ތާލިބާނުން ހާޒިރު ނުވުމުން އަފްގާނިސްތާނުގެ ސުލްހައިގެ މަޝްވަރާ ފަސްކޮށްފި

ތުރުކީގެ ފޮރިން މިނިސްޓަރު މެވްލުތް ކަވުސޮގްލޫ. ތާލިބާނާއި އަފްގާން ސަރުކާރުގެ ސުލްހައިގެ މަޝްވަރާތަކުގެ މެދުވެރިއެއްގެ ދައުރު އަދާ ކުރަނީ ތުރުކީއިން.-- ފޮޓޯ: އަލް މޮނީޓާ

ތުރުކީގެ ފޮރިން މިނިސްޓަރު މެވްލުތް ކަވުސޮގްލޫ. ތާލިބާނާއި އަފްގާން ސަރުކާރުގެ ސުލްހައިގެ މަޝްވަރާތަކުގެ މެދުވެރިއެއްގެ ދައުރު އަދާ ކުރަނީ ތުރުކީއިން.-- ފޮޓޯ: އަލް މޮނީޓާ

އަފްގާނިސްތާނުގައި ސުލްހަ ގާއިމް ކުރުމުގެ މަޝްވަރާތައް ރޯދަ މަސް ނިމެންދެން ފަސް ކުރަން ނިންމާފައިވާ ކަމަށް ތުރުކީއިން ބުނެފި އެވެ.

"އަޅުގަނޑުމެންނަށް ފެނުނީ މަޝްވަރާ ފަސްކުރުމުން ފައިދާވާނެ ކަމަށް. މި ކަމުގައި ގަތަރު، އެމެރިކާ އަދި އދ. ގެ މަޝްވަރާ ހޯދިން. އެއަށްފަހު ނިންމީ ރޯދަ މަހާއި އީދަށް ފަހު ބައްދަލުވުން ބާއްވަން،" ތުރުކީގެ ފޮރިން މިނިސްޓަރު މެވްލުތް ކަވުސޮގްލޫ އެ ގައުމުގެ ހަބޭޓާކް ނޫހަށް ވިދާޅުވި އެވެ.

އޭނާ ވިދާޅުވީ އަފްގާނިސްތާނުން އެމެރިކާ އާއި ނޭޓޯގެ ސިފައިން ފައިބާނެ އެންމެ ފަހު ތާރީހަކަށް ސެޕްޓެމްބަރު 11 ކަނޑައަޅާފައި ވާތީ، މަޝްވަރާ ފަސްކުރިޔަސް ވާނެ ގެއްލުމެއް ނެތް ކަމަށެވެ.

Advertisement

ރޯދަ މަހާއި އީދަށް ފަހު މަޝްވަރާ ބާއްވާ ނަމަ އެންމެ އަވަހަށް ވެސް ބޭއްވޭނީ މޭ މަހުގެ މެދު ތެރޭގަ އެވެ.

ހަނގުރާމައިގެ ސަބަބުން ސުންނާފަތިވެފައިވާ އަފްގާނިސްތާނަށް މި ބައްދަލުވުމަކީ މުހިއްމު ބައްދަލުވުމެކެވެ. މިއީ އެމެރިކާ ސިފައިން ގައުމުން ފޭބުމުން ސުލްހަ ގާއިމް ކުރާނެ ގޮތުގެ މަގު ޗާޓު އެކުލަވާލަން ލިބޭ ފުރުސަތެވެ. ކުރިން މި ބައްދަލުވުން ތާވަލުކުރީ އޭޕްރިލް 24 އިން މޭ 24 އަށެވެ.

މީގެ ކުރިން ތާލިބާނުން ވަނީ ބޭރުގެ ސިފައިން އަފްގާނިސްތާނުން ނުފައިބާ ތިބިހާ ހިނދަކު މަޝްވަރާގައި ބައިވެރި ނުވާނެ ކަމަށް ބުނެފަ އެވެ.

"ތާލިބާނުން ބައިވެރި ނުވާ ނަމަ ބައްދަލުވުމުގެ އެއްވެސް މާނައެއް ނޯންނާނެ. މި ވަގުތު ބައްދަލުވުން ފަސް ކުރަން ނިންމީ، ބައިވެރިވާނެ ފަރާތްތަކުގެ މައުލޫމާތު ޔަގީން ނުވާތީ،" ތާލިބާނުންގެ ފަރާތުން އެއްބާރުލުން ނުލިބޭކަން ފާހަގަކުރައްވާ ކަވުސޮގްލޫ ވިދާޅުވި އެވެ.

އަފްގާނިސްތާނުގެ ސަރުކާރުގެ އޮފިޝަލުން ވެސް ބުނީ ބައްދަލުވުން ފަސްކުރަން ޖެހުނީ ތާލިބާނުން ބައިވެރިވާނެ ކަމުގެ ނިޝާނެއް ނުފެނުމުން ކަމަށެވެ.

ތާލިބާނުންގެ ތަރުޖަމާނު މުހައްމަދު ނައީމް ރޮއިޓާޒްއަށް ވިދާޅުވީ ބައްދަލުވުން ފަސްކުރިކަން ނާންގާ ކަމަށާއި ރޯދަ މަހަށް ފަހު ބައްދަލުވުމުގައި ބައިވެރިވާނެ ކަމާ މެދު އެއްޗެއް ދަންނަވަން ނޭނގޭ ކަމަށެވެ.

މިދިޔަ އަހަރު އެމެރިކާ އާއި ތާލިބާނުންނާ ދެމެދު އެއްބަސްވީ މި އަހަރުގެ މޭ މަހުގެ ކުރިން ހުރިހާ ސިފައިން އެ ގައުމުން ފޭބުމަށެވެ. ނަމަވެސް މިދިޔަ ހަފްތާގައި އެމެރިކާއިން ވަނީ އެ ސުންގަޑި ސެޕްޓެމްބަރާ ހަމައަށް ދިގުދަންމާލާފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox