މިއީ އެމެރިކާގެ އެންމެ ދިގު ހަނގުރާމަ ނިންމަންވީ ވަގުތު: ބައިޑެން

އެމެރިކާގެ ރައީސް ޖޯ ބައިޑެން--

އެމެރިކާގެ ރައީސް ޖޯ ބައިޑެން--

އަފްގާނިސްތާނުން އެމެރިކާ ސިފައިން ފޭބުމަށް ފަހު ވެސް އެ ގައުމަށް އެހީތެރިވާނެ ކަމަށާއި ނަމަވެސް އެއީ "އަސްކަރީ" އެހީ ނޫން ކަމަށް އެމެރިކާގެ ރައީސް ޖޯ ބައިޑެން ވިދާޅުވެއްޖެ އެވެ.

"މިއީ އެމެރިކާގެ އެންމެ ދިގު ހަނގުރާމަ ނިންމަންވީ ވަގުތު،" ވައިޓް ހައުސްގައި ހުންނަވާ ބައިޑެން ވިދާޅުވި އެވެ.

އެމެރިކާއިން އަފްގާން ހަނގުރާމަ ފެށީ 2001 ގަ އެވެ.

ބައިޑެން ވިދާޅުވީ އަފްގާނިސްތާނުގެ ދިފާއީ އަދި ސަލާމަތީ ފައުޖުތަކަށް އެމެރިކާއިން އެހީތެރިކަން ފޯރުކޮށްދެމުން ދާނެ ކަމަށާއި އަފްގާނިސްތާނުގެ ސަރުކާރަށް ވެސް އެއްބާރުލުންދެމުން ގެންދާނެ ކަމަށެވެ.

އަސްކަރީ ގޮތުން އަފްގާނިސްތާނުގައި އަޅުގަނޑުމެން ހަރަކާތްތެރި ނުވި ނަމަވެސް، އަޅުގަނޑުމެންގެ ޑިޕްލޮމެޓިކް އަދި އިންސާނީ މަސައްކަތްތައް ދާނީ ކުރިއަށް. -- ބައިޑެން

މި އަހަރުގެ ސެޕްޓެމްބަރު 11 ގެ ކުރިން ހުރިހާ ސިފައިން އަފްގާނިސްތާނުން ފައިބާނެކަން އިއުލާނުކޮށްފައި ވާއިރު، އެއީ މީގެ 20 އަހަރު ކުރިން އަފްގާނުގެ ތާލިބާނުން އެމެރިކާއަށް ޓެރަރިސްޓު ހަމަލާތައް ދިން ދުވަހެވެ.

ނޭޓޯ އާއި އެމެރިކާއިން އަފްގާނިސްތާނުގައި ކުރި ހަނގުރާމައިގައި މި ވަގުތު ޖުމްލަ 9،600 ސިފައިން އުޅެ އެވެ. އޭގެ ތެރެއިން 2،500 ސިފައިންނަކީ އެމެރިކާ މީހުންނެވެ. ބާކީ ސިފައިން ނިސްބަތްވަނީ ނޭޓޯގެ އެހެން ގައުމުތަކަށެވެ.

އެމެރިކާ ސިފައިންނާއެކު ނޭޓޯ ގައުމުތަކުގެ ސިފައިން ވެސް ސެޕްޓެމްބަރު 11 ގެ ކުރިން އަފްގާނިސްތާނު ދޫކޮށް އެނބުރި ގައުމުތަކަށް ދާނެ އެވެ.

އެމެރިކާ އާއި ނޭޓޯގެ އޮފިޝަލުން ބުނީ އަފްގާނިސްތާނުގައި ހަމަނުޖެހުން ކުޑަ ކުރަން އެއްބަސްވުމަށް ފަހު ތާލިބާނުން އެއާ އެއް ގޮތަށް އަމަލު ކުރަމުން ނުދާ ކަމަށެވެ.

އަފްގާނިސްތާނުގެ އޮފިޝަލުން ބުނީ އެމެރިކާ އާއި ނޭޓޯގެ ސިފައިން ފައިބާ ދަނޑިވަޅުގައި ސުލްހައިގެ މަޝްވަރާތައް ކުރިއަށް ގެންދާނެ ކަމަށެވެ.

އެއްބަސްވުމާ ހިލާފު އެކަމަކު މަޝްވަރާތައް ބާއްވާނެ

އަފްގާނިސްތާނުގެ ރައީސް އަޝްރަފް ގަނީ ކުރެއްވި ޓްވީޓެއްގައި ވިދާޅުވީ އެމެރިކާގެ ރައީސް ބައިޑެންއާ ފޯނުން ވާހަކަފުޅު ދެއްކި ކަމަށާއި އެމެރިކާގެ ނިންމުމަށް އިހްތިރާމު ކުރައްވާ ކަމަށެވެ.

އޭގެ އިތުރުން އަފްގާނުގެ ފައުޖުތަކަށް ވެސް "ގައުމާއި ރައްޔިތުން ދިފާއު ކުރުމުގެ ފުރިހަމަ ގާބިލުކަން ލިބިފައިވާ ކަމަށް" އަޝްރަފް ގަނީ ވިދާޅުވި އެވެ.

އެމެރިކާއިން އެންމެ ފުރަތަމަ އެއްބަސްވީ މި އަހަރުގެ މޭ އެއް ވަނަ ދުވަހުގެ ކުރިން ހުރިހާ ސިފައިން ބޭލުމަށެވެ. ނަމަވެސް އެ ސުންގަޑިއަށް ވާސިލްވާން އުނދަގޫ ކަމަށް ފަހުން ބުންޏެވެ.

ތާލިބާނުން ވެސް އެއްބަސްވުމަށް އަމަލު ނުކުރާ ކަމަށް އެމެރިކާއިން ތުހުމަތު ކުރެ އެވެ. އެގޮތުން ބޭރުގެ ސިފައިންނަށް ހަމަލާ ދިނުން ހުއްޓާލި ނަމަވެސް އަފްގާން ސަރުކާރަށް ހަމަލާތައް އަމާޒުކުރަމުން ދެ އެވެ.

މިދިޔަ މަހު ތާލިބާނުން ވަނީ މޭ އެއް ވަނަ ދުވަހުގެ ފަހުން ބޭރުގެ ފައުޖުތައް އުޅޭ ނަމަ، އެ މީހުންނަށް ވެސް ހަމަލާ ދޭނެ ކަމުގެ އިންޒާރު ދީފަ އެވެ.

ރައްދުގައި އެމެރިކާއިން ބުނީ އަފްގާނިސްތާން ދޫކޮށް ދިޔުމުގެ މަސައްކަތް ކުރަމުން ދާއިރު، ސިފައިންނަށް ހަމަލާއެއް ދީފި ނަމަ ބަދަލުގައި ވަރުގަދަ ހަމަލާތަކެއް ދޭނެ ކަމަށެވެ.

ކޮމެންޓް

ފަހުގެ ޚަބަރު

ދޮންބާސް ދޫކޮށްލައިފިނަމަ ނޭޓޯ މެންބަރުކަން ދިނުމުގެ ހުށަހެޅުމެއް

ޔޫކްރެއިންގެ ދޮންބާސް ސަރަހައްދު ރަޝިއާއަށް ދޫކޮށްލުމުގެ ބަދަލުގައި އެ ގައުމަށް ނޭޓޯގެ މެންބަރުކަން ދިނުމުގެ ހުށަހަޅުމެއް އެމެރިކާގެ މަންދޫބުން ހުށަހަޅާފައިވާ ކަމަށް ރައީސް ޒެލެންސްކީ ވިދާޅުވެއްޖެއެވެ. މިފަދަ އެއްބަސްވުމަކަށް ދާނީ ގައުމުގެ ސަލާމަތާއި އާރާސްތުކުރުމުގެ ފުރިހަމަ ޔަގީންކަން ލިބި، ރައްޔިތުންގެ ފެންނަ ނުފެންނަ ވޯޓަކުން އެކަން ފާސްވެއްޖެނަމަ ކަމަށްވެސް އޭނާ ފާހަގަކުރެއްވިއެވެ.

ޔޫގަންޑާގައި އަސްކަރީ ޖެނެރަލުން ހައްޔަރުކޮށްފި

ޔޫގަންޑާގެ ރައީސް މުސެވެނީގެ ދަރިކަލުން އަދި އަސްކަރިއްޔާގެ ވެރިޔާ ޖެނެރަލް މުހޫޒީ ކައިނޭރުގާބާ، އެ ގައުމުގެ އިސް ޖެނެރަލުންތަކެއް ހައްޔަރުކޮށް ނައިބު ރައީސަށް އިންޒާރު ދެއްވުމާ ގުޅިގެން ސިޔާސީ ނުތަނަވަސްކަން ވަނީ ބޮޑުވެފައެވެ. މުހައްލިލުން ގަބޫލުކުރާ ގޮތުގައި މިއީ ބައްޕައަށް ފަހު ވެރިކަމަށް ވަޑައިގަތުމަށްޓަކައި، އެކަމަށް ހުރަސްއަޅާ ފަރާތްތައް އެއްފަރާތްކުރުމަށް ކައިނޭރުގާބާ ހިންގަވާ ސިޔާސީ ހަރަކާތެކެވެ. މި ހައްޔަރުކުރުންތަކަކީ ކޮރަޕްޝަނާ ދެކޮޅަށް ކުރާ ކަމެއް ކަމަށް އަސްކަރިއްޔާއިން ބުނި ނަމަވެސް، މިއީ ސީދާ ވެރިކަމުގެ ބާރުތައް ހޯދުމަށް ކުރާ ކަމެއްކަމުގެ ތުހުމަތު ވަނީ އަމާޒުވެފައެވެ.

އެމެރިކާގެ ހުރިހާ ފްލައިޓްތަކެއް ހުއްޓުމަކަށް

އެމެރިކާގެ އެއާ ޓްރެފިކް ކޮންޓްރޯލްގެ މުއާސަލާތީ ނިޒާމަށް ދިމާވި މައްސަލައަކާ ގުޅިގެން، އެ ގައުމުގެ ހުރިހާ ފްލައިޓްތަކެއް ހުއްޓުމަކަށް އައިސް ގިނަ އަދަދެއްގެ ދަތުރުތައް ވަނީ ކެންސަލްވެފައެވެ. މިއީ ސައިބާ ހަމަލާއެއް ނޫން ކަމަށާއި، މިއީ ނިޒާމަށް ދިމާވި ފަންނީ މައްސަލައެއް ކަމަށް ކަމާބެހޭ އިދާރާތަކުން ވަނީ ހާމަކޮށްފައެވެ.

ޓްރަމްޕް، ޝީ އަދި ޕުޓިން އަންނަ ހަފުތާގައި ބައްދަލުކުރަނީ

އަންނަ ހަފުތާގައި ޗައިނާގައި ބާއްވާ އޭޕެކް ސަމިޓުގެ ހަވާސާގައި އެމެރިކާ، ޗައިނާ އަދި ރަޝިޔާގެ ރައީސުން ބައްދަލުކުރައްވައި ނިއުކްލިއާ ހަތިޔާރު މަދުކުރުމާ ގުޅޭގޮތުން ތާރީޚީ މަޝްވަރާތަކެއް ބޭއްވުމަށް ވަނީ ހަމަޖެހިފައެވެ. މި ބައްދަލުވުމުގައި ނިއުކްލިއާ މައްސަލައިގެ އިތުރުން އީރާނުގެ މައްސަލައާ ގުޅޭގޮތުން ވެސް ވާހަކަދެއްކުމަށް ހަމަޖެހިފައިވާއިރު، މިއީ މި ތިން ގައުމުގެ އިސްވެރިން އެކުގައި ބާއްވާ މިފަދަ ފުރަތަމަ ބައްދަލުވުމެވެ.

މައިކްރޯސޮފްޓްގެ ހިދުމަތްތަކަށް ބުރޫ އަރައިފި

މައިކްރޯސޮފްޓްގެ އިންފްރާސްޓްރަކްޗާއަށް ބާރުބޮޑުވުމުގެ ސަބަބުން، އައުޓްލުކް އާއި ޓީމްސް ހިމެނޭހެން އެ ކުންފުނީގެ ގިނަ ހިދުމަތްތަކަކަށް ދުނިޔޭގެ އެކި ކަންކޮޅުތަކުގައި ބޮޑެތި ބުރޫތަކެއް އަރައިފިއެވެ. މި މައްސަލަ ހައްލުކޮށް ހިދުމަތްތައް އާންމު ހާލަތަށް ގެނައުމަށްޓަކައި އެ ކުންފުނިން ދަނީ އަވަސް ފިޔަވަޅުތަކެއް އަޅަމުންނެވެ. ބައެއް ސަރަހައްދުތަކަށް މިހާރު ހިދުމަތް ލިބުނު ނަމަވެސް، މައްސަލަ އެއްކޮށް ހައްލުކުރުމުގެ މަސައްކަތް އަދިވެސް ދަނީ ކުރިއަށެވެ.

ގާޒާގެ ހޮސްޕިޓަލަކަށް ހަމަލާދީ ޑޮކްޓަރަކާއި ކުއްޖަކު މަރާލައިފި

ގާޒާގެ ނާސިރު ހޮސްޕިޓަލަށް އިޒްރޭލުން ދިން ވަރުގަދަ ހަމަލާއެއްގައި ޑޮކްޓަރަކާއި ކުޑަކުއްޖަކު ހިމެނޭހެން ހަ މީހަކު ޝަހީދުވެ، 40 މީހުންނަށް އަނިޔާވެއްޖެއެވެ. އެމެރިކާގައި އުފައްދާފައިވާ ބޮން ބޭނުންކޮށްގެން ދިން މި ހަމަލާގައި ހޮސްޕިޓަލުގެ ސާޖަރީ ޔުނިޓަށް ބޮޑެތި ގެއްލުންތަކެއް ލިބިފައިވާއިރު، އިޒްރޭލުން ބުނަނީ މިއީ ހަމާސްގެ ކޮމާންޑަރަކަށް އަމާޒުކޮށް ދިން ހަމަލާއެއް ކަމަށެވެ.

އެންވީޑިއާގެ ސީއީއޯ އިސްތިއުފާ ދެއްވައިފި

އެންވީޑިއާގެ ސީއީއޯ ޖެންސަން ހުއާން ކުއްލި ގޮތަކަށް މަގާމުން އިސްތިއުފާ ދެއްވީ، އޭނާ ބޭއްވި ނަހަމަ ގުޅުންތަކެއްގެ ތެރޭގައި ޗައިނާގެ ޖާސޫސަކު ހިމެނޭ ކަމަށް ތުހުމަތު ކުރެވި ގައުމީ ސަލާމަތަށް ނުރައްކާވުމާ ގުޅިގެންނެވެ. މި ހާދިސާއާ އެކު ކުންފުނީގެ ބާޒާރުގެ އަގުން 550 ބިލިއަން ޑޮލަރު އުނިވެފައިވާއިރު، ވަގުތީ ގޮތުން ކުންފުނި ހިންގުމާ ހަވާލުވެވަޑައިގަތީ ސީއެފްއޯ ކޮލެޓް ކްރެސް އެވެ. އެމެރިކާގެ ގާނޫނު ހަދާ މަޖިލީހުން މިހާރު ދަނީ މި މައްސަލަ ތަހުގީގުކޮށް، ޖެންސަން ކޮންގްރެސްއަށް ހާޒިރުކުރުމަށް މަސައްކަތް ކުރަމުންނެވެ.

Newsletter

Get the latest news delivered straight to your inbox