މީޑިއާ އަށް ފިލުން ގައުމީ ކޯޗު މޮރިއޭރޯގެ އުކުޅެއް؟

ބަންގްލަދޭޝް އަތުން ބަލިވި މެޗަށް ފަހު ގައުމީ ކޯޗު އިޓަލީގެ ފްރެންޗެސްކޯ މޮރިއޭރޯ.--- ފޮޓޯ: މުހައްމަދު ޝާބިން/ އަދަދު

ބަންގްލަދޭޝް އަތުން ބަލިވި މެޗަށް ފަހު ގައުމީ ކޯޗު އިޓަލީގެ ފްރެންޗެސްކޯ މޮރިއޭރޯ.--- ފޮޓޯ: މުހައްމަދު ޝާބިން/ އަދަދު

ގައުމީ ފުޓްބޯޅަ ޓީމުގެ ކޯޗު އިޓަލީގެ ފްރެންޗެސްކޯ މޮރިއޭރޯ ދެ ވަނަ ފަހަރަށް ރާއްޖޭގެ މީޑިއާ "ބޮއިކޮޓް" ކޮށްފައިވަނީ، ސާފް ބަންގުބަންދު ޗެމްޕިއަންޝިޕް 2023 ފުޓްބޯޅަ މުބާރާތުގައި މިއަދު ހަވީރު ރާއްޖެ އަތުން ފަހަތުން އަރައި 3-1 އިން ބަންގްލަދޭޝް މޮޅުވި މެޗުގެ ނޫސްވެރިންގެ ބައްދަލުވުމުގަ އެވެ.

މޮރިއޭރޯ ނޫސްވެރިންގެ ބައްދަލުވުމަށް ހާޒިރުވެ، ފުރަތަމަ ވާހަކަ ދައްކަން އެދުމަށް ފަހު ވަނީ ރާއްޖޭގެ ކުޅުމަށް ފާޑުކިޔައިފަ އެވެ.

"ވިހި މިނިޓް ޕާސް ޕާސް ދީފައި، ދެން ނުފެނުނު އެއްވެސް ކަމެއް. މިއީ ގައުމީ ޓީމެއްގެ ކުޅުމެއް ނޫން. އަހަރެން ވަރަށް ބޮޑަށް ދިވެހިންގެ ކިބައިން މާފަށް އެދެން، މި ކަމެއް މި ގޮތަށް ނުކުރެވޭނެ" މީޑިއާގެ ސުވާލަކަށް ޖަވާބު ދިނުމުގެ ބަދަލުގައި ނޫސްވެެރިންގެ ބައްދަލުވުން ދޫކޮށްދިއުމުގެ ކުރިން މޮރިއޭރޯ ބުންޏެވެ.

ކޯޗު ނޫސްވެރިންގެ ބައްދަލުުވުން ދޫކޮށް ދިއުމާ އެކު ގައުމީ ޓީމުގެ މެނޭޖަރު، އަބްދުﷲ ޝިބާއު (ޝިބާ) ނޫސްވެރިންގެ ބައްދަލުވުމުގައި ބައިވެރިވެ، ނޫސްވެރިންގެ ސުވާލުތަކަށް ޖަވާބުދޭން ފެށި އެވެ.

މޮރިއޭރޯ އެހާ ޒިންމާދާރުކަން ކުޑަގޮތަކަށް ނޫސްވެރިންގެ ބައްދަލުވުން "ބޮއިކޮޓްކުރި" މައްސަލަ ބަލާނެތޯ ނޫނީ ފިޔަވަޅެއް އަޅާނެތޯ އެހުމުން، ޝިބާ ބުނީ އެކަން އޮންނަ އުސޫލުގެ ތެރެއިން ބަލާނެ ކަމަށެވެ.

މިއީ، ގައުމީ ކޯޗު މޮރިއޭރޯ ދިވެހި މީޑިއާ އަށް ޖަވާބު ދޭން ދެކޮޅު ހެދި ދެ ވަނަ ފަހަރެވެ. އެ ގޮތުން، ސާފް ޗެމްޕިއަންޝިޕްގެ ތައްޔާރީތަކަށް ޖަޕާނަށް ކޭމްޕް ދިއުމުގެ ކުރިން، މާލޭ ބަސް ޓާމިނަލުގައި މީޑިއާ އިން މޮރިއޭރޯގެ އިންޓަވިއު އަކަށް އެދުމުން ވާހަކަ ދައްކަން ދެކޮޅު ހެދި އެވެ. ޓީމު އާންމުކޮށް ފުރާއިރު، ކޯޗު އިންޓަވިއު ދެ އެވެ. އެކަމަކު، މޮރިއޭރޯގެ ފަރާތުން އެކަމެއް ވެސް ނުފެނެ އެވެ.

ގައުމީ ޓީމުގެ ކޯޗިން ސްޓާފެއްގެ އިންޓަވިއުގެ ބަދަލުގައި އެ ދުވަހު، މީޑިއާއާ ވާހަކަ ދެއްކީ މެނޭޖަރު ޝިބާ އެވެ.

އެހެންކަމަށް ވުމާ އެކު، މިހާރު މި ފެންނަނީ ޒިންމާއެއް ނަގަން ޖެހޭ ދުވަހު، މޮރިއޭރޯ ނޫސްވެރިންނަށް ފިލަން ހާއްސަ އުކުޅެއް ގެންގުޅޭ ތަނެވެ. އެކަމަށް ބާރު ލިބޭ ހުރިހާ ކަމެއް މޮރިއޭރޯގެ ފަރާތުން ފެނެ އެވެ.

މިއަދުގެ މެޗަކީ 2003 ވަނަ އަހަރު ފައިނަލުގައި، ބަންގްލަދޭޝް އަތުން ބަލިވި ފަހުން، ސާފް ޗެމްޕިއަންޝިޕްގައި އެ ޓީމު އަތުން ރާއްޖެ ބަލިވި ފުރަތަމަ ފަހަރެެވެ. މި ވޭތުވެދިޔަ 20 އަހަރު ތެރޭ ސީނިއާ ފުޓްބޯޅައިގައި ރާއްޖެ އަތުން ބަންގްލަދޭޝް މޮޅުވި ދެ ފަހަރު ވެސް އެކަން ހާސިލްކުރީ ރާއްޖޭގެ ކޯޗަކަށް އިޓަލީގެ ފްރެންޗެސްކޯ މޮރިއޭރޯ ހުއްޓަ އެވެ. މީގެ ކުރިން، ބަންގްލަދޭޝް އިން ވަނީ 2021 ވަަނަ އަހަރުގެ ނޮވެމްބަރު މަހު، ސްރީ ލަންކާގައި ބޭއްވި ފޯ ނޭޝަންސް ކަޕްގައި ވެސް 2-1 އިން ރާއްޖެ ބަލިކޮށްފަ އެވެ.

ބޫޓާން އަތުން ރާއްޖެ މޮޅުވި މެޗުގެ ތެރެއިން މޮރިއޭރޯ: ބޫޓާނުން ރާއްޖެ އަތުން ބަލިވި ނަމަވެސް އެ މެޗުގައި މޮޅަށް ކުޅުނު.---- ފޮޓޯ: މުހައްމަދު ޝާބިން/ އަދަދު

އެފްއޭއެމް އަށް މޮރިއޭރޯއާ މެދު ފިޔަވަޅެއް އެޅޭނެތަ؟ މޮރިއޭރޯ އިސްތިއުފާ ދޭނެތަ؟

މީގެ ކުރިން ގައުމީ ޓީމުގެ ކޯޗުގެ މަގާމާ ހަވާލުވި އެކި ކޯޗުން ނޫސްވެރިންގެ ބައްދަލުވުމުގައި މީޑިއާގެ ސުވާލުތަކަށް ޖަވާބު ދިނުމުގައި ގެންގުޅުނީ އެކި އުސޫލެވެ. އެކަމަކު، ޔަގީންކަމާ އެކު ކޮންމެ ކޯޗެއް ވެސް ރަސްމީ ނޫސްވެރިންގެ ބައްދަލުވުންތަކުގައި އެ ތަނުގައި ތިބޭ ދިވެހި މީޑިއާ އާއި އެހެން ގައުމުތަކުގެ މީޑިއާ އަށް އިހުތިރާމް ކުޑަކޮށް އަމަލުނުކުރެ އެވެ.

މި ފަހުން، ގައުމީ ކޯޗުގެ މަގާމާ ހަވާލުވި ކޯޗުންގެ ތެރެއިން މީޑިއާއާ އެންމެ ގޯސް ގުޅުމެއް އޮތް ކަމަށް ދޭހަވާ ގޮތަށް އަމަލުތައް ހުރި އެއް ކޯޗަކީ ކްރޮއޭޝިއާގެ ޕީޓަ ސެގާޓް އެެވެ. އެކަމަކު، ސެގާޓް ވެސް ނޫސްވެރިންގެ ބައްދަލުވުމުގައި މީޑިއާގެ ސުވާލުތަކަށް ޖަވާބު ދެ އެވެ. ބަލިވާ ދުވަހު ޒިންމާ ނަގަނީ އަމިއްލަ އަށެެވެ. ހުރިހާ ކަމެއް ކުޅުންތެރިންގެ "ބޮލަށް" ނުޖަހަ އެވެ.

އެކަމަކު، މިއަދު މޮރިއޭރޯގެ ކިބައިން ފެނުނީ މުޅިން ތަފާތު މަންޒަރެކެވެ. މެޗުގެ ވާހަކަ ދެއްކުމުގެ ބަދަލުގައި، މެޗު ދިޔަ ގޮތުގެ ވާހަކައެއް އޮޅުންފިލުވައިދިނުމުގެ ބަދަލުގައި، މޮރިއޭރޯ ހުރިހާ ކަމެއް ޖެހީ ކުޅުންތެރިން ބޮލަށެވެ. ކުޅުންތެރިިންނަށް ނުކުޅެވުނު ކަމަށް ބުނެ، ނޫސްވެރިންގެ ބައްދަލުވުމުގައި، މޮރިއޭރޯ އަމަލުކުރީ، ގައުމެއް ތަމްސީލްކުރަން ހުންނަ ކޯޗެއްގެ ފަރާތުން ފެންނާނެ ކަންތައްތައްތަކަށް ވުރެ ދަށްކޮށެވެ.

ރާއްޖެ އަށް އަދިވެސް މުބާރާތުގައި ކުރިއަށްދިއުމުގެ އަމިއްލަ ބާރު އޮއްވައި، މޮރިއޭރޯގެ މި އަަމަލުގެ ސަބަބުން ކުޅުންތެރިންގެ ކުރިމަތީގައި އޭނާ އަށް އިތުބާރެއް ނޯންނާނެ ކަމަށް ގިނަ ބަޔަކު ޔަގީނުން ވެސް އެއްބަސްވާނެ އެވެ.

މި ފަހަރުގެ ސާފް ޗެމްޕިއަންޝިޕްގެ ކުރިން ތައްޔާރުވާން ރަނގަޅު މެޗެއް ނުކުޅެ، މުބާރާތަށް އައިއިރު، އެކަމާ ބެހޭގޮތުން މޮރިއޭރޯ ވާހަކަ ދައްކާފައި ހުރީ އެކި ފަހަރު އެކި ގޮތަށެވެ. މެޗު ފިޓްނަސް ލެވަލް ކުޅުންތެރިން ކިބައިގައި ނެތްކަން ފުރަތަމަ ދެ މެޗުން ވެސް ފެނުނެވެ. މީގެ ޒިންމާ ޔަގީނުން ވެސް އޮތީ މޮރިއޭރޯ ބޮލުގަ އެވެ.

މިހާރު މި އޮތް ގޮތުން މޮރިއޭރޯ އަށް އެންމެ ރަނގަޅު ގޮތަކީ މަގާމުން އިސްތިއުފާ ދިނުން ކަމަށް ބުނާ ފަރާތްތައް ސޯޝަލް މީޑިއާގައި އަންނަނީ ޝުއޫރު ފާޅުކުރަމުންނެވެ. އަދި މޮރިއޭރޯ މި ގޮތަށް ކުޅުންތެރިން ބަދުނާމުވާ ގޮތަށް ވާހަކަ ދައްކައި، ކުރި ދަށު ދަރަޖަަައިގެ އަމަލަށް ފަހު، ނޫސްވެރިންގެ ބައްދަލުވުން ދޫކޮށްދިއުމުން އޭނާއާ މެދު ފިޔަވަޅު އަޅަން ޖެހޭ ކަމަށް ބުނާ ފަރާތްތައް ވެސް ގިނަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox