13 އަހަރުގެ އިލާން ރާއްޖޭގެ ގައުމީ ސީނިއާ ޓީމުގެ ޕްރެކްޓިހަށް

Nov 25, 2022, 8:39 AM
ގައުމީ ޓީމުގެ ޕްރެކްޓިހުގެ ތެރެއިން އިލާން: އިލާން އަށް ގައުމީ ސްކޮޑާ އެކު ޕްރެކްޓިސް ކުރުމުގެ ފުރުސަތު ދޭން ނިންމާފައިމިވަނީ 14 އަހަރުން ދަށުގެ ޔޫތު ލީގުގައި ދެއްކި މޮޅު ކުޅުމުގެ ސަބަބުން.-- ފޮޓޯ: އެފްއޭއެމް

ގައުމީ ޓީމުގެ ޕްރެކްޓިހުގެ ތެރެއިން އިލާން: އިލާން އަށް ގައުމީ ސްކޮޑާ އެކު ޕްރެކްޓިސް ކުރުމުގެ ފުރުސަތު ދޭން ނިންމާފައިމިވަނީ 14 އަހަރުން ދަށުގެ ޔޫތު ލީގުގައި ދެއްކި މޮޅު ކުޅުމުގެ ސަބަބުން.-- ފޮޓޯ: އެފްއޭއެމް

ދާދި ފަހުން ނިމިގެންދިޔަ އެފްއޭއެމް 14 އަހަރުން ދަށުގެ ޔޫތު ލީގުގެ ޗެމްޕިއަންކަން ހޯދި ކްލަބް ވެލެންސިއާ ޓީމުގައި ތަފާތު މޮޅު ކުޅުމެއް ދެއްކި، ޒުވާން ފޯވާޑް، މުހައްމަދު އިލާން އިމްރާން، ގައުމީ ސީނިއާ ޓީމުގެ ޕްރެކްޓިހުގައި ބައިވެރިވާން ފަށައިފި އެވެ.

އިޓަލީގެ ކޯޗު ފްރެންޗެސްކޯ މޮރިއޭރޯގެ އިރުޝާދުގެ ދަށުން ކުޅެމުން އަންނަ ގައުމީ ޓީމުގެ ޕްރެކްޓިސްތައް ފަށާފައި މި ވަނީ އަންނަ މަހު ސިންގަޕޫރާއި މެލޭޝިއާއާ ދެކޮޅަށް ކުޅޭ އެކުވެރިކަމުގެ މެޗުތަކަށެވެ.

Advertisement

އުމުރުން 13 އަހަރުގެ އިލާން، ސީނިއާ ގައުމީ ޓީމުގެ ޕްރެކްޓިހުގައި އިއްޔެ ބައިވެރިވާން ފެށިއިރު، އޭނާ ވަނީ 14 އަހަރުން ދަށުގެ ލީގުގައި އަށް މެޗުން 35 ގޯލު ޖަަހައިފަ އެވެ. މިއީ ރާއްޖޭގެ ކްލަބް ފުޓްބޯޅައިގެ ޔޫތު މުބާރާތެއްގައި ލަނޑު ޖެހުމަށް ބަލާއިރު، އެންމެ ރަނގަޅު ރެކޯޑެވެ.

މީގެ ކުރިން އާލީޓަޗްފުޓްބޯލް އެެެކެޑަމީ (އީޓީއެފްއޭ)، ނިއު ރޭޑިއަންޓް ސްޕޯޓްސް ކްލަބް އެކެޑަމީ، ޓީސީ ސްޕޯޓްސް ކްލަބް އެކެޑަމީގައި ކުޅުމަށް ފަހު، މިހާރު ކްލަބް ވެލެންސިއާ ޔޫތު ޓީމަށް ކުޅެމުން އަންނަ އިިލާން ވަނީ މީގެ ކުރިން އުމުރުފުރާ ގައުމީ ޓީމުތަކަށް ކުޅެފައިވާ ކުޅުންތެރިއެކެވެ.

އާންމު ގޮތެއްގައި ސްޓްރައިކަރަކަށް ކުޅެމުން އަންނަ އިލާން ވަނީ އެފްއޭއެމް 12 އަހަރުން ދަށުގެ ޔޫތު ލީގުގައި އެޓޭކިން މިޑްފީލްޑަރަކަށް ކުޅުނު ނަމަވެސް އިލާން އަކީ "ސްޓްރައިކަރެއް" ކަމަށް އޭނާ "އަދަދު" އަށް ދިން އިންޓަވިއުއެއްގައި ވަނީ ބުނެފަ އެވެ.

ގައުމީ ފުޓްބޯޅަ ޓީމުގެ ޕްރެކްޓިހުގެ ތެރެއިން ކޯޗު މޮރިއޭރޯ (ކ) އާއި 13 އަހަރުގެ ފޯވާޑް އިލާން.-- ފޮޓޯ: އެފްއޭއެމް

އިލާން، އަށް ގައުމީ ސީނިއާ ޓީމާ އެކު ޕްރެކްޓިސްކުރަން ލިބުނު މި ފުރުސަތަކީ އެ އުމުރުގައި މީގެ ކުރިން ރާއްޖޭގެ ކުޅުންތެރިއަކަށް ލިބިފައިވާ ފުރުސަތެއް ނޫނެވެ.

އަންނަ މަހުގެ 14 ވަނަ ދުވަހު މެލޭޝިއާއާ ދެކޮޅަށާއި އަންނަ މަހު 17 ވަނަ ދުވަހު ސިންގަޕޫރާ ބައްދަލުކުރާ މެޗަށް ފަރިތަކުރުންތައް ފެށިއިރު، ސީނިއާ ގިނަ ކުޅުންތެރިންތަކެއް ޕްރެކްޓިހުން ނުފެނެ އެވެ. ސިންގަޕޫރާއި މެލޭޝިއާއާ ދެކޮޅަށް މީގެ ކުރިން ރާއްޖޭން ކުޅުނު ގިނަ މެޗުތަކަކުން ވަނީ ބަލިވެފަ އެވެ.

އެނގިފައިވާ ގޮތުގައި އޮފް ސީޒަނުގައި ކުޅޭ މެޗުތަކެއް ކަމަށްވެފައި، މި ދުވަސްވަރު ރަށްރަށުގެ މުބާރާތްތަކުގައި ގައުމީ ޓީމުގެ ގިނަ ކުޅުންތެރިންތަކެއް ކުޅޭއިރު، ގައުމީ ޓީމުގެ ޕްރެކްޓިހުގައި ބައެއް ކުޅުންތެރިން ބައިވެރިނުވެ އެވެ.

މީގެ އިތުރުން މިދިޔަ އަހަރުގެ އޮކްޓޫބަރު މަހު، މަޝްހޫރު ވިޔަފާރިވެރިޔާ މުހައްމަދު މޫސާ (އުއްޗު)ގެ ހާއްސަ ދައުވަތަކަށް ކުރެއްދޫ ރިސޯޓްގައި ގައުމީ ޓީމުން ކުޅުނު އަގުބޮޑު ފުޓްބޯޅަ މެޗުން ލިބެން ޖެހޭ އިނާމް ފައިސާ ނުދޭތީ ވެސް ގައުމީ ޓީމުގެ ކުޅުންތެރިންގެ ހިތްހަމަނުޖެހުންތަކެއް އެބަހުއްޓެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox