ގާޑިއޯލާއާ ދެކޮޅަށް ޓުޗެލް ރެކޯޑް ބަދަލުކުރަން ނުކުންނަނީ

Apr 17, 2021, 7:22 AM
ސިޓީގެ ކޯޗު ގާޑިއޯލާ (ކ) އާއި ޗެލްސީގެ ކޯޗު ޓުޗެލް.-- ފޮޓޯ: އޭއެފްޕީ

ސިޓީގެ ކޯޗު ގާޑިއޯލާ (ކ) އާއި ޗެލްސީގެ ކޯޗު ޓުޗެލް.-- ފޮޓޯ: އޭއެފްޕީ

ލަންޑަން (އޭޕްރީލް 17) - އިނގިރޭސި އެފްއޭ ކަޕްގެ ސެމީ ފައިނަލްގައި މިރޭ މެންޗެސްޓާ ސިޓީއާ ދެކޮޅަށް ޗެލްސީގެ ކޯޗު ތޯމަސް ޓުޗެލް ނުކުންނައިރު، މުބާރާތުގެ ފައިނަލުން ފުރުސަތު ހޯދާނަމަ އޭނާ އަށް ޖެހޭނީ ސިޓީގެ ކޯޗު ޕެޕް ގާޑިއޯލާއާ ދެކޮޅަށް އޮތް ދަށް ރެކޯޑް ބަދަލުކުރާށެވެ.

ކުރިން ޑޯޓްމަންޑާއި ޕީއެސްޖީ އަށް ކޯޗުކޮށްދިން ޓުޗެލް ވަނީ ކޯޗިން ކެރިއަރުގައި ފަސް ފަަހަރު ގާޑިއޯލާ ހުރި ޓީމުތަކާ ވާދަކޮށްފަ އެވެ. އޭގެ ތެެރެއިން ދެ މެޗުން އެއްވަރުވިއިރު، ތިން މެޗުން ގާޑިއޯލާގެ ޓީމުތައް ވަނީ މޮޅުވެފަ އެވެ.

ޓުޗެލް ބުނީ ގާޑިއޯލާގެ ޓީމުތަކާ ދެކޮޅަށް މިހާތަނަށް ކުޅުނު ކޮންމެ މެޗެއްގައި ވެސް ގިނަ ކަންތައްތަކެއް ދަސްވި ކަމަށެވެ. ތަފާތު ފެންނަނީ ގާޑިއޯލާގެ ވިސްނުމުން ގެންނަ ބަދަލުތަކުން ކަމަށެވެ.

"އަހަރެން ޑޯޓްމަންޑްގައި ހުރެ ދެ ފަހަރެއްގެ މަތިން ގާޑިއޯލާގެ ބަޔާންއާ އެއްވަރުކުރިން. އެ ދެ ފަހަރަކީ ވެސް އަހަންނަށް މޮޅުވެވޭނެ ދެ ފަހަރު. އެކަމަކު ވަރަށް ކުޑަކުޑަ ތަފާތެއްގެ ސަަބަބުން އެ ނަސީބު ނުލިބި މިއޮތީ. އުއްމީދަކީ ޗެލްސީ ގޮވައިގެން އެކަން ބަދަލުކޮށް މޮޅެއް ހޯދުން،" މިދިޔަ ޖެނުއަރީ މަހު ޗެލްސީގެ ކޯޗުކަމާ ހަވާލުވެ ތަފާތު ދައްކަމުން އަންނަ ޓުޗެލް ބުންޏެވެ.

އަނެއްކޮޅުން ޓުޗެލް ދެން ވިސްނަންޖެހޭ ކަމަކީ ސިޓީއާ ދެކޮޅަށް ވެމްބްލީގައި ޗެލްސީގެ ރެކޯޑް ބަދަލުކުރުމެވެ. މަރާމާތަށް ފަހު ވެމްބްލީ ހުޅުވިފަހުން އެ ދަނޑުގައި ޗެލްސީއާ ދެކޮޅަށް ކުޅުނު ތިން މެޗުން ވެސް ސިޓީ ވަނީ މޮޅުވެފަ އެވެ. އެއީ 2013 ވަނަ އަހަރުގެ އެފްއޭ ކަޕް ސެމީ ފައިނަލާއި 2018 ވަނަ އަހަރުގެ އެފްއޭ ޗެރިޓީ ޝީލްޑް މެޗާއި 2019 ވަނަ އަހަރުގެ ލީގު ކަޕް ފައިނަލް އެވެ.

"އިނގިރޭސި ފުޓްބޯޅައިގައި ސިޓީން މިހާރު އެ ދައްކާ ކުޅުމާއި އަހަރެމެން މި ކުޅޭ ގޭމްގެ އެއްގޮތް ކަންތައްތަކެއް އެބަހުރި. އެއީ އިންޓެންސިޓީ ހިފަހައްޓައިގެން ބޯޅަ ނެތް ވަގުތުތަކުގައި ވެސް އެ ޕްރެސްކުރާ ކުރުން. އަހަރެންގެ ނަޒަރުގައި މި މެޗު ވާނީ ވަރަށް އެޓޭކިން އަދި ފިޒިކަލް މެޗަކަށް،" ޓުޗެލް ބުންޏެވެ.

ޓުޗެލް ބުނީ އޭނާގެ ނަޒަރުގައި މިއީ ޗެލްސީން ސިޓީއާ ދެކޮޅަށް ނަތީޖާ ނެރެން ރަނގަޅު ވަގުތެއް ކަމަށާއި އެކަން ކުރެވިއްޖެނަމަ ސީޒަންގެ ފަހު ބައިގައި ޓީމުގެ ކޮންފިޑެންސް ހުންނާނީ ރަނގަޅު ލެވަލެއްގައި ކަމަށެވެ.

އަނިޔާގެ ސަބަބުން މިރޭ ސިޓީއާ ދެކޮޅަށް ޗެލްސީގެ އަންދްރެއަސް ކްރިސްޓައެންސަން އާއި މަޓެއޯ ކޮވަސިޗް އަށް ނުކުޅޭނެ އެވެ. އަދި ސިޓީގެ ސާޖިއޯ އަގުއޭރޯ ވެސް ހުރީ ޓީމާ ދުރުގަ އެވެ.

އެފްއޭ ކަޕް ތާރީހުގައި ޗެލްސީއާ ދެކޮޅަށް ކުޅުނު ހަ މެޗުގެ ތެރެއިން ހަތަރު މެޗުން ސިޓީ ވަނީ މޮޅުވެފަ އެވެ. މިދިޔަ އަހަރުގެ އެފްއޭ ކަޕުން ސިޓީ ކެޓީ ސެމީގައި އާސެނަލް އަތުންނެވެ. މިއީ އެންމެ ފަހުން މި މުބާރާތުގައި ސިޓީ ކުޅުނު އަށް ސެމީ ފައިނަލުގެ ތެރެއިން ބަލިވި ހަމައެކަނި މެޗެވެ.

މިރޭގެ ސެމީން ޗެލްސީ މޮޅުވެއްޖެނަމަ އެ ޓީމަށް 15 ވަނަ ފަަހަރަށް މި މުބާރާތުގެ ފައިނަލުގައި ކުޅުމުގެ ފުރުސަތު ލިބޭނެ އެވެ. އަދި ސިޓީން ކާމިޔާބުކޮށްފިނަމަ، މިއީ އެ ޓީމަށް މި މުބާރާތުގެ ފައިނަލުން ފުރުސަތު ލިބޭ 12 ވަަނަ ފަހަރެވެ. މިރޭގެ ސެމީ ފައިނަލް މެޗު ފަށާނީ ރާއްޖެ ގަޑިން 21:30 ގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox