ވެން ޑައިކާ ހެދި ނެދަލެންޑްސް އާއި ލިވަޕޫލްގެ ކޯޅުމެއް

May 11, 2021, 7:53 AM
ނެދަލެންޑްސް މެޗެެއްގެ ތެރެއިން ލަނޑު ޖެހުމަށް ފަހު ވެން ޑައިކް އުފާފާޅުކުރަނީ.-- ފޮޓޯ: އޭއެފްޕީ

ނެދަލެންޑްސް މެޗެެއްގެ ތެރެއިން ލަނޑު ޖެހުމަށް ފަހު ވެން ޑައިކް އުފާފާޅުކުރަނީ.-- ފޮޓޯ: އޭއެފްޕީ

ލިވަޕޫލް (މެއި 11) - ކަކުލަށް ލިބިފައިވާ ސީރިއަސް އަނިޔާ އަކަށް ފަރުވާ ހޯދަމުން އަންނަ ލިވަޕޫލްގެ ހުނަރުވެރި ޑިފެންޑަރު ވާޖިލް ވެން ޑައިކް އަންނަ މަހު ފަށާ ޔޫރޯ ފުޓްބޯޅަ މުބާރާތުގައި ކުޅުމާ މެދު ނެދަލެންޑްސް އާއި ލިވަޕޫލާ ދެމެދު ހިޔާލުތަފާތުވުންތަކެއް އުފެދިއްޖެ އެވެ.

އުމުރުން 29 އަހަރުގެ ވެން ޑައިކް ކަކުލުގެ ލިގަމެންޓަށް އަނިޔާވީ މިދިޔަ އަހަރުގެ އޮކްޓޫބަރު މަހު އެވަޓަންއާ ދެކޮޅަށް ލިވަޕޫލް ކުޅުނު މެޗުގަ އެވެ. އަނިޔާއިން ރަނގަޅުވުމަށް އޮޕަރޭޝަން ކުރުމަށް ފަހު ވެން ޑައިކް މިހާރު ކުރިއަށްގެންދަނީ ރިހެބިލިޓޭޝަންގެ އިންޑިވިޖުއަލް ޓްރެއިނިންގެ ބައިގަ އެވެ. އަދި ރަސްމީކޮށް ޓީމު ޓްރެއިނިންއެއްގައި ބައިވެރިނުވެ އެވެ.

މިދިޔަ މާޗް މަހު ނެދަލެންޑްސް ގައުމީ ޓީމުގެ ކުރީގެ ކޯޗު އަދި ބާސެލޯނާއާ މިހާރު ހަވާލުވެހުރި ކޯޗު ރޮނާލްޑް ކޫމަން ވަނީ ވެން ޑައިކްގެ ރިކަވަރީ މިހާރު ހުރި ވަރާއި އޭނާގެ އުމުރަށް ބަލާއިރު، މި ފަހަރުގެ ޔޫރޯގައި ކުޅުން ވަރަށް މުހިއްމު ކަމަށް ބުނެފަ އެވެ. އަދި އޭނާ ގަބޫލުކުރާ ގޮތުގައި ވެން ޑައިކް ޔޫރޯގައި ކުޅޭނެ ކަމަށް ކޫމަން ބުންޏެވެ.

Advertisement

ނެދަލެންޑްސްގެ މިހާރުގެ ކޯޗު ފްރޭންކް ޑި ބޮއާ ދާދި ފަހުން އީއެސްޕީއެން އަށް ދިން އިންޓަވިއުއެއްގައި ބުނީ ޔޫރޯގައި ވެން ޑައިކް ލައްވައި ކުޅުވަން ޕްރެޝަރެއް ނުކުރާނެ ކަމަށެވެ.

"އަހަރެން ދެކޭގޮތުގައި މީގެ ގޮތެއް ނިންމަން ޖެހޭނީ ވެން ޑައިކް. މިއީ އޭނާގެ ކެރިއަރު. އަހަންނަށް ސިފަވަނީ އޭނަ (ވެން ޑައިކް) އެ ހުރީ ގޮތެއް ނިންމަން އުނދަގޫވެފައި ހެން. ޔޫރޯގައި އޭނާ ކުޅުމަކީ ވަރަށް ބޮޑު ކަމަކަށްވާނެ. އެކަމަކު މީގެ ވިސްނަން ޖެހޭ ކަންކަން އެބަހުރި. އަހަރެންގެ އެންމެ އެދެނީ ވެން ޑައިކްގެ ރިކަވަރީ ރަނގަޅަށް ދިއުން،" ޑި ބޮއާ ބުންޏެވެ.

ލިވަޕޫލްގެ ޓްރެއިނިންއެއްގެ ތެރެއިން ވެން ޑައިކް (ކ) އާއި ކްލޮޕް.-- ފޮޓޯ: ލިވަޕޫލް

އޭރު ދުނިޔޭގެ އަގުބޮޑު ޑިފެންޑަރުގެ ގޮތުގައި ވެން ޑައިކް ލިވަޕޫލާ ގުޅުނީ 2018 ވަނަ އަހަރު ޖެނުއަރީ މަހުގަ އެވެ. އޭގެ ފަހުން ގަވާއިދުން ލިވަޕޫލްގެ ފުރަތަމަ އެގާރައިގައި ކުޅެމުން އައި ވެން ޑައިކަކީ ލިވަޕޫލްގެ ކޯޗު ޔާގެން ކްލޮޕްގެ ޕްލޭނުގެ އެންމެ މުހިއްމު އެއް ކުޅުންތެރިޔާ އެވެ. ވެން ޑައިކްގެ އަނިޔާއަށް ފަހު ނޫސްވެރިންގެ ބައްދަލުވުންތަކަށް ކްލޮޕް އަންނަ ކޮންމެ ފަހަރަކު ވެން ޑައިކާ ބެހޭގޮތުން ގިނަ ސުވާލުތަކެއް ނޫސްވެރިން އަހަ އެވެ. އެންމެ ފަހުން ބޭއްވި ލިވަޕޫލްގެ ނޫސްވެރިންގެ ބައްދަލުވުންތަކުގެ ތެރެއިން ވެސް ކްލޮޕް ވަނީ ވެން ޑައިކާ ބެހޭގޮތުން ވާހަކަ ދައްކައިފަ އެވެ.

"އަހަރެން އަދިވެސް ބުނާނީ ޓޮޕް ލެވަލް ފުޓްބޯޅަ ކުޅެން ވެން ޑައިކަށް އެބަ ބޭނުންވޭ ވަގުުތު. މިއީ އާދައިގެ އަނިޔާއެއްގެ ވާހަަކައެއް ނޫން މި ދެއްކެނީ. ކަކުލުގެ ސީރިއަސް އަނިޔާ އަކުން ރިކަވާވެގެން އައުމުގެ މުހިއްމުކަން ކޮންމެ އެތުލީޓަކަށް ވެސް ބޮޑު. ވެން ޑައިކް އެ ހުރީ އޭނާގެ ކެރިއަރުގެ މުހިއްމު ހިސާބެއްގައި. މިއީ ރިސްކު ނަގަން އެންމެ ރަނގަޅު ވަގުތު ތޯ ސުވާލު އުފެއްދުން ރަނގަޅު ކަމަށް ނުދެކެން،" ކްލޮޕް ބުންޏެވެ.

އިނގިރޭސި މީޑިއާ ރިޕޯޓްތައް ބުނާގޮތުން ލިވަޕޫލްގެ މެޑިކަލް ޓީމުން ވެން ޑައިކަށް ދޭ ލަފައަކީ ޔޫރޯގައި ނުކުޅެ އަންނަ ސީޒަނަށް ފޯކަސް ކުރުން ކަމަށާއި މިހާރު ކުރިއަށްދާ ދުވެލީގައި ވެން ޑައިކްގެ ރިހެބިލިޓޭޝަން ރަނގަޅަށް ގޮސްފިނަމަ ޖުލައި މަސް ތެރޭގައި ލިވަޕޫލުން އަންނަ ސީޒަނަށް ޕްރީ ސީޒަން ފަށާއިރު ވެން ޑައިކަށް ބައިވެރިވެވޭނެ އެވެ.

އެކަމަކު ނެދަލެންޑްސް އިން ޔޫރޯ އަށް ހަދާ ޕްލޭންތަކުން އަދި ވެން ޑައިކްގެ ނަން އެއްކޮށް އުނިނުކުރެ އެވެ.

ނެދަލެންޑްސްގެ ނޫސްތަކުން ރިޕޯޓްކުރާގޮތުގައި އެ ގައުމުގެ ފުޓްބޯޅަ ޓީމުގެ މެޑިކަލް ޓީމުން އަންނަ މަހުގެ އެއް ވަނަ ދުވަހާ ހަމައަށް ވެން ޑައިކްގެ އެކި ޓެސްޓްތަކާއި ރިހެބިލިޓޭޝަންގެ ތަފްސީލް އެއް ކުރާނެ އެވެ. އެއީ އަންނަ މަހު އެއް ވަނަ ދުވަހު ޔޫރޯ އަށް ކޮންމެ ޓީމެއްގެ ފައިނަލް ސްކޮޑު ހުށަހަޅަން ޖެހޭއިރު، އެންމެ ފަހު ވަގުތާ ހަމައަށް ވެސް ވެން ޑައިކަށް ކުޅެވޭނެ ގޮތެއް އޮތްތޯ ބެލުމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox