ސްކައިފޯލް: މާހައުލު ހިތްގައިމު، ކެއުންތައް އެހާ ތަފާތު!

ސްކައިފޯލް ލައުންޖް އަދި ރެސްޓޯރަންޓު: މި ރެސްޓޯރަންޓު ހުންނަނީ ލޮނުޒިޔާރަތްކޮޅު ސަރަހައްދުގެ ރޫފްޓޮޕެއްގައި. -- ފޮޓޯ: ސްކައިފޯލް ރެސްޓޯރަންޓު

ސްކައިފޯލް ލައުންޖް އަދި ރެސްޓޯރަންޓު: މި ރެސްޓޯރަންޓު ހުންނަނީ ލޮނުޒިޔާރަތްކޮޅު ސަރަހައްދުގެ ރޫފްޓޮޕެއްގައި. -- ފޮޓޯ: ސްކައިފޯލް ރެސްޓޯރަންޓު

ކޮންގްރީޓް ޖަންގައްޔެއް ފަދަ މި މާލޭގައި ތޮއްޖެހުމުގެ ސަބަބުން ފިތިބާރުވެފައި ވުމުގެ އިހުސާސް އަބަދު ވެސް ކުރެވެ އެވެ. ބޭރަށް ނުކުމެލިޔަސް، ތަނެއްގެ ތެރޭގައި ހުއްޓަސް ކުރެވެނީ މިފަދަ އިހުސާސެކެވެ. މި ކާރޫބާރު ބޮޑު މާލޭގެ ޖައްވުން ނުކުމެ، އަމާންކަމުގެ އިހުސާސް ކުރެވޭނެ ފަދަ މާހައުލެއްގައި، ހަމަޖެހިލައިގެން ތިބެ މި ރޯދަމަހު ރޯދަ ވީއްލަން ބޭނުން ހެއްޔެވެ؟

މީގެ ކުރިން، މިފަދަ ހިތްގައިމު މާހައުލެއް ހޯދުމަށްޓަކައި ދާންޖެހެނީ މާލޭން ބޭރަށް ނަމަވެސް މިހާރު މާލޭން ބޭރަށް ނުގޮސް ވެސް ވާނެ އެވެ. ދާންވީ މި ރޯދަމަހުގެ ފުރަތަމަ ދުވަހު ހުޅުވި ސްކައިފޯލް ލައުންޖް އެންޑް ރެސްޓޯރަންޓަށެވެ.

ލޮނުޒިޔާރަތްކޮޅުގައި، ހ. ނީސް ގޭގެ 10 ވަނަ ބުރި ނުވަތަ ރޫފްޓޮޕްގައި ހަދާފައިވާ މި ޖާގަ ތަނަވަސް ރެސްޓޯރަންޓަށް ވަނުމުން ރޫސްލާފައި ދާ ސައިކަލްތަކާއި ކާރުތަކުގެ ބާރު އަޑު ގާތްގަނޑަކަށް އެއްކޮށް ކެނޑިގެން ދެ އެވެ. ހަލަބޮލިކަމުގެ ޖައްވަކުން ނުކުމެވެ އެވެ. މި ހުރެވެނީ ތޮށްޖެހިފައިވާ މާލޭގެ ތަނެއްގައިކަން ވެސް ހަނދާނުން ފިލައިގެން ދެ އެވެ.

ސްކައިފޯލްގެ އެންމެ ހާއްސަ އެއްކަމަކީ އެތަނުގެ ވިއު އެވެ. ފިނި ވައިރޯޅި އާއި ރާޅުޖަހާ އަޑާ އެކު ސްކައިފޯލްގެ ކޮންމެ ކަސްޓަމަރަކަށް ވެސް ލިތްބައިދެނީ މާލޭން މި ވަގުތު ލިބޭނެ އެންމެ ހިތްގައިމު މަންޒަރެވެ. އެއްކޮޅުން އެއާޕޯޓަށް ޖައްސާ އަދި ނައްޓާލާ ފްލައިޓްތަކެވެ. އަނެއްކޮޅުން ސިނަމާލެ ބްރިޖާއި ބްރިޖު މަތިން އައިސް ގޮސްވާ މީހުންނެވެ. ތިރިއަށް ބަލާލުމުން ލޮނުޒިޔާރަތްކޮޅުގައި އަލަށް ތަރައްގީކޮށްފައިވާ ފެހިކަން ގަދަ، ނަލަ ބަގީޗާ އެވެ.

ސްކައިފޯލް ރެސްޓޯރަންޓުގެ އެއް ފަރާތުން ފެންނަ މަންޒަރު
ސްކައިފޯލް ރެސްޓޯރަންޓުގެ އެއް ފަރާތުން ފެންނަ މަންޒަރު

ސްކައިފޯލް ރެސްޓޯރަންޓުގެ އެއް ފަރާތުން ފެންނަ މަންޒަރު

އެ ފެންނަ މަންޒަރަކީ އަހަރެމެންގެ ދިރިއުޅުމާ ގުޅިލާމެހިފައިވާ ކަނޑާއި މާލޭން މިހާރު މަދުން ނޫނީ ނުފެންނާނެ ފެހިކަމުގެ އިތުރަށް، ސިޓީގެ ދިރިއުޅުމަކުން ފެންނާނެ މަންޒަރުތައް ގުޅިލާމެހިގެން ގޮސް ކުރައްސައިދެނީ އެފަދަ ދެ ވަނައެއް ނެތް ތަސްވީރެކެވެ.

ސްކައިފޯލްގެ ކޮންމެ ތަނެއް ވެސް ފަރުމާކުރީ އެއްވެސް ކަމެއް ދޫނުކޮށް، ހުރިހާ ކަމަކަށް ވަރަށް ބަލައިގެންނެވެ. ފެޝަން ޑިޒައިނަރުންގެ ފަރުމާގެ މުވައްޒަފުންގެ ޔުނީފޯމްތަކާއި ކަސްޓަމް މޭޑް ތަށި ސަމުސާއިން ފެށިގެން ގޮސް ގޮޑިމޭޒު ފަދަ ތަކެއްޗަކީ ސްކައިފޯލްގެ ހާއްސަ ކަންކަމެކެވެ. ޒަމާނީ ގޮތަކަށް ބުނާ ނަމަ "ޖަސްޓް ސްކައިފޯލް ތިންގްސް" އެވެ.

ސްކައިފޯލް ރެސްޓޯރަންޓުގެ ގޮނޑި އާއި މޭޒަކީ ކަސްޓަމް މޭޑް ތަކެތި
ސްކައިފޯލް ރެސްޓޯރަންޓުގެ ގޮނޑި އާއި މޭޒަކީ ކަސްޓަމް މޭޑް ތަކެތި

ސްކައިފޯލް ރެސްޓޯރަންޓުގެ ގޮނޑި އާއި މޭޒަކީ ކަސްޓަމް މޭޑް ތަކެތި

ލައުންޖް ބައިގެ ފާރު ޖަރީކޮށްފައި ވަނީ، ދިވެހިންގެ އާދަކާދަ އާއި ސަގާފަތް ދައްކުވައިދޭ ގޮތަށް، ސްކައިފޯލް އަށް ހާއްސަކޮށް ދިވެހި އާޓިސްޓެއް ތައްޔާރުކޮށްދީފައިވާ އާޓްވޯކްތަކުންނެވެ.

ސްކައިފޯލްގެ ލޯންޖުގައި ހުންނަ ކުރެހުން
ސްކައިފޯލްގެ ލޯންޖުގައި ހުންނަ ކުރެހުން

ސްކައިފޯލްގެ ލޯންޖުގައި ހުންނަ ކުރެހުން

މިއީ ރައްޓެހިންނާ އެކު ކޮފީއެއް ބޯލާ މަޖާކޮށްލަން ވިޔަސް މެންދުރު ލަންޗް ނަގާލަން ނުވަތަ ރޭގަނޑު ޑިނާއަކަށް ގޮސްލަން ވިޔަސް ދާން އެއްވަނައިގެ ތަނެކެވެ. އުފަންދުވަހާއި ކައިވެނި ހަފުލާ ބާއްވާލަން ވެސް މިހާރު މާލޭގައި ހުރި އެންމެ ކަމުދާ ތަނަކީ މިޔޭ ބުނެވިދާނެ އެވެ.

ސްކައިފޯލް ރެސްޓޯރަންޓުގައި ތަޖުރިބާކާރު ދިވެހި ޝެފް ނައީމްގެ ބެލުމުގެ ދަށުން މަސައްކަތްކުރާ ކައްކާއިންގެ ހުނަރުން ތައްޔާރުކޮށްލަނީ ދިވެހިންގެ ރަހަތަކަށް ޒަމާނުއްސުރެ ހެޔޮވަރުކޮށްލަދެމުން އަންނަ ކެއުންތަކާއި މި ޒަމާނުގެ ތަފާތު ޑިޝްތަކެވެ. ރޯދަ މެނޫ އިން ވެސް ފެންނަނީ އެފަދަ ތަފާތު ރަހަތަކެވެ.

ސްކައިފޯލް މިވަގުތު ހުޅުވާފައި ހުންނަނީ ރޯދަވީއްލާ ގަޑިން ފެށިގެން ދަންވަރު 12 އަށެވެ. ރޯދަވީއްލާ ނިމުމުން ސްޕެޝަލިޓީ ކޮފީ އާއި އެކި ވައްތަރުގެ ބުއިންތައް އަދި ލުއި ކެއުންތައް ހިމެނޭ މެނޫއަކުން އޯޑަރު ކުރުމުގެ ފުރުސަތު ލިބޭނެ އެވެ.

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox