ގްރީން ސްޓްރީޓްސް ވެސް ބަލިކޮށް ވިކްޓަރީގެ ރަނގަޅު ފޯމު ކުރިއަށް

Dec 26, 2025, 1:11 PM
ވިކްޓަރީގެ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

ވިކްޓަރީގެ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

ދިރާގު ދިވެހި ޕްރިމިއާ ލީގުގައި މިއަދު ހަވީރު ކުޅުނު މެޗުން ކްލަބް ގްރީން ސްޓްރީޓްސް 4-1 އިން ބަލިކޮށް ވިކްޓަރީ ސްޕޯޓްސް ކްލަބުން ލީގުގެ ދެ ވަަނަ ބުރުގައި އެ ޓީމުގެ މޮޅުވުުމުގެ ރެކޯޑް ދަމަހައްޓައިފި އެވެ.

ވިކްޓަރީން ވަނީ ލީގުގެ ދެ ވަނަ ބުރުގައި ކުޅުނު ތިން މެޗުން ކްލަބް އީގަލްސް، ނިއު ރޭޑިއަންޓް ސްޕޯޓްސް ކްލަބް އަދި ގްރީން ސްޓްރީޓްސް ބަލިކޮށްފަ އެވެ. މި ތިން މޮޅާ އެކު، ލީގުގެ 12 މެޗުން ލިބުނު 19 ޕޮއިންޓާ އެކު ވިކްޓަރީ އޮތީ ހަ ވަނައިގަ އެވެ. އެއީީ، ހަތަރެއްގައި އޮތް ބުރު ސްޕޯޓްސް ކްލަބާއި ފަސް ވަނައިގައި އޮތް ނިއުރޭޑިއަންޓަށް ވުރެން އެއް ޕޮއިންޓް މަދުން ހޯދައިގެންނެވެ.

ގަލޮޅު ދަނޑުގައި މިއަދު ކުޅުނު މެޗުގައި ލީޑުނަގަން ގާތަށް ޖެހިލީ ގްރީން ސްޓްރީޓްސް އިންނެވެ. އެ ޓީމުގެ މުހައްމަދު ޖައިލަމް (އޮގީ) ހަތް ވަނަ މިނިޓްގައި ފޮނުވާލި ބޯޅައެއް ގޯލުގެ ދަނޑިއަށް އަމާޒުވި އެވެ.

ވިކްޓަރީން ލީޑުނެގީ 16 ވަނަ މިނިޓްގައި އެ ޓީމުގެ ސްލޮވާކިއާ ފޯވާޑް، މިލޯސް ލެޗްނީ ޖެހި ގޯލުންނެވެ. ހާފުގެ މެދު ރޮނގާހަމައިން ހިފައިގެން އައި ބޯޅަ ލެޗްނީ ވަނީ ގޯލުގެ ކަނަށް ފޮނުވާލައިފަ އެެވެ. މެޗުގެ 24 ވަނަ މިނިޓްގައި އަލީ ޝާމިސް (ތޮއްޕޭ) ވަނީ ވިކްޓަރީގެ ދެ ވަނަ ލަނޑު ޖަހައިފަ އެވެ. މިއީ، ހުސެއިން ފައިސަލް (ފައިޓޯ) އޭރިއާތެރެއަށް ނެގި ބޯޅައެއް ކޮންޓްރޯލް ކުރުމަށް ފަހު ތޮއްޕޭ ޖެހި ގޯލެކެވެ.

ފުރަތަމަ ހާފުގެ ފަހު މިނިޓް ތެރޭގައި، ގްރީން ސްޓްރީޓްސް އޭރިއާތެރެއިން ވިކްޓަރީގެ ލެޗްނީ އަށް ކުރި ފައުލަކަށް ދިން ޕެނަލްޓީއެއް ގޯަލަށް ފޮނުވާލައި އޭނާ ވަނީ ވިކްޓަރީގެ ތިން ވަނަ ލަނޑު ޖަހައިފަ އެވެ. މި ފަހަރުގެ ޓްރާންސްފާގައި ވިކްޓަރީއާ ގުޅުމަށް ފަހު ލެޗްނީ ވަނީ ތިން މެޗުން ފަސް ލަނޑު ޖަހައިފަ އެވެ.

ދެ ވަނަ ހާފުގެ ކުޅުން ފެށިގެން ހަތަރު ވަނަ މިނިޓްގައި ވިކްޓަރީން ވަނީ އެ ޓީމުގެ ހަތަރު ވަނަ ލަނޑު ޖަހައިފަ އެވެ. މި ލަނޑު ޖަހަން ފުރުސަތު ހޯދައިދިނީ ލެޗްނީ އެވެ. މެޗުގެ 49 ވަނަ މިނިޓްގައި ލެޗްނީ ހުސްކޮށްލާފައި ދިން ބޯޅައަށް އަރައި ބިޗަޑް ވަނީ ގޯލުގެ ތެރެއަށް ފޮނުވާލައިފަ އެވެ.

ގްރީން ސްޓްރީޓްސް އިން މެޗުގައި ޖެހި ހަމައެކަނި ލަނޑު 77 ވަނަ މިނިޓްގައި ޖެހީ އެ ޓީމުގެ ކެޕްޓަން، ރިލްވާން ވަހީދު (ރިލޭ) އެވެ. އޭރިއާބޭރުން ލިބުނު ހިލޭޖެހުން ރިލޭ ވަނީ ގޯލުގެ ތިރީ ކަނަށް އަމާޒުކޮށްލައިފަ އެވެ.

މި މެޗުން ބަލިވެ، ގްރީން ސްޓްރީޓްސް ލީގުގެ އަށް ވަނައިގައި އޮތީ 12 މެޗުން ހަތް ޕޮއިންޓް ހޯދައިގެންނެވެ.

ކޮމެންޓް

ފަހުގެ ޚަބަރު

ނެޓްބޯޅަ ކޮމްޕްލެކްސް އިން ކުޅިވަރުގެ ދުރުރާސްތާ ޕްލޭނަށް ފައިދާ

ސަރުކާރުގެ ކުޅިވަރުގެ ދުރުރާސްތާ ޕްލޭންގެ ދަށުން ހުޅުމާލޭގައި ބިނާކުރާ ނެޓްބޯޅަ ކޮމްޕްލެކްސްގެ ބިންގާ އަޅައިފި. މި ކޮމްޕްލެކްސްގައި ފަސް ޕިޗު ހިމެނޭއިރު، މިއީ ނެޓްބޯޅައިގެ އިތުރުން އެހެނިހެން އިންޑޯ ކުޅިވަރުތަކާއި ބައިނަލްއަގުވާމީ މުބާރާތްތައް ބޭއްވޭނެހެން ފަރުމާކުރެވިފައިވާ ތަނެއް.

އެފްއޭއެމް ވިމެންސް ލީގު: މާޒިޔާ އާއި ނިއު ފެށީ ބޮޑު މޮޅަކުން

އެފްއޭއެމް ވިމެންސް ލީގުގެ ފުރަތަމަ މެޗުތަކުން މާޒިޔާ އާއި ނިއު ރޭޑިއަންޓް ބޮޑު ތަފާތަކުން މޮޅުވެއްޖެ. މާޒިޔާއިން އެމްއެސް މޭޓްސް އަތުން 8-0 އިން މޮޅުވިއިރު، ނިއު ރޭޑިއަންޓުން ވަނީ ދަ ގްރާންޑޭ އަތުން 15-0 އިން ކުރިހޯދާފައެވެ. ހަތަރު ޓީމު ވާދަކުރާ މި މުބާރާތުގެ ދެވަނަ މެޗުތައް ކުޅުމަށް ހަމަޖެހިފައިވަނީ އަންނަ ބުދަ ދުވަހު.

ޖޭޖޭ ސްޕޯޓްސް ކްލަބުން ކޮޅުނބު ފުޓްސަލް ކަޕް ތަށި ދިފާއުކޮށްފި

ސްރީ ލަންކާގައި ބޭއްވި ކޮޅުނބު ފުޓްސަލް ކަޕްގެ ފައިނަލުގައި ލާސްޓް ވޯނިން އެފްސީ 3-0 އިން ބަލިކޮށް، ޖޭޖޭ ސްޕޯޓްސް ކްލަބުން މުބާރާތުގެ ތަށި ދިފާއުކޮށްފި. މި މުބާރާތުގައި ކުޅުނު ހުރިހާ މެޗަކުން ޖޭޖޭ މޮޅުވެފައިވާއިރު، މުބާރާތުގެ އެންމެ މޮޅު ފަސް ކުޅުންތެރިންގެ ތެރޭގައި އެ ޓީމުގެ ތިން ކުޅުންތެރިއަކު ހިމެނޭ

އިޓަލީ ކަޓުވާލައި ބެލްޖިއަމުން ނޭޝަންސް ލީގު ކުއާޓާ އަށް

ޔުއެފާ ނޭޝަންސް ލީގުގައި ރޭ ކުޅުނު މެޗުން 4-1 ގެ ބޮޑު ތަފާތަކުން އިޓަލީ ބަލިކޮށް، ބެލްޖިއަމުން މުބާރާތުގެ ކުއާޓާ ފައިނަލުން ޖާގަ ހޯދައިފި. އިޓަލީން ފުރަތަމަ ލަނޑު ޖަހައި ކުރިހޯދާފައިވަނިކޮށް، ބެލްޖިއަމުން ފަހަތުން އަރައި ފަސް ލަނޑު ޖެހިއިރު، މި ނަތީޖާއާއެކު އިޓަލީ ވަނީ މުބާރާތުން ކަޓާފައި

އިންގްލެންޑް އަތްދަށުވެ ސްޕެއިންގެ ބަލިނުވުމުގެ ރެކޯޑް ނިމިއްޖެ

ޔުއެފާ ނޭޝަންސް ލީގުގައި ރޭ އިންގްލެންޑް އަތުން 3-2 އިން ބަލިވެ، ސްޕެއިން މެޗަކުން ބަލިނުވެ ދަމަހައްޓަމުން އައި 43 މެޗުގެ ރެކޯޑް ނިމުމަކަށް އަތުވެއްޖެ. މި މެޗުގައި އިންގްލެންޑުން ތިން ލަނޑުގެ ލީޑެއް ނަގާފައިވަނިކޮށް، ސްޕެއިނުން ދެ ލަނޑު ޖެހި ނަމަވެސް މެޗުން މޮޅުވެވޭ ގޮތެއް ނުވި

އުންމީދަކީ 18 މަސް ދުވަސް ތެރޭ ފުޓްސަލް އެރީނާ ނިންމުން: ރާފިއު

ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް

ނެޝަނަލް ފުޓްސަލް އެރީނާގެ އަމަލީ މަސައްކަތް ފަށައިފި

ހުޅުމާލޭގެ ތިންވަނަ ފިޔަވަހީގައި ބައިނަލްއަގުވާމީ ފެންވަރުގެ ނެޝަނަލް ފުޓްސަލް އެރީނާ އެޅުމުގެ އަމަލީ މަސައްކަތް ލިއޯ ޓްރޭޑިންއާ ހަވާލުކޮށްގެން ވަނީ ފަށާފައި. ދެ އަހަރު ދުވަހުގެ ތެރޭގައި ނިންމުމަށް ހަމަޖެހިފައިވާ މި މަލްޓި-ލެވެލް އެރީނާގައި ފަސް ކޯޓާއި، ކުޅުންތެރިންނަށް ބޭނުންވާ ޒަމާނީ ވަސީލަތްތައް ގާއިމުކުރަން ވަނީ ހަމަޖެހިފައި.

Newsletter

Get the latest news delivered straight to your inbox