގީގެއް ކަމުން، މައްސަލަ ފުލުހަށް އެ ކޮމިޝަނުން ފޮނުވާފައިވާތާ މިހާރު ގިނަ ދުވަސްތަކެއްވެއްޖެ ކަމަށް އެނގިފައިވެ އެވެ.

Advertisement

ކުރިން އާންމުވެފައިވާ މައުލޫމާތަށް ބަލާއިރު މިނިސްޓަރު މަހުލޫފަށް އެމްއެމްޕީއާރުސީގެ ފައިސާތަކުގެ ތެރެއިން 33،000 ޑޮލަރު ލިބިފައިވެ އެވެ. ނަމަވެސް، އެ ފައިސާއަކީ އޭނާ ޑޮލަރު ގަތުމަށް ނެންގެވި ފައިސާތަކެއް ކަމަށް މީގެކުރިން މަހުލޫފް ވިދާޅުވެފައިވެ އެވެ. އެ މައްސަލާގައި އޭނާ ސަސްޕެންޑް ވެސް ކުރި އެވެ.

އެކަމަކު، ތަހުގީގީ އިދާރާތަކުން މައްސަލައެއް ނެތް ކަމަށް އޭރު ނިންމުމުން މަގާމުގެ މަސްއޫލިއްޔަތު ރައީސް އިބްރާހިމް މުހައްމަދު ސޯލިހު، އަލުން މަހުލޫފާ ހަވާލުކުރެއްވީ އެވެ.

މަހުލޫފްގެ ފޭސްބުކްގައި ލިޔުއްވި ޕޯސްޓެއްގައި މިއަދު ވިދާޅުވި ގޮތުގައި، ސިޔާސީ ބަޔަކު އެކުލަވާލި، އަދި އެ މައްސަލަ އާއި ސީދާ ގުޅުން ނެތް އެތައް ބައެއްގެ ވެސް ހައްގުތައް ގެއްލިގެންދިޔަ ލިސްޓެއްގައި ނަން އޮތުމަކީ ކުށްވެރިވުމެއް ނޫނެވެ. އަދި، އެކަމުގައި ބައިވެރި ވުމެއް ވެސް ނޫން ކަމަށެވެ.

‎"އެހެން ނަމަވެސް އަޅުގަނޑުގެ މައްޗަށް ދައުވާއެއް ކޮށްފިނަމަ މި މަގާމުގަ އެންމެ ދުވަހަކު ވެސް ނުހުންނާނަން،" މަހުލޫފް ވިދާޅުވި އެވެ.

މީގެކުރިން މަހުލޫފް ވިދާޅުވެފައިވާ ގޮތުގައި އެމްއެމްޕީއާރްސީއިން ޑޮލަރު ގަންނަން ޖެހިވަޑައިގަތީ އެ ދުވަސްވަރަކީ ޑޮލަރު ގަތުމުގައި ބޮޑެތި ތާށިތަކެއް އޮތް ދުވަސްވަރަކަށް ވާތީ އެވެ. އެކަމަކު އެ މުއާމަލާތް ކުރީ އެއީ ހިޔާނާތުގެ ފައިސާކަން އެނގި ހުންނަވައިގެން ނޫން ކަމަށް ވެސް ވިދާޅުވެފައިވެ އެވެ.

"33،000 ޑޮލަރު އަޅުގަނޑު ނުޖެހޭނެ ވަގަށް ނަގާކަށް. ވަަރަށް ސާފުކޮށް މި ދަންނަވަނީ 33،000 ޑޮލަރަކީ އަޅުގަނޑު ވަގަށް ނަގަން ނުޖެހޭނެ އެއްޗެއްކަން ހަމަގައިމު ވެސް ސިޔާސީ ލީޑަރުންނަށް އެނގިވަޑައިގަންނަވާނެ،" މީގެކުރިން އެމްއެމްޕީއާރުސީގެ ފައިސާއާ ގުޅޭ ގޮތުން މަހުލޫފާ ސުވާލު ކުރެއްވުމުން ވިދާޅުވެފައިވެ އެވެ.

މަހުލޫފްގެ ނަން ލިސްޓަށް އަރާފައިވާއިރު އެމްއެމްޕީއާރުސީގެ ހިޔާނާތް ބަލައި އެކަން ދިރާސާ ކުރަމުންދާ މަޖިލީހުގެ ސަލާމަތީ ހިދުމަތްތަކުގެ ކޮމިޓީ އާއި ޖުޑިޝަރީ ކޮމިޓީ ގުޅިގެން އުފައްދާފައިވާ ޖޮއިންޓް ކޮމިޓީން ވަނީ ދައުލަތުގެ މަގާމުތަކުގައި ތިއްބެވި ބޭފުޅުންގެ ނަން ލިސްޓްގައި އޮތް ބޭފުޅުން މަގާމުތަކުން ވަކި ކުރަން ނިންމާފަ އެވެ.

އެ މަސައްކަތް ރައްޔިތުންގެ މަޖިލީހުގެ ތެރެއިން ފަށަން މިހާރު ވަނީ ތައްޔާރުވެފަ އެވެ. މަހުލޫފްގެ އިތުރުން ދައުލަތުގެ މަގާމުތަކުގައި ތިއްބެވި 118 މީހެއްގެ ނަން ލިސްޓްގައި އެބަ އޮތެވެ. އޭގެތެރެއިން އޮޑިޓާ ޖެނަރަލް ހަސަން ޒިޔާތު ވަނީ އިސްތިއުފާ ދެއްވައިފަ އެވެ.

މަހުލޫފެކޭ އެއްފަދައިން އެމްޑީޕީގެ ޕީޖީ ލީޑަރު އަލީ އާޒިމްގެ ނަން ވެސް ލިސްޓްގައި އޮތްއިރު އޭނާ ވެސް ވަނީ ދައުވާކޮށްފި ނަމަ އިސްތިއުފާ ދެއްވާނެ ކަމަށް ވިދާޅުވެފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox