ދިރާގު ދިވެހި ޕްރިމިއާ ލީގުގައި މިއަދު ހަވީރު ކުޅުނު މެޗުގައި ވިކްޓަރީ ސްޕޯޓްސް ކްލަބާއި ބުރު ސްޕޯޓްސް ކްލަބް ބައްދަލުކުރި މެޗު 1-1 އިން އެއްވަރުވެގެން ނިމިއްޖެ އެވެ.

މި ނަތީޖާއާ އެކު ބުރުން ލީގުގެ ތިން ވަނަ އަށް ވަނީ ޖެހިލައިފަ އެވެ. އެއީ، 15 މެޗުން 27 ޕޮއިންޓް ހޯދައި، ނިއު ރޭޑިއަންޓް ސްޕޯޓްސް ކްލަބާ ޕޮއިންޓާއި ފައިދާ ގޯލުން އެއްވަރުވެ، ޖެހި ގޯލުން ކުރީގައި އޮވެގެންނެވެ. ނިއު އިން މާދަމާ ޔުނައިޓެޑް ވިކްޓަރީ އަތުން ބަލިނުވެ ފަރުޖައްސާލައިގެން ވެސް އަލުން ތިން ވަނަ އަށް އެރޭނެ އެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗުގައި، ވިކްޓަރީން ވަނީ 44 ވަނަ މިނިޓްގައި ލީޑުނަގައިފަ އެވެ. މި ލަނޑު ޖެހީ އެ ޓީމުގެ ސްލޮވާކިއާ ފޯވާޑް، މިލޯސް ލެޗްނީ އެވެ. މި ގޯލާ އެކު، ވިކްޓަރީން މެޗުގެ ބޮޑުބައި ލީޑުގައި އޮތް ނަމަވެސް ދެ ވަނަ ހާފު ނިމެން ދެ މިނިޓަށް ވެފައިވަނިކޮށް، ބުރު އަށް އެއްވަރުކޮށްދިން ލަނޑު 88 ވަނަ މިނިޓްގައި ކާމިޔާބުކުރީ އަބްދުﷲ ޔާމީން (ޔާނު) އެވެ.

ލީގުގެ ހަ ވަނައިގައި އޮތް ވިކްޓަރީ އަށް ވަނީ 15 މެޗުން 21 ޕޮއިންޓް ލިބިފަ އެވެ.

ލީގުގައި މިރޭ ކުޅޭ މެޗުގައި އެއް ވަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަނުން ނުކުންނާނީ ފަސް ވަނައިގައި އޮތް ކްލަބް އީގަލްސްއާ ދެކޮޅަށެވެ