37 އަހަރު ފުރުނު ދުވަހު އިނިއެސްޓާ ކޮންޓްރެކްޓް އާކޮށްފި

May 11, 2021, 9:19 AM
ވިސެލް ކޯބޭގެ މެޗެއްގެ ތެރެއިން އިނިއެސްޓާ.-- ފޮޓޯ: އޭއެފްޕީ

ވިސެލް ކޯބޭގެ މެޗެއްގެ ތެރެއިން އިނިއެސްޓާ.-- ފޮޓޯ: އޭއެފްޕީ

ޓޯކިޔޯ (މެއި 11) - ސްޕެއިނުގެ ތަޖުރިބާކާރު މިޑްފީލްޑަރު އަންދްރެސް އިނިއެސްޓާ އަށް 37 އަހަރު ފުރުނު ދުވަހު އިތުރު ދެ އަހަރަށް އޭނާ މިހާރު ކުޅެމުން އަންނަ ޖަޕާނުގެ ވިސެލް ކޯބޭގެ ކޮންޓްރެކްޓް އާ ކޮށްފި އެވެ.

ވިހި އަހަރު ބާސެލޯނާ އަށް ކުޅުމަށް ފަހު އިނިއެސްޓާ ވިސެލް ކޯބޭ އަށް ބަދަލުވީ 2018 ވަނަ ދުވަހު އެވެ. އެ ފަހަރު އޭނާ ސޮއިކުރީ ތިން އަހަރުގެ އެއްބަސްވުމެއްގަ އެވެ. އެ އެއްބަސްވުން އަންނަ މަހުގެ ނިޔަލަށް ހަމަވާނެ އެވެ. މިއަދު އެ ސޮއިކުރި ކޮންޓްރެކްޓް ހަމަވާނީ 2023 ވަނަ އަހަރުގެ ޖޫން މަހު އެވެ.

އިނިއެސްޓާ ބުނީ ވިސެލްއާ އެކު ކޮންޓްރެކްޓް އާ ކުރީ މިއީ މި ވަގުތަށް ބަލާއިރު އޭނާ އަށް އެންމެ ރަނގަޅު ނިންމުންކަމަށް ފެންނާތީ ކަމަށެވެ.

"ތިން އަހަރު ކުރިން އަހަރެން އާ ޗެލެންޖެއް ބޭނުންވެގެން މި ޓީމާ ގުޅުނީ. އުނދަގޫ ދުވަސްތަކެއް ހޭދަކޮށްފައި މިހާރު އަހަރެން މި ހުރީ އުފަލުން. އަހަރެން ބޭނުންވަނީ މި ޕްރޮޖެކްޓް ކުރިއަށް ގެންދަން. އަހަރެންގެ އެންމެ ބޮޑު އުފަލަކީ ތިން އަހަރު ފަހުން ވެސް މި ކްލަބުން އަަހަންނަށް އޮތް އިތުބާރަށް ބަލަން ނާންނަކަން،" ކޮންޓްރެކްޓް އާ ކުރުމަށް ފަހު އިނިއެސްޓާ ބުންޏެވެ.

ވިސެލްއާ އެކު އިނިއެސްޓާ ވަނީ 2019 ވަނަ އަހަރު ޖަޕާނުގެ އެމްޕަރާ ކަޕާއި މިދިޔަ އަހަރު ޖަޕާނުގެ ސުޕަ ކަޕް ކާމިޔާބުކޮށްފަ އެވެ.

ވަރަށް ފަހުން ވެސް އިނިއެސްޓާ ހޯދަން އާޖެންޓީނާ އާއި ޗައިނާގެ ބައެއް ކްލަބްތަކުން މަސައްކަތްކުރި އެވެ. އެ ގޮތުން އެންމެ ބޮޑަށް އިނިއެސްޓާގެ ސޮއި ހޯދޭތޯ މަސައްކަތްކުރީ އާޖެންޓީނާގެ އެސްޓޫޑިއާންޓެސް އިންނެވެ. އެސްޓޫޑިއާންޓޭސް އަށް ކުޅުމަށް ފަހު މިދިޔަ އަހަރު ފުޓްބޯޅަ އިން ރިޓަޔާކުރި އާޖެންޓީނާގެ މިޑްފީލްޑަރު ހަވިއޭ މަޝެރާނޯ ވަނީ އިނިއެސްޓާ އާޖެންޓީނާ ކްލަބަކަށް ގެންދަން މަސައްކަތްކުރާނެ ކަމަށް މީގެ ކުރިން ބުނެފަ އެވެ. މަޝެރާނޯ ވަނީ އިނިއެސްޓާއާ އެކު ބާސެލޯނާ ޓީމަށް ކުޅެ، ގިނަ ކާމިޔާބީތަކެއް ހޯދައިފަ އެވެ.

ބާސެލޯނާއާ އެކު އިނިއެސްޓާ 32 ތަށި އުފުލާލައިފަ އެވެ. އަދި އިނިއެސްޓާ ވަނީ ސްޕެއިނާ އެކު 2008، 2012 ގެ ޔޫރޯ ފުޓްބޯޅަ މުބާރާތުގެ އިތުރުން 2010 ވަނަ އަހަރު ވޯލްޑް ކަޕް ވެސް ކާމިޔާބުކޮށްފަ އެވެ.

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox