އަލްއުސްތާޒް އަބްދުﷲ ޝާއިރަކީ ގާނޫނީ ވަކީލެކެވެ. 2003 ވަނަ އަހަރުން ފެށިގެން ޖިނާއީ އަދި މަދަނީ ގިނަ މައްސަލަތަކެއްގައި ވަކާލާތުކުރައްވާފައި ވެއެވެ. ރާއްޖޭގެ ސިޔާސީ ތާރީހުގައި ހިނގި ބޮޑެތި ހާދިސާތަކާ ގުޅިގެން އުފެދުނު ހަމަނުޖެހުންތަކުގައި އެކި ފަރާތްތަކުގެ މައްޗަށް އުފުލުނު ދައުވާތަކާ ގުޅިގެން ދިފާއީ ވަކީލެއްގެ ގޮތުގައި ހަރަކާތްތެރިވެފައި ވެއެވެ. އަދަދު ނޫހުގައި އަބްދުﷲ ޝާއިރު ލިޔުއްވާނީ ޝަރުއީ ދާއިރާގައި އޭނާ ހޭދަކުރެއްވި ދިގު މުއްދަތުގައި އެކި ގޮތްގޮތުން ކުރެއްވި ތަޖުރިބާތަކާއި، ޝަރުއީ ދާއިރާގެ ކުރިއެރުމަށްޓަކައި ހުށަހަޅުއްވާ ހިޔާލުތަކެވެ.