މި ހާލަތަށް އައީ ބަޖެޓުގައި ނުހިމެނޭ އާ ކަންކަން ސަރުކާރުން ކުރުމުން: އަމީރު

ކުރީގެ ފިނޭންސް މިނިސްޓަރު އިބްރާހިމް އަމީރު. މި އަހަރުގެ ބަޖެޓު ވެސް ފާސްކުރީ ޓްރާންސިޝަން ކޮމިޓީގެ މަޝްވަރާ އާއެކު ކަމަށް ވިދާޅުވި --- ފޮޓޯ: އެމްޑީޕީ

ކުރީގެ ފިނޭންސް މިނިސްޓަރު އިބްރާހިމް އަމީރު. މި އަހަރުގެ ބަޖެޓު ވެސް ފާސްކުރީ ޓްރާންސިޝަން ކޮމިޓީގެ މަޝްވަރާ އާއެކު ކަމަށް ވިދާޅުވި --- ފޮޓޯ: އެމްޑީޕީ

މި ސަރުކާރަށް އެންމެ ބޮޑު ހުރަހަކަށް ވީ "ސިޔާސީ ވިސްނުމެއްގައި ފާސްކުރި ބަޖެޓު"ގެ ސަބަބުން ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވުމާ އެކު އެ ކަމަށް މިދިޔަ ސަރުކާރުގެ މާލީ ވަޒީރު އިބްރާހިމް އަމީރު ރައްދު ދެއްވައިފި އެވެ.

އެމްޑީޕީގެ މެޖޯރިޓީ އޮތް މަޖިލީހުން 49.8 ބިލިއަން ރުފިޔާގެ ބަޖެޓެއް މި އަހަރަށް ފާސްކުރީ ރިޔާސީ އިންތިހާބަށް ފަހު ވެރިކަން ބަދަލުވުމުގެ މަރުހަލާގެ ތެރޭގަ އެވެ. ރައީސް މުއިއްޒުގެ ސަރުކާރުން އެންމެ ބޮޑު ބަހަނާއެއްގެ ގޮތުގައި ދައްކަނީ ބޭނުންވާ ގޮތަށް މަޖިލީހުން ބަޖެޓު ފާސް ނުކުރުމެވެ. ނަމަވެސް, އޭރު އިންތިހާބީ ރައީސް އެދިވަޑައިގެންނެވި ކަންކަން ބަޖެޓުގައި ހިމެނި އެވެ.

އޭރު މާލީ ވަޒީރަކަށް ހުންނެވި އަމީރު ވަނީ އެއީ އެ ކަން ހިނގާފައި އޮތް ގޮތް ނޫން ކަމަށް މިއަދު ހާމަކުރައްވާފަ އެވެ. އެގޮތުން, ޓްރާންސިޝަން މަރުހަލާގައި ފާސްކުރި ސަޕްލިމެންޓަރީ ބަޖެޓާއި 2024 ގެ ބަޖެޓު ވެސް ފާސްކުރީ ޓްރާންސިޝަން ކޮމިޓީގެ މަޝްވަރާ އާއެކު ކަމަށް އޭނާ ވިދާޅުވި އެވެ.

Advertisement

"2024 ވަނަ އަހަރަށް ހުށަހެޅުނު ބަޖެޓުގައި ތި ބޭފުޅުން ފޮނުވި ލިސްޓް އޮތް ގޮތަށް ބަޖެޓުގައި ހިމެނިފައިވާނެ. އެހެން ނޫނަސް ބަޖެޓު އޮތް ގޮތުން ކަންތައް ނުވިޔޭ، ވިދާޅުވާއިރު މި ހާަލަތަށް އައީވެސް ސީދާ ބަޖެޓުގައި ނުވެސް ހިމެނޭ އާ ކަންތައްތަކެއް ކުރުމުގެ ސަބަބުން," އަމީރު ވިދާޅުވި އެވެ.

މަޖިލީހުން ފާސްކުރި ބަޖެޓާ އެއްގޮތަށް ސަރުކާރުން ކަންކަން ކުރި ނަމަ އިގުތިސޯދީ ހަރަކާތްތައް ނުހުއްޓޭނެ ކަމަށާއި އޭރުން އަމިއްލަ ފަރުދުންނާއި ކުންފުނިތައް ބަނގުރޫޓު ނުވީސް ކަމަށް ވެސް އަމީރު ވިދާޅުވި އެވެ. ސަރުކާރުން ބަޖެޓުން ބޭރުން ކުރި ބައެއް ހަރަދުތައް ވެސް އަމީރު ހިއްސާކުރެއްވި އެވެ.

އެގޮތުން, ރަސްމާލެ މަޝްރޫއު އާއި 37 މިލިއަން ޑޮލަރަށް ގަތް ޑްރޯންތަކުގެ ވާހަކަ އޭނާ ފާހަގަކުރެއްވި އެވެ. އަދި, މިދިޔަ އަހަރަށް ވުރެ މި އަހަރުގެ މިހާތަނަށް މުސާރައަށް 1.425 ބިލިއަން ރުފިޔާ ހަރަދުކޮށްފައިވާ ކަމަށް ވެސް އަމީރު ވިދާޅުވި އެވެ.

ރަށެއްގެ ޕްރޮޖެކްޓެއް ނުހިނގަނީ ކީއްވެގެންތޯ ސުވާލު ކުރުމުން ކޮންމެ ފަހަރަކު "ކުރީ ސަރުކާރު"ގެ ބަހަނާ ނުދެއްކުމަށް އަމީރު މިއަދު ގޮވާލެއްވި އެވެ.

"ރައްޔިތަކަށް ކަމެއްކޮށްދޭންވީމަ ކުރީ ސަރުކާރު ބަޖެޓާއި ހެދި ކަމެއް ނުވޭ. އެކަމަކު ކޮށްފަ ހުރީ ބަޖެޓުގައި ނުވެސް ނެތް ކަންތައްތައް. އޭގެއިން އަރައިނުގަނެވިގެން މިހާރު މި އުޅެންޖެހެނީ. ތި ބޭފުޅުންނަށް މި އަހަރު ނުވި ކަމެއް ކުރިޔަށް އޮތް ހަތަރު އަހަރު ވެސް ނުވާނެ," އަމީރު ވިދާޅުވި އެވެ.

އއ. ތޮއްޑޫއަށް މިއަދު ވަޑައިގެން ވާހަކަ ދައްކަވަމުން ރައީސް މުއިއްޒު ވިދާޅުވީ މި އަހަރު ރާއްޖޭގައި ތަރައްގީތައް ކުރިއަށް ނުގެންދެވުނީ އެމްޑީޕީ ސަރުކާރާ ހެދި ކަމަށެވެ. އެގޮތުން މި އަހަރަށް ލަފާކޮށް މިދިޔަ އަހަރު ފާސްކުރި ބަޖެޓުގައި މި ސަރުކާރުން ބޭނުންވި ކަންކަން ހިމަނާފައި ނުވާ ކަމަށް ރައީސް ވިދާޅުވި އެވެ. ނަމަވެސް ކުރިއަށް އޮތް ދެ އަހަރު ދުވަހުގެ ތެރޭގައި އެމަނިކުފާނު ވައުދުވެވަޑައިގެންނެވި ހުރިހާ ކަމެއްގެ އަމަލީ މަސައްކަތް ފަށްޓަވާނެ ކަމަށް ރައީސް ވިދާޅުވި އެވެ.

"އިރާދަކުރެއްވިއްޔާ 2025 އަދި 2026 ވެގެންދާނީ އަޅުގަނޑު ރަށްރަށަށް ގޮސް ރިޔާސީ އިންތިހާބުގައި ވެފައި ހުރި ވައުދުތައް ފުއްދުމަށްޓަކައި އަމަލީ ގޮތުން އެ މަސައްކަތްތައް ހިންގައިދޭނެ އަހަރަށް،" ރައީސް މުއިއްޒު ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox