އެޕްސްޓީންގެ ރަހުމަތްތެރިޔާ ވަހީދު އަދިވެސް ހުންނެވީ މުއިއްޒުގެ ހާއްސަ މުޝީރުގެ މަގާމުގައި

އެޕްސްޓީންގެ ރަހުމަތްތެރިޔާ ވަހީދު އަދިވެސް ހުންނެވީ މުއިއްޒުގެ ހާއްސަ މުޝީރުގެ މަގާމުގައި

ކުޑަކުދިންނަށް ޖިންސީ ގޯނާ ކުރުމުގެ ބޮޑު ރިންގެއް ހިންގަމުންދިޔަ ޖެފްރީ އެޕްސްޓީންއާ ގާތް ގުޅުމެއް ކުރީގެ ރައީސް ޑރ. މުހައްމަދު ވަހީދު ބޭއްވިކަން ފަޅާއެރުމުން ވެސް، ރައީސް މުހައްމަދު މުއިއްޒުގެ ސްޕެޝަލް އެންވޯއީގެ މަގާމުން އެމަނިކުފާނު ވަކި ކުރަން ސަރުކާރުން ޖެހިލުންވެއްޖެ އެވެ.

ވަހީދު މަގާމުގައި ދެމިހުންނެވިކަން ޔަގީންކުރުމަށް އަދަދު އިން ރައީސް އޮފީހުގެ ތަރުޖަމާން ހީނާ ވަލީދުއާ ސުވާލުކުރުމުން ވިދާޅުވީ ވަހީދު ހުންނެވީ އަދިވެސް ހާއްސަ މުޝީރުގެ މަގާމުގައި ކަމަށެވެ.

އެޕްސްޓީން އާއި ވަހީދުއާ ދެމެދު ގާތް ގުޅުމެއް އޮތްކަން ފަޅާއެރީ އެމެރިކާގެ ސެނެޓުން ފާސްކޮށް މި ހަފުތާ ބަންދުގައި އާންމުކުރި އެތައް މިލިއަން ލިޔެކިޔުމެއް ހިމެނޭ "އެޕްސްޓީން ފައިލްސް" އިންނެވެ.

އެޕްސްޓީން އަދި އޭނާގެ ގާތް މީހުންނާ ވަހީދު އަދި އޭނާގެ އާއިލާގެ ބައެއް މެންބަރުން ބައްދަލު ކުރިކަން ވެސް އެ ފައިލްތަކުން އެނގެ އެވެ. ކުރިން އާންމު ކުރި ބައެއް ފައިލްތަކުން ވެސް އެކަން ހާމަވި އެވެ.

އެގޮތުން ވަހީދުގެ ދަރިފުޅު، ޖެފްރީ ސާލިމް ވަހީދު އާއެކު ނިއުޔޯކުގައި ހުންނަ އެޕްސްޓީންގެ ގޭގައި 2014 ގައި ބައްދަލުކުރި ކަމާއި އޭގެ އިތުރުން ވެސް އެތައް ފަހަރެއްގެ މަތިން ވަހީދު، އެޕްސްޓީން އާއި ބައްދަލުކުރިކަން ފައިލްތަކުން ހާމަވެ އެވެ.

ދެހާސްތޭރައިގައި ވަހީދު އަށް އެންމެ ފަސް ޕަސެންޓު ވޯޓު ލިބުނު ރިޔާސީ އިންތިހާބުގެ ކެމްޕޭނު ރޭވުމަށް އެޕްސްޓީންގެ އެހީއަށް ވަހީދު އެދުމުން، ކެމްޕޭން ރާވާނެ ގޮތުގެ ޕްރޮޕޯސަލްތަކާއި އިތުރު ވާހަކަތައް އެޕްސްޓީންގެ ގާތް ބަޔަކު ވަހީދުއާ ވަނީ ބަދަލުކޮށްފަ އެވެ.

މީގެއިތުރުން އެމެރިކާގެ ޖަސްޓިސް ޑިޕާޓްމަންޓުން އާންމުކޮށްފައިވާ އެތައް މިލިއަން ލިޔެކިޔުމެއްގެ ތެރޭގައި ވަހީދު އެޕްސްޓީން އާއެކު ފުއްގިރީގެ ވާހަކަ ދައްކާފައިވާ އަށް ޑޮކިއުމެންޓެއް ހިމެނެ އެވެ.

ފުއްގިރި އާއި ކ. އިންނަހެރެ ފަޅުގައި ފަސް ރަށް ތަރައްގީކުރުން ހިމެނޭ ވަކި ދެ މަޝްރޫއެއްގެ ވާހަކަ ވަހީދު އެންމެ ފުރަތަމަ އެޕްސްޓީން އާ ހިއްސާކުރީ މެއި 25، 2014 ގައި ފޮނުވި މެއިލް އެއްގަ އެވެ. އޭގެތެރެއިން ފުރަތަމަ މަޝްރޫއެއްގެ ގޮތުގައި ވަހީދު ހިމަނާފައިވަނީ ފުއްގިރި މަޝްރޫއެވެ.

މިކަމާ ގުޅިގެން ވަހީދުގެ ބަހެއް ހޯދުމަށް މި ނޫހުން ތަކުރާރުކޮށް ގުޅާ މެސެޖުކުރުމުން އެއްވެސް ޖަވަބެއް ދެއްވާފައެއް ނުވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox