ބްރައިޓަން އަތުން ޕޮއިންޓަކުން ފުއްދާލައި ޗެލްސީ ހަތަރަކަށް

Apr 20, 2021, 9:32 PM
ޗެލްސީގެ ޒޫމާ (ވ) ބޯޅަ ފޮނުވާލަނީ.-- ފޮޓޯ: އޭއެފްޕީ

ޗެލްސީގެ ޒޫމާ (ވ) ބޯޅަ ފޮނުވާލަނީ.-- ފޮޓޯ: އޭއެފްޕީ

ލަންޑަން (އޭޕްރީލް 21) - އިނގިރޭސި ޕްރިމިއާ ލީގުގައި މިރޭ އަމިއްލަ ދަނޑުގައި ބްރައިޓަންއާ ލަނޑެއް ނުޖެހި އެއްވަރުވެ، ލިބުނު ޕޮއިންޓާ އެކު ޗެލްސީ ލީގުގެ ހަތަރު ވަނަ އަށް ޖެހިލައިފި އެވެ.

މިރޭގެ މެޗުން މޮޅުވެގެން ލީގުގެ ތިން ވަނަ އަށް އެރުމުގެ ފުރުސަތު ޗެލްސީ އަށް އޮތެވެ. އެކަމަކު އެއްވަރުވުމުން އޮތީ ހަތަރު ވަނައިގަ އެވެ. ތިން ވަނައިގައި އޮތް ލެސްޓާ ސިޓީ އަށް 31 މެޗުން 56 ޕޮއިންޓް ލިބިފައިވާއިރު، ހަތަރެއްގައި އޮތް ޗެލްސީ އާއި ފަސް ވަނައިގައި އޮތް ވެސްޓް ހޭމް ޔުނައިޓެޑަށް ވަނީ 32 މެޗުން 55 ޕޮއިންޓް ލިބިފަ އެވެ. ލަނޑުގެ ތަފާތުން މި ވަގުތު ކުރީގައި އޮތް ޗެލްސީން ލީގުގައި ދެން އެންމެ އަވަހަށް ކުޅޭ މެޗުގައި ހޮނިހިރު ދުވަހުގެރޭ ރަށުންބޭރުގައި ނުކުންނާނީ ވެސްޓް ހޭމްއާ ދެކޮޅަށެވެ.

ލިވަޕޫލް ހަ ވަނައިގައި އޮތީ 32 މެޗުން 53 ޕޮއިންޓް ހޯދައިގެންނެވެ.

Advertisement

ޗެލްސީގެ ސަޕޯޓަރުން ދަނޑު ބޭރުގައި މުޒާހަރާކުރަނީ.

ޗެލްސީގެ ދަނޑު ސްޓެމްފޯޑް ބްރިޖުގައި މިރޭގެ މެޗުގެ ކުރިން އެ ކްލަބްގެ ސަޕޯޓަރުން ވަނީ އެ ޓީމުން ޔޫރަޕިއަން ސުޕަ ލީގުގައި ބައިވެރިވާން ނިންމާފައިވާތީ އެކަމަށް ހިތްހަމަނުޖެހުން ފާޅުކޮށް މުޒާހަރާކޮށްފަ އެވެ. ޗެލްސީން މިހާރު ވަނީ ސުޕަ ލީގުން ރަސްމީކޮށް ވަކިވާން ނިންމައި އެކަން އިއުލާންކޮށްފަ އެވެ. ރިޕޯޓްތައް ބުނާގޮތުން ސުޕަ ލީގުގެ ފައުންޑާ މެމްބަރުންގެ ގޮތުގައި އޮތް 12 ކްލަބްގެ ތެރެއިން މެޖޯރިޓީ ކްލަބްތަކުން ލީގު ކުރިއަށްދާން ބޭނުންނުވާތީ އެ ލީގުގެ މަސައްކަތް އޮތީ ހުއްޓުން އަރައިފަ އެވެ.

މިރޭގެ މެޗުގައި ފުރަތަމަ ހާފުގައި ޗެލްސީ އަށް އުފެއްދުނީ ތިން ހަަމަލާ އެވެ. އެ ޓީމުގެ އެޓޭކިން ކުޅުންތެރިންގެ ފަރާތުން ޖުމްލަކޮށް އާދައިގެ ކުޅުމެއް ފެނިގެންދިޔަ މި މެޗުގައި އެ ޓީމަށް ގޯލު ޖަހާނެ މާ ގިނަ ފުރުސަތުތަކެއް ވެސް ނުލިބެ އެވެ. މި މެޗުގައި ގޯލު ޖަހަން އެންމެ ރަނގަޅު ފުރުސަތުތަކެއް ލިބުނީ ފަހު ކޮޅުގައި ބްރައިޓަން އަށެވެ. އެ ޓީމުގެ އެޑަމް ލަލާނާ ޖެހި އެއް ބޯޅަ ދަނޑިކައިރިން ދިޔައިރު، އަނެއް ބޯޅަ ޗެލްސީގެ ގޯލުގައި ހުރި ކެޕާ އަރިއްޒަބަލާގާ ވަނީ މަތަކޮށްފަ އެވެ. އެކަމަކު ބްރައިޓަންގެ ޑެނީ ވެލްބެކް ގޯލު ޖެހި ޝޮޓް ކެޕާ އަތްމަތިން ގޮސް ސަލާމަތްވީ ދަނޑީގައި ޖެހިފަ އެވެ.

ބްރައިޓަން އިން މެޗު ނިންމާލީ އެއް ކުޅުންތެރިއަކު މަދުކޮށެވެ. އެއީ އިތުރު ވަގުތުގައި ކައުންޓައެޓޭކެއްގައި ޗެލްސީގެ ހަޑްސަން އޮޑޯއި އަށް ކުރި ފައުލަކަށް ބްރައިޓަންގެ ބެން ވައިޓަށް ދެ ވަނަ ރީނދޫ ކާޑަކާ އެކު ރަތް ކާޑެއް ދެއްކުމުންނެވެ.

ޗެލްސީގެ ކޯޗު ތޯމަސް ޓުޗެލް ބުނީ މި މެޗުން މޮޅުވެވޭ ވަރަށް އޭނާގެ ޓީމަށް ފުރުސަތު ތަނަަވަސްނުކުރެވުނު ކަމަށާއި ހަގީގަތަކީ ބްރައިޓަން އިން ރަނގަޅަށް ޑިފެންސްކޮށް މޮޅުވެވޭވަރަށް ފުރުސަތު ވެސް ތަނަވަސްކުރި ކަަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox