އަލިމަނިކަކީ ހަރުކަށި ފިކުރު މީހުންގެ ތެރޭގައި ހުކުމް ކަނޑައަޅާ ގާޒީއެއް: ސިއްރު ހެކި

އަލިމަނިކު: އޭނާއަކީ އައިއެސް ދައުލަތުގެ ގާޒީއެއް ގޮތުގައި ހަރަކާތްތެރިވި މީހެއް ކަމަށް ހެކިން ބުނޭ -- ފޮޓޯ: އަދަދު ފައިލް

އަލިމަނިކު: އޭނާއަކީ އައިއެސް ދައުލަތުގެ ގާޒީއެއް ގޮތުގައި ހަރަކާތްތެރިވި މީހެއް ކަމަށް ހެކިން ބުނޭ -- ފޮޓޯ: އަދަދު ފައިލް

އިސްލާމް ދީނުގެ ނަމުގައި ޓެރަރިޒަމަށް ހިތްވަރުދެވޭ ގޮތަށް ހަރުކަށި ފިކުރު ފަތުރަމުންދާ ކަމަށް ތުހުމަތު ކުރެވޭ އަބްދުﷲ އަލިމަނިކަކީ އެފަދަ ފިކުރު ގަބޫލުކުރާ ދިވެހިންގެ މެދުގައި އުފެދޭ މައްސަލަތަކުގައި ގާޒީއެއް ގޮތުގައި ވެސް މަސައްކަތް ކުރި މީހެއް ކަމަށް ސިއްރު ހެކިވެރިއަކު ޝަރީއަތުގައި މަޖިލީހުގައި މިއަދު ބުނެފި އެވެ.

ހއ. މޮޅަދޫ ބަހާރުގޭ، އަބްދުﷲ އަލިމަނިކު އެންމެ ފަހުން ހައްޔަރު ކުރީ ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން މިދިޔަ އަހަރުގެ މެއި 6، ގައި ދިން ބޮމުގެ ހަމަލާގައި ބައިވެރިވި ކަމުގެ ތުހުމަތުގަ އެވެ.

އެހެން ނަމަވެސް މިހާތަނަށް އޭނާގެ މައްޗަށް އުފުލީ ޓެރަރިޒަމް ޖަމާއަތަކަށް ތާއީދު ކުރުމުގެ ކުށުގެ ދައުވާ އެވެ. އެ ދައުވާއަށް އޭނާ އިންކާރު ކުރުމުން، ކްރިމިނަލް ކޯޓުގައި ހިންގާ ޝަރީއަތުގައި މިހާރު ކުރިއަށް ދަނީ ދައުވާ ސާބިތު ކުރުމަށް ދައުލަތުން ހުށަހަޅާފައިވާ ހެކިންގެ ހެކިބަސް ނެގުމެވެ.

އެގޮތުން މިއަދު ކޯޓުގައި ނެގީ ދައުލަތުން ހުށަހަޅާފައިވާ ސިއްރު ދެ ހެކިވެރިއެއްގެ ހެކިބަހެވެ. ހެކިވެރިޔާއާ ވާހަކަ ދެއްކީ އޭނާ އެހެން މާލަމެއްގައި ބަހައްޓައިގެން، ޓެކްނޮލޮޖީ މެދުވެރިކޮށް ކާކުކަން ނޭނގޭ ގޮތަށް ހެކިވެރިޔާގެ އަޑު ބަދަލުކޮށްގެންނެވެ.

ފުރަތަމަ ހެކިވެރިޔާ ކިޔައިދިން ގޮތުގައި އޭނާއަށް އަލިމަނިކު ދިމާވީ 2019 ވަނަ އަހަރުގެ ތެރޭގައި އަލިމަނިކު ނަގައިދިން ކްލާހަކަށް ހާޒިރުވުމުން އެ ކްލާސް ތެރެއިންނެވެ. "ތައުހީދު ކްލާސް" ނަމުގައި ހިނގަމުން ދިޔަ އެ ކްލާސްތައް މެދުވެރިކޮށް ދިވެހި ދައުލަތަކީ ކުފުރުގެ ދައުލަތެއް ކަމާއި އެ ދައުލަތް ގަބޫލު ކުރާ މީހުންގެ ލޭ ހުއްދަވާނެ ކަން އަލިމަނިކާއި ކްލާހުގެ ބައިވެރިން ކިޔައިދެމުން ދިޔަ ކަމަށް ހެކިވެރިޔާ ބުންޏެވެ.

ހަރުކަށި ފިކުރު ގަބޫލުކުރާ ދިވެހިންގެ ތެރޭގައި އުފެދޭ ހިޔާލުތަފާތުވުންތަކާއި އެއިން ބައެއް މީހުންނަށް ކުރެވޭ ތުހުމަތުތަކުގެ މައްސަލަތައް ބަލާ "ގާޒީންގެ" ގޮތުގައި ކަނޑައަޅާ މީހުންގެ ތެރޭގައި އަލިމަނިކު ހިމެނޭ ކަމަށް އޭނާ ބުންޏެވެ.

"ހަރުކަށި ފިކުރުގެ މީހުންގެ ތެރޭގައި އުފެދޭ ކޮންފްލިކްޓްތައް، މައްސަލަތައް ހައްލުކުރަން ގާޒީއެއްގެ ގޮތުގައި ވެސް އަލިމަނިކު އިސްކޮށްފައި އެބަ ހުރި،" އެ ހެކިވެރިޔާ ބުންޏެވެ.

މިސާލެއް ކިޔައިދެމުން އޭނާ ބުނީ ޓެރަރިޒަމްގެ ދައުވާތަކެއް އުފުލައިގެން މިވަގުތު އެމީހެއްގެ މައްޗަށް ޓެރަރިޒަމްގެ ޝަރީއަތް ހިނގަމުންދާ މީހެއްގެ މައްޗަށް ހިޔާނާތުގެ ތުހުމަތެއް ކުރެވުމުން އެ މައްސަލަ ގާޒީއަކަށް ހުރެ އަލިމަނިކު ބެލި ކަމަށެވެ. އެއީ ސީރިއާގައި ތިބި ދިވެހިންނަށް ފޮނުވަން ހުރި ފައިސާއަށް ހިޔާނާތްތެރިވި ކަމަށް ތުހުމަތު ކުރެވޭ މައްސަލައެއް ކަމަށް ހެކިވެރިޔާ ބުންޏެވެ.

"..އައްމަޑޭ ކިޔައި މީހަކު އެ ފަހަރު އަލިމަނިކުގެ ނަން ހުށަހެޅީ. [ތުހުމަތު ކުރެވޭ މީހާ] ވެސް އަލިމަނިކު ހުންނަން އިއުތިރާޒެއް ނުކުރޭ. އެ ކަމަށް ހާޒިރުކުރަން އުޅުނު ދެ ހެކިން ހާޒިރުނުވުމުން އަލިމަނިކު ނިންމީ ހެއްކެއް ނެތީމަ [ތުހުމަތު ކުރެވޭ މީހާގެ] މައްޗަށް އެ ކަން ސާބިތުނުވާކަން،" ހެކިވެރިޔާ އިތުރަށް ކިޔައިދިނެވެ.

އަލިމަނިކަކާއި ތަސްލީމަށް ކުރާ ތުހުމަތުތައް

މީގެ ކުރިން، އަލި މަނިކާއި ތަސްލީމުގެ އިންޓެލިޖެންސް ރިޕޯޓް ތައްޔާރުކުރި އޮފިސަރުންގެ ހެކިބަސް ވަނީ ޝަރީއަތުގައި ނަގައިފަ އެވެ.

އެ ގޮތުން، ތަސްލީމަކީ އައިއީޑީ ތައްޔާރު ކުރުމުގެ މާހިރެއް ކަމަށާއި ނަޝީދަށް ހަމަލާ ދޭން ގޮއްވާލި އައިއީޑީ ތައްޔާރުކުރަން އޭނާގެ "އެކްސްޕާޓް އޮޕީނިއަން" ހޯދި ކަމަށް ތަސްލީމާ ގުޅޭ ގޮތުން އިންޓެލިޖެންސް ރިޕޯޓް ތައްޔާރު ކުރި ފުލުސް އޮފިސަރު ހެކިބަސް ދީފައިވެ އެވެ.

މީގެ ކުރިން 2020 ވަނަ އަހަރުގެ ކުރީކޮޅު ހުޅުމާލޭގައި ތިން ފަތުރުވެރިޔަކަށް ދިން ހަމަލާގެ ފަހަތުގައި ހުރީ އަބްދުﷲ އަލިމަނިކު ކަމަށާއި، އޭނާ އެ ކަން ކުރީ އޭނާގެ ދަރިން ދައުލަތަށް ނެގުމުން އެ ކަމުގެ ބަދަލު ހިފުމެއްގެ ގޮތުގައި އޭނާގެ މައްޗަށް ރިޕޯޓް ތައްޔާރު ކުރި އޮފިސަރު ހެކިބަސް ދީފައިވެ އެވެ.

ހަމަލާގެ ތުހުމަތާ ގުޅިގެން އަލި މަނިކު ހައްޔަރުކުރީ މެއި 18، 2021 ގައި ފުލުހުން ހިންގި އޮޕަރޭޝަނެއްގަ އެވެ. އޭނާއަކީ 2007 ވަނަ އަހަރު އއ. ހިމަންދޫގައި ފުލުހުންނާ ސިފައިންނާ ހަރުކަށި ފިކުރަށް ނިސްބަތްވާ ބަޔަކާ ހިނގައިދިޔަ ކުރިމަތިލުންތަކެއްގައި އިސްކޮށް އުޅުނު މީހެކެވެ. އަލިމަނިކު އެ މައްސަލައިގަ ޖަލު ހުކުމް ތަންފީޒު ކުރަމުން ދަނިކޮށް ޖަލުން ވެސް ފިލާފައިވެ އެވެ.

ތަސްލީމަކީ ވެސް ހަރުކަށި ފިކުރު ފެތުރުމުގެ ތުހުމަތު ކުރެވިފައި އޮތް މީހެކެވެ. އަދި، މއ. އެނބޫގޭގެ އެޕާޓްމަންޓެެއްގައި އެޓިކް އިންޓަނޭޝަނަލް ޕްރައިވެޓް ލިމިޓެޑް ކިޔާ ކުންފުންޏަކުން ހިންގަމުން ގެންދިޔަ އޮފީސް ތެރޭގައި އައިއީޑީއެއް ހެދުމުގައި އަމަލީ ގޮތުން ހަރަކާތްތެރިވަނިކޮށް އޭނާ ކުރިން ހައްޔަރުކުރި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox