ސިޓީން ލީގު ކަޕް ކާމިޔާބުކޮށް ރެކޯޑާހަމަކޮށްފި

Apr 25, 2021, 7:21 PM
ސިޓީން ލީގު ކަޕް ކާމިޔާބުކޮށް ރެކޯޑާހަމަކޮށްފި

ލަންޑަން (އޭޕްރީލް 26) - ފައިނަލުގައި މިރޭ ޓޮޓެންހަމް ހޮޓްސްޕާސް 1-0 އިން ބަލިކޮށް މެންޗެސްޓާ ސިޓީން ޖެހިޖެހިގެން ހަތަރު ވަނަ ފަހަތަށް އިނގިރޭސި ލީގު ކަޕްގެ ޗެމްޕިއަންކަން ހޯދައިފި އެވެ.

ސިޓީން ވަނީ މި ކާމިޔާބީއާ އެކު މި މުބާރާތް އެންމެ ގިނައިން ކާމިޔާބުކޮށްގެން ލިވަޕޫލުން ހަދާފައިވާ ރެކޯޑާ ހަމަކޮށްފަ އެވެ. ލިވަޕޫލާއި ސިޓީން ވަނީ އަށް ފަހަރު މި މުބާރާތް ކާމިޔާބުކޮށްފަ އެވެ.

ވެމްބްލީ ސްޓޭޑިއަމްގައި 8000 ސަޕޯޓަރުންގެ ކުރިމަތީގައި ކުޅުނު މިރޭގެ ފައިނަލްގެ ފުރަތަމަ މިނިޓުން ފެށިގެން ސިޓީން ދިޔައީ މެޗު ޑޮމިނޭޓްކޮށްގެން ކުޅެމުންނެވެ. ޓޮޓެންހަމްގެ ކުޅުން ރޭވިފައި އޮތީ ކައުންޓަ އެޓޭކް ވިސްނުމުގަ އެވެ. ފުރަތަމަ ހާފުގައި ސިޓީ އަށް ގޯލެއް ޖަހައިދޭން ރަހީމް ސްޓާލިން އާއި ރިޔާދު މާރޭޒް ފޮނުވާލި ބޯޅަތައް ބޭރަށް ދިޔައިރު، ޔާއޯ ކަންސޭލޯ ޖެހި ޝޮޓެއް ޓޮޓެންހަމްގެ ކީޕަރު ހޫގޯ ލޮރީސް ވަނީ މަތަކޮށްފަ އެވެ.

ކައުންޓަ އެޓޭކުގައި ޓޮޓެންހަމްގެ ހެރީ ކޭން އާއި ސޮން ހެއުން މިން އަދި ލޫކަސް މޯރާ ރަނގަޅު ހަމަލާތަކެއް އުފައްދަން މަސައްކަތްކުރަމުން ދިޔަ ނަމަވެސް ރަނގަޅު ޝޮޓްތަކެއް ފޮނުވާލަން ހުސްކޮށް ފުރުސަތެއް ނުލިބެ އެވެ. އެކަން ކުރެވޭ ވަރަށް ވުރެ ބޮޑަށް ސިޓީ ޑިފެންސް އޮތީ ރަނގަޅު ފޯމެއްގަ އެވެ.

ސިޓީ މި މެޗުން މޮޅުކޮށްދިން ގޯލު މެޗު ނިމެން އަށް މިނިޓަށް ވެފައި ވަނިކޮށް ކާމިޔާބުކޮށްދިނީ ފްރާންސްގެ ޑިފެންޑަރު އައިމެރިކް ލަޕޯޓް އެވެ. މެޗުގެ 82 ވަނަ މިނިޓްގައި ހިލޭ ޖެހުމަކުން ކެވިން ޑިބްރޭނާ ނެގި ބޯޅަ ލަޕޯޓް ވަނީ ބޮލުން ގޯލުގެ ތެރެއަށް ފޮނުވާލައިފަ އެވެ. ލަޕޯޓް މި މެޗުގައި ސިޓީގެ ފުރަތަމަ އެގާރައިގައި ހިމެނި އެއް ސަބަބަކީ މިދިޔަ ހަފްތާގައި އިނގިރޭސި ޕްރިމިއާ ލީގުގައި ސިޓީން އެސްޓަން ވިލާ ބަލިކުރި މެޗުގައި ސިޓީގެ ޑިފެންޑަރު ޖޯން ސްޓޯންސް އަށް ރަތް ކާޑެއް ދެއްކުމުން މި މެޗަށް އޭނާ ސަސްޕެންޑްވެފައިވާތީ އެވެ.

މިއީ ސިޓީގެ ކޯޗު ޕެޕް ގާޑިއޯލާގެ ކޯޗިން ކެރިއަރުގައި އޭނާ ހާސިލްކުރި 30 ވަނަ ޓްރޮފީ އެވެ. އޭގެ ތެރެއިން ސިޓީއާ އެކު ހޯދީ ނުވަ ޓްރޮފީ އެވެ. ގާޑިއޯލާ ކޯޗިން ކެރިއަރު ފެށީ 2008 ވަނަ އަހަރު ބާސެލޯނާ އިންނެވެ. ސިޓީއާ 2016 ވަނަ އަަހަރު ގުޅުމުގެ ކުރިން ޖަރުމަނުގެ ބަޔާނަށް ވެސް ކޯޗުކޮށްދިނެވެ.

މިރޭގެ މެޗަށް ފަހު ގާޑިއޯލާ ބުނީ ސަޕޯޓަރުން ވަދެ އެއްކޮށް ފުރާލާފައި އޮތް ދަނޑެއްގައި މި ކާމިޔާބު ހޯދުނު ނަމަ ވަރަށް ފުރިހަމަވާނެ ކަމަށެވެ އެކަމަކު ކޮވިޑާ ހެދި މިހާރު ދުނިޔޭގެ ހާލަތު އޮތްގޮތުން މި މެޗުގައި އެ ތިބި މަދު ސަޕޯޓަރުންގެ އަޑު އިވޭތީ ވެސް ވަރަށް ހިތްހަމަަޖެހޭ ކަމަށް ގާޑިއޯލާ ބުންޏެވެ.

ޓޮޓެންހަމަށް މި މެޗުގައި އިރުޝާދުދިނީ މި ސީޒަނުގެ ނިޔަލަށް އެ ޓީމާ ހަވާލުވެ ހުރި އުމުރުން 29 އަހަރުގެ ކޯޗު ރަޔާން މޭސަން އެވެ. މޭސަންއާ ޓީމު ހަވާލުކުރީ މީގެ ހަ ވަރަކަށް ދުވަސް ކުރިން ޓޮޓެންހަމުން އެ ޓީމު މި މުބާރާތުގެ ފައިނަލަށް ގެންގޮސްދިން ކޯޗު ހޯސޭ މޮރީނިއޯ ވަކިކުރުމުންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox