ހުއްރިއްޔާއާ އެއްވަރުކޮށް ޕޮލިސް ކުރިއަށް

Apr 10, 2023, 6:18 AM
ހުއްރިއްޔާގެ ވެޓަރަންސް ކްލަބްގެ ސަމާއު ގޯލު ޖެހުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު

ހުއްރިއްޔާގެ ވެޓަރަންސް ކްލަބްގެ ސަމާއު ގޯލު ޖެހުމަށް ފަހު އުފާފާޅުކުރަނީ.--- ފޮޓޯ: އަބްދުﷲ އިޔާން/ އަދަދު

ސްޓެލްކޯ ވެޓަރަންސް ލީގުގައި އިއްޔެ ހަވީރު ކުޅުނު މެޗުން ހުއްރިއްޔާ ވެޓަރަންސް ކްލަބާ 1-1 އިން އެއްވަރުކޮށް, ޕޮލިސް ކްލަބުން މުބާރާތުގެ އަނެއް ބުރުގެ ޖާގައެއް ހޯދައިފި އެވެ.

ގްރޫޕް ސީން ގަދަ ތިން ޓީމު އަނެއް ބުރަށްދާއިރު, މި ވަގުތު އެ ގްރޫޕްގެ ކުރީގައި އޮތީ ދެ މެޗުން ހަތަރު ޕޮއިންޓާ އެކު މޯލްޑިވްސް ސޮކަ މޭޓްސް (އެމްއެސްއެމް) އާއި ޕޮލިހެެވެ. މި ދެ ޓީމަށް ވެސް ކުއާޓާ ފައިނަލް ޔަގީންވެފައިވާއިރު، ހުއްރިއްޔާ ތިން ވަނައިގައި އޮތީ ދެ މެޗުން ދެ ޕޮއިންޓް ހޯދައިގެންނެވެ. ފުލުގައި އޮތް ގްރީން ސްޓްރީޓްސް އަށް ދެ މެޗުން ޕޮއިންޓެއް ނުލިބެ އެވެ.

މި ގްރޫޕްގައި ބާކީ އޮތް ދެ މެޗަކީ ބުދަ ދުވަހު ހަވީރު ސޮކަ މޭޓްސް އާއި ޕޮލިސް ކުޅޭ މެޗާއި ހުކުރު ދުވަހު ހަވީރު ހުއްރިއްޔާ އާއި ގްރީން ސްޓްރީޓްސް ބައްދަލުކުރާ މެޗެވެ.

ޓާފް އެއް ނަމްބަރު ދަނޑުގައި އިއްޔެ ހަވީރު ކުޅުނު މެޗު ފަށައިގެން ލީޑުނެގީ ހުއްރިއްޔާ އިންނެވެ. އެ ގޮތުން މެޗުގެ ފަސް ވަނަ މިނިޓްގައި ހުއްރިއްޔާގެ ގޯލު ޖެހީ މެޗުގެ މޮޅު ކުޅުންތެރިއަކަށް ހޮވުނު އަހުމަދު ސަމާއު އެވެ. އޭރިއާތެރެއިން ހުއްރިއްޔާ އިން ކުރި އެޓޭކެއްގައި ރީބައުންސް ވެގެން އައި ބޯޅަ ސަމާއު ވަނީ ގޯލުގެ ކަނަށް އަމާޒުކޮށްލައިފަ އެވެ.

ހުއްރިއްޔާގެ މާސޭ (ވ) އަތުން ބޯޅަ ހޯދަން ޕޮލިހުގެ މަހުމޫދު މަަސައްކަތް ކުރަނީ.--- ފޮޓޯ: އަބްދުﷲ އިޔާން/ އަދަދު

ފުރަތަމަ ހާފުގައި ހުއްރިއްޔާ އިން ކުޅެމުން ދަނިކޮށް އެ ޓީމުގެ ކެޕްޓަން، ކުރީގެ މަޝްހޫރު ފޯވާޑް މައުސޫމް އަބްދުލް ގަފޫރު (މާސޭ) އަށް އަނިޔާވެގެން ބަދަލުކުރަން ޖެހުނެވެ. މިއީ މި މެޗުގައި ހުރާ އަށް ލިބުނު ބޮޑު ގެއްލުމެކެވެ. ހުއްރިއްޔާ އަށް ފުރަތަމަ ހާފު ވެސް ލީޑުގައި އޮވެ ނިންމައިނުލެވުނެވެ. އެ ގޮތުން މެޗުގެ 19 ވަަނަ މިނިޓްގައި ޕޮލިހުގެ އަބްދުﷲ އިބްރާހިމް މަނިކް (އޮއްޕޮ) ވަނީ އެ ޓީމަށް ގޯލު ޖަހައިދީފަ އެވެ. ހުއްރިއްޔާ އޭރިއާ ރޮނގުކައިރިން އަބްދުﷲ އަށް ލިބުނު ބޯޅަ ކޮންޓްރޯލް ކުރުމަށް ފަހު ވަނީ ގޯލުގެ މަތީ ކަނަށް އަމާޒުކޮށްލައިފަ އެވެ.

މެޗުގެ ދެ ވަނަ ހާފުގައި ހުއްރިއްޔާގެ ކުރީގެ ތަރި، އަބްދުﷲ އިބްރާހިމް (ހުރާ އަބުޅޯ) ކުޅެން ނުކުތްއިރު، އެ ޓީމަށް ދެ ވަނަ ގޯލެއް ޖަހައިދޭން ކުރީގެ ކުޅުންތެރިޔާ، ހުސްނީ އަބްދުލް ރަހުމާން އޭރިއާބޭރުން ޖެހި ޝޮޓް ދިޔައީ އަރިމަތިން ބޭރުންނެވެ. އަދި ޕޮލިހުން ވަނީ ހިލޭ ޖެހުމުން ނުރައްކާތެރި ބޯޅަތަކެއް ފޮނުވާލައިފަ އެވެ.

މުބާރާތުގައި މިއަދު އޮތީ ގްރޫޕް އޭގެ ފަހު މެޗެވެ. އެ ގޮތުން މި މެޗުގައި ބައްދަލުކުރާނީ ކްލަބް އީގަލްސް އާއި ބުރު ސްޕޯޓްސް ކްލަބް އެވެ. ތިން ޓީމު ވާދަކުރާ މި ގްރޫޕުން ދެ ޓީމަށް އަނެއް ބުރުގެ ފުރުސަތު ލިބޭއިރު، އީގަލްސް އިން ވަނީ ފުރަތަމަ މެޗުގައި ދަ ގްރާންޑޭ ބަލިކޮށްފަ އެވެ. ދަ ގްރާންޑޭ އިން ވަނީ ދެ ވަނަ މެޗުގައި ބުރުގެ މައްޗަށް ކާމިޔާބު ހޯދައިފަ އެވެ. ބުރަށް އަނެއް ބުރުގެ ފުރުސަތެއް އޮތީ މިއަދު އީގަލްސް ބަލިކޮށްގެންނެވެ. މެޗު ފަށާނީ 16:30 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox