ބޭންކު އެކައުންޓު ހާމަ ކުރަން ނުޖެހޭ ކަމަށް ހީކުރައްވައި މުހައްމަދު އަލީގެ ބަޔާނުގައި އެކައުންޓުތައް ހާމައެއް ނުކުރޭ

ދުވާފަރު ދާއިރާގެ މެންބަރު މުހައްމަދު އަލީ: މާލީ ބަޔާނުގައި ބޭންކް އެކައުންޓެއް ނެތް ކަމަށް ބުނެވިފައިވަނީ އޮޅުމަކުން ކަމަށް އޭނާ ވިދާޅުވި -- އާޓްވޯކް: އިސްމާއިލް އިމްދާދު

ދުވާފަރު ދާއިރާގެ މެންބަރު މުހައްމަދު އަލީ: މާލީ ބަޔާނުގައި ބޭންކް އެކައުންޓެއް ނެތް ކަމަށް ބުނެވިފައިވަނީ އޮޅުމަކުން ކަމަށް އޭނާ ވިދާޅުވި -- އާޓްވޯކް: އިސްމާއިލް އިމްދާދު

ދުވާފަރު ދާއިރާގެ ޕީއެންސީ މެންބަރު، މުހައްމަދު އަލީ (ގަމީސް) ގެ ބޭންކް އެކައުންޓެއް ނެތް ކަމަށް މާލީ ބަޔާނުގައި ހާމަކޮށްފި އެވެ.

އަދަދު އާ ވާހަކަ ދައްކަވަމުން މުހައްމަދު އަލީ ވިދާޅުވީ އޭނާއަށް ހީކުރެވިފައި އޮތީ މާލީ ބަޔާނުގައި ބޭންކު އެކައުންޓުތައް ހާމަ ކުރަން ނުޖެހޭ ކަމަށެވެ. އަދި ވިދާޅުވީ ބޭންކު އެކައުންޓު ހާމަ ކުރަންޖެހޭ ނަމަ އެކަން ނުކުރެވިފައިވާނީ އޮޅުމަކުން ކަމަށެވެ.

"އެކައުންޓު ހުންނާނެ. ޖަހަން ނެތީމަ ނުޖެހީ. އެއީ މިސްޓޭކެއް. އަޅުގަނޑު މުސާރަ ޖަމާވަނީ އެމްއައިބީ އެކައުންޓަށް. އެއީ އަޅުގަނޑުގެ މައްސަލައެއް،" މުހައްމަދު އަލީ ވިދާޅުވި އެވެ.

ރައްޔިތުންގެ މަޖިލީހުގެ މާލީ ބަޔާނުގެ ދެ ވަނަ ނަންބަރުގައި ބުނެފައި ވަނީ މެންބަރުންގެ އަތުގައި ހުރި ނަގުދު ފައިސާ އާއި ޓާމް ޑިޕޮސިޓް އާއި ބޭންކު އެކައުންޓުތަކާއި ބަންދުކޮށްފައިވާ އެކައުންޓުތައް ހާމަ ކުރަންޖެހޭނެ އެވެ. އެކަމަކު މުހައްމަދު އަލީގެ ބަޔާނުގައި ބުނެފައި ވަނީ އޭނާގެ އެކައުންޓެއް "ނެތް" ކަމަށެވެ.

މުހައްމަދު އަލީ ވަނީ އޭނާ މޯލްޑިވްސް އިސްލާމިކް ބޭންކުން ނަގާފައިވާ ހަތް ލައްކަ ރުފިޔާގެ ލޯނެއް ހާމަކޮށްފަ އެވެ. އެ ލޯނުގެ ރިޕޭމަންޓަށް 91،323.65 ރުފިޔާ ދައްކާފައިވާ ކަމަށް ވެސް މާލީ ބަޔާނުގައި ވަނީ ބަޔާންކޮށްފަ އެވެ.

ބޭންކުން ލޯނެއް ނަގަންޏާ އެ ބޭންކެއްގައި އެކައުންޓެއް ހުޅުވަންޖެހެ އެވެ. އަދި އެއްވެސް މެންބަރަކަށް ނަގުދު ފައިސާއިން މުސާރަ ދޫނުކުރާ ކަމަށް އެ މަޖިލީހުގެ ތަރުޖަމާނު އަހުމަދު މާން އަސްއަދު ވިދާޅުވި އެވެ.

މުހައްމަދު އަލީގެ މާލީ ބަޔާނުން އެނގޭ ގޮތުގައި އޭނާއަށް މެއި 28، 2024، އިން މެއި 27، 2025، ގެ ނިޔަަލަށް މަޖިލީހުގެ މުސާރަ އާއި ކޮމިޓީ އެލަވަންސްގެ ގޮތުގައި 924،552.63 ރުފިޔާ ލިބުނެވެ.

މަޖިލީހުގައި 93 މެންބަރުން ތިބޭއިރު އޭގެ ތެރެއިން އިއްޔެ މަޖިލީހުގެ ވެބްސައިޓަށް އަޕްލޯޑުކުރީ 88 މެންބަރެއްގެ މާލީ ބަޔާނެވެ. ބާކީ ފަސް މެންބަރުންގެ މާލީ ބަޔާން މަޖިލީހުގެ ވެބްސައިޓަށް އަޕްލޯޑު ނުކުރަނީ އެ މާލީ ބަޔާންތައް މުއްދަތުގެ ތެރޭގައި ނުފޮނުވާތީ އެވެ.

މަޖިލީހުގެ ގަވާއިދަށް 20 ވަނަ ރައްޔިތުންގެ މަޖިލީހުން ބަދަލު ގެނެސް، ހަމަޖެއްސީ އެއް އަހަރު ފަހުން މާލީ ބަޔާން ހުށަހަޅަންޖެހޭ ގޮތަށެވެ. އަދި ނިންމީ ބަޔާން ދޭންޖެހޭނީ ކޮންމެ އަހަރެއްގެ ވެސް އޯގަސްޓު 31، ގެ ނިޔަލަށް ކަމަށެވެ.

މަޖިލީހުން އާންމުކޮށްފައިވާ މާލީ ބަޔާންތަކުގައި ހިމަނާފައި ވަނީ އަހަރެއްގެ ތެރޭގައި ލިބުނު އާމުދަނީ އާއި ބޭންކު އެކައުންޓުތަކުގައި ހުރި ފައިސާ އާއި އަމިއްލަ ނަމުގައި ހުރި ދަރަނި/ލޯނުތަކާއި އަމިއްލަ ނަމުގައި ހުރި މުދަލުގެ ތަފުސީލެވެ.

އެއްވެސް ކުންފުންޏެއްގައި ހިއްސާއެއް އޮތް ނަމަ އޭގެ ތަފުސީލާއި ނަގުދު ފައިސާގެ ގޮތުގައި ހުރި ފައިސާގެ އަދަދާއި ވިއްކާލާފައިވާ ބައެއް ކެޓަގަރީތަކުގެ މުދަލުގެ ތަފުސީލާއި އިންޓެލެކްޗުއަލް ޕްރޮޕަޓީގެ ގޮތުގައި ބެލެވޭ އެއްވެސް އެއްޗެއްގެ ތަފުސީލު ވެސް ބަޔާންތަކުގައި ހިމަނަންޖެހެ އެވެ.

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox