ދިރާގު ދިވެހި ޕްރިމިއާ ލިގުގައި މިއަދު ހަވީރު އަންސަރު އިބްރާހިމް (އަންކޮ) ޖެހި ގޯލުން 1-0 އިން ޔުނައިޓެޑް ވިކްޓަރީ އަތުން ކްލަބް ގްރީން ސްޓްރީޓްސް އިން މުހިންމު މޮޅެއް ހޯދައިފި އެވެ.
ރެލިގޭޝަން ޒޯނުން ސަލާމަތްވުމަށް މަސައްކަތް ކުރަމުން އަންނަ ދެ ޓީމު ކަމަށްވާ ޔުނައިޓެޑް ވިކްޓަރީ އާއި ގްރީން ސްޓްރީޓްސްގެ މި މެޗަކީ ދެ ޓީމަށް ވެސް މޮޅެއް ހޯދުން މުހިންމު މެޗެކެވެ. އެ ގޮތުން، ގްރީން ސްޓްރީޓްސް އިން މި މެޗުން މޮޅުވެ، 16 މެޗުން 11 ޕޮއިންޓާ އެކު އޮތީ ހަށް ވަނައިގަ އެވެ. ވެލެންސިއާ އިން ނުވަ ވަނައިގައި 15 މެޗުން އަށް ޕޮއިންޓާ އެކު އޮތްއިރު، ޔުނައިޓެޑް ވިކްޓަރީ ފުލުގައި އޮތީ 16 މެޗުން އަށް ޕޮއިންޓާ އެކު އެވެ.
ގަލޮޅު ދަނޑުގައި މިއަދު ހަވީރު ކުޅުނު މެޗުގައި ގްރީން ސްޓްރީޓްސްގެ މުހައްމަދު ޖައިިލަމް (އޮގީ) ފޮނުވާލި ބޯޅައެއް ޔުނައިޓެޑް ވިކްޓަރީ ކީޕަރު އަލީ ނާޖިހު (ނާޖީ) ވަނީ މަތަކޮށްފަ އެވެ. ގްރީން ސްޓްރީޓްސް އިން މެޗުގައި ޖެހި ހަަމައެކަނި ލަނޑު 22 ވަނަ މިނިޓްގައި އަންކޮ ޖެހީ އެ ޓީމުގެ މުހައްމަދު ސަހާއު (ބޭލް) ދިން ބޯޅައަކުންނެވެ. އެ ގޮތުން، ސަހާއު ދިން ބޯޅަ ކޮންޓްރޯލް ކޮށްލުމަށް ފަހު، ޔުނައިޓެޑް ވިކްޓަރީގެ ސޮލާހު އަލީ ކައިރިން ނައްޓާފައި އައްކޮށް ވަނީ ތިރީ ކަނަށް ބޯޅަ ފޮނުވާލައިފަ އެވެ.
މެޗުގެ ބާކީ ބައިގައި ދެ ޓީމުން ވެސް އެޓޭކަށް ޖެހިގެން ކުޅުނުއިރު، ގޯލެއް ޖެހޭގޮތެއްނުވި އެވެ.
