ނުހެދި ހުރި ރިސޯޓުތަކުގެ ޖޫރިމަނާ މައާފުކުރަން ފަހު ފުރުސަތު

ރިސޯޓެއް ތަރައްގީކުރަން ދޫކޮށްފައިވާ ނ. އެކުޅިވަރު: ފަތުރުވެރިކަމުގެ ބޭނުމަށް ތަރައްގީކުރަން ދޫކޮށްފައިވާ 70 ރަށެއްގެ މަސައްކަތް ހުއްޓިފައި އެބައޮތް -- ފޮޓޯ: އެސްޓީއޯ

ރިސޯޓެއް ތަރައްގީކުރަން ދޫކޮށްފައިވާ ނ. އެކުޅިވަރު: ފަތުރުވެރިކަމުގެ ބޭނުމަށް ތަރައްގީކުރަން ދޫކޮށްފައިވާ 70 ރަށެއްގެ މަސައްކަތް ހުއްޓިފައި އެބައޮތް -- ފޮޓޯ: އެސްޓީއޯ

ރިސޯޓް ހަދަން ދޫކޮށްފައިވާ ރަށްތައް ތަރައްގީކުރަން ދިން މުއްދަތު ފަހަނައަޅާ ދިޔުމާ ގުޅިގެން އަރާފައިވާ ޖޫރިމަނާތައް މައާފުކުރަން އެދެވޭނެ ފަހުގެ ތާރީހަކީ އަންނަ މަހުގެ 17 ކަމަށް ޓޫރިޒަމް މިނިސްޓްރީން ކަނޑައަޅައިފި އެވެ.

ފަތުރުވެރިކަމުގެ ބޭނުންތަކަށް ކުއްޔަށް ދޫކޮށްފައިވާ ތަންތަނުގެ މުއްދަތު އިތުރުކުރުމާއި، ކުއްޔާއި ޖޫރިމަނާ މާފުކުރުމާ ގުޅޭ ގަވާއިދު ޓޫރިޒަމް މިނިސްޓްރީން އިސްލާހުކުރީ އާދިއްތަ ދުވަހު އެވެ.

މި ގަވާއިދަކީ ތަރައްގީނުވެ ގިނަ ދުވަސްވެފައިވާ ރިސޯޓުތަކާއި ހޮޓާތަކާއި ގެސްޓްހައުސްތައް ތަރައްގީކުރާ އިންވެސްޓަރުންނަށް ލުއިތަކެއް ދިނުމުގެ ގޮތުން 2019 ވަނަ އަހަރުގެ ތެރޭގައި އެކުލަވާލެވުނު ގަވާއިދެކެވެ.

Advertisement

ޓޫރިޒަމް މިނިސްޓްރީން އެންމެ ފަހުން ގަވާއިދަށް ގެނެވުނު އިސްލާހާ ގުޅިގެން ދެން އެ ގަވާއިދުގެ ތެރެއިން ކޮންސްޓްރަކްޝަން މުއްދަތު އިތުރުކުރަން ހުށަހެޅޭނެ ފަހުގެ ތާރީހެއް ކަނޑައެޅުނީ އެވެ.

މި މުއްދަތުގެ ތެރޭގައި ޖޫރިމަނާ އާއި ކުލި މާފުކުރަން ހުށަނާޅާ ޑިވެލޮޕަރުންނާ މެދު އަމަލުކުރާނީ އެ ބަޔަކާ އެކު ވެފައިވާ އެއްބަސްވުމުގައި ކަނޑައަޅާފައިވާ ގޮތެއްގެ މަތިންނެވެ.

ޓޫރިޒަމް މިނިސްޓްރީގެ ގަވާއިދުގެ ދަށުން ޑިވެލޮޕަރުން ކޮންސްޓްރަކްޝަން މުއްދަތު އިތުރުކުރަން ހުށައެޅެނީ މަސައްކަތް ހިނގާނެ ގޮތުގައި ވާކް ޕްލޭނަކާ އެކުގަ އެވެ. ބޭނުންނަމަ އެކި މަރުހަލާތަކަށް ބަހާލައިގެން ވެސް ހުށަހެޅޭނެ އެވެ.

މި ގަވާއިދުގައި ކަނޑައަޅާފައިވާ މުއްދަތުގެ ތެރޭގައި ޑިވެލޮޕަރުން ހުށައަޅާ ހުށައެޅުންތައް މިނިސްޓްރީން ބަލައިގަންނަން މަޖުބޫރެވެ.

ޖޫރިމަނާގެ ގޮތުގައި އަރާފައިވާ ފައިސާ ޖަމާކުރަން ޖެހެނީ ޓޫރިޒަމް އެކްޓިވިޓީ ޓްރަސްޓް ފަންޑަށެވެ. މި ފައިސާއަކީ ސީއެސްއާރުގެ ގޮތުގައި ޑިވެލޮޕަރުން ދައްކަން ޖެހޭ ފައިސާ އެވެ.

ޖޫރިމަނާގެ ގޮތުގައި ސީއެސްއާރަށް ދައްކަން ޖެހޭ ފައިސާގެ އަދަދު ކަނޑައަޅަނީ އެކި ޒޯނުތަކަށް ބަހާލައިގެން، ރަށުގެ ކުޑަ ބޮޑު މިނަށާއި މުއްދަތު އިތުރުކުރަން އެދޭ ތާރީހަށް ބަލާފަ އެވެ. ގަވާއިދާ އެކު މި އަދަދުތައް ޓޫރިޒަމް މިނިސްޓްރީން ހާމަކުރި އެވެ.

އާ މުއްދަތުގެ ތެރޭގައި މަސައްކަތް ނުނިމިއްޖެ ނަމަ ބޮޑު އަަދަބެއް

ފަތުރުވެރިކަމުގެ ބޭނުންތަކަށް ތަރައްގީކުރަން ދޫކޮށްފައިވާ ތަންތަނުގެ ކޮންސްޓްރަކްޝަން މުއްދަތާއި، ކުއްޔާއި ޖޫރިމަނާ މާފުކުރުމާ ގުޅޭ ގަވާއިދުގެ ދަށުން ހުށައަަޅާ މުއްދަތުގެ ތެރޭގައި މަސައްކަތް ނިންމަން މަޖުބޫރެވެ. އަދި އާ މުއްދަތުގެ ތެރޭގައި މަސައްކަތް ނިންމަން ޖެހޭ ގޮތަށް ޑިވެލޮޕަރުންނާ އެކު ވެފައިވާ އެއްބަސްވުންތައް މުރާޖާ ކުރާނެ އެވެ.

މި މުއްދަތުގެ ތެރޭގައި މަސައްކަތް ނުނިންމާ ފަރާތްތަކުން ކުއްޔާއި ޖޫރިމަނާ އެއްފަހަރާ ދައްކަން ޖެހޭނެ އެވެ. އެެއްބަސްވެފައިވާ މުއްދަތުގެ ތެރޭގައި ނުވަތަ އެޔަށް ވުރެ ކުރިން މަސައްކަތް ނިންމައިފިނަމަ ކުއްޔާއި ޖޫރިމަނާ ދައްކަން ޖެހޭނީ ރިސޯޓު ހިންގަން ފަށާ މުއްދަތުގެ ފެށިގެން ފަސް އަހަރު ދުވަސް ފަހުންނެވެ. އަދި ކުއްޔަށް ހިފާފައިވާ މުއްދަތު (ލީސް ޕީރިއަޑް)ގެ ތެރެއަށް ބަހާލައިގެން އެ ފައިސާ ދެއްކޭނެ އެވެ.

ޓޫރިޒަމް މިނިސްޓްރީން ލަފާކުރާ ގޮތުުގައި ރިސޯޓުތައް ނުހެދި މަސައްކަތް އެއްކޮށް ހުއްޓިފައިވާ 70 ވަރަކަށް ރިސޯޓް ޕްރޮޖެކްޓް އެބައޮތެވެ. މިއީ ރާއްޖޭގައި މި ވަގުތު ރިސޯޓް ތަރައްގީކުރަން ދޫކޮށްފައިވާ 119 ރަށުގެ 58 ޕަސެންޓެވެ. މީގެ ތެރޭގައި އެއްވެސް މަސައްކަތެއް ނުހިނގާތާ 15 އަހަރަށް ވުރެ ގިނަ ދުވަސްވެފައިވާ ޕްރޮޖެކްޓުތައް ހިމެނެ އެވެ.

ހޮޓާތަކާއި ގެސްޓްހައުސް ތަރައްގީކުރުމުގެ މި މައްސަލަތައް މަދު ނަމަވެސް، ރާއްޖޭގައި ހޮޓާ ތަރައްގީކުރަން ދޫކޮށްފައިވާ ބައެއް ބިންތަކުގައި ހިންގަމުން ދިޔަ ބައެއް ޕްރޮޖެކްޓުތައް ވެސް ހުއްޓިފައި އެބަހުއްޓެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox