އައްޑޫ ސިޓީ ހިތަދޫގައި މިރޭ މާރާމާރީއެއް ހިންގައި ޒުވާނަކަށް ތޫނު އެއްޗަކުން ހަމަލާދީ ޒަހަމް ކޮށްލައިފި އެވެ.
ހިތަދޫ ރީޖަނަލް ހޮސްޕިޓަލްގެ މީޑިއާ އޮފިޝަލް ވިދާޅުވީ އެ މާރާމާރީގައި ޒަހަމް ވެފައިވަނީ 22 އަހަރުގެ ޒުވާން ފިރިހެނެއް ކަމަށާއި އޭނާގެ ގައިގެ ފަސް ތަނަކަށް ތޫނު އެއްޗެއް ހަރައިފައިވާ ކަމަށެވެ.
ފުލުހުންގެ މީޑިއާ އޮފިޝަލް ވިދާޅުވީ އެ މާރާމާރީ ހިންގައިގެން ފުލުހުންނަށް ރިޕޯޓް ކޮށްފައި ވަނީ މިރޭ 21:16 ގައި ކަމަށާއި ޒަހަމްވި މީހާއަށް ހޮސްޕިޓަލްގައި ފަރުވާ ދެމުން އަންނަ ކަމަށެވެ.
Advertisement
"އޭނާގެ ހާލު ރަނގަޅު. އެހާ ފުންކޮށެއް ނޫން [ތޫނު އެއްޗަކުން] ހަރާފައި ހުރީ،" މީޑިއާ އޮފިޝަލް ވިދާޅުވި އެވެ.
ފުލުހުން ބުނީ އެ މައްސަލައާ ގުޅިގެން މިހާތަނަށް މީހަކު ހައްޔަރު ނުކުރާ ކަމަށެވެ.
