އެމްޑީޕީގެ ވިޕްލައިންތަކާ ދެކޮޅަށް ވޯޓުލާން ނަޝީދާއެކު 18 މެންބަރަކު އެއްބަސްވެއްޖެ

ނަޝީދާއި އީވާ: ދެ ބޭފުޅުންނާއެކު 13 މެންބަރަކު ވަނީ ވިޕްލައިންތަކާ ހިލާފުވާން ނިންމާފައި

ނަޝީދާއި އީވާ: ދެ ބޭފުޅުންނާއެކު 13 މެންބަރަކު ވަނީ ވިޕްލައިންތަކާ ހިލާފުވާން ނިންމާފައި

އެމްޑީޕީ ޕާލިމެންޓްރީ ގްރޫޕުން ނެރޭ ވިޕްލައިންތަކާ ހިތްހަމަނުޖެހޭކަން ފާޅުކުރައްވައި, އެމްޑީޕީގެ ރައީސް މުހައްމަދު ނަޝީދަށް ތާއިދު ކުރައްވާ މެންބަރުން އެ ވިޕްލައިންތަކާ ހިލާފަށް އަމަލު ކުރައްވާނެކަން މިއަދު އިއުލާން ކުރައްވައިފި އެވެ.

އެމްޑީޕީގެ މަޖިލިސް މެންބަރުން ތިއްބަވާ ވަޓްސްއެޕް ގުރޫޕަށް މިއަދު ނަޝީދު ފޮނުއްވި މެސެޖެއްގައި އެންގެވީ, ޕާލިމެންޓްރީ ގްރޫޕުން ކަންކަން ނިންމަމުންދާ ގޮތާއި, ކޮންމެ ފަހަރަކު ވިޕްލައިންއާ އެއްގޮތަށް ވޯޓުލާން ބޭނުން ނުވާ މެންބަރުން ނަން ނޯޓްކުރުމަށެވެ.

"...އާންމު މެންބަރުންނަށް ސާފުވާނެ އަޅުގަނޑުމެން އެގޮތަށް ވޯޓުލާ ސަބަބު, އަޅުގަނޑު އުއްމީދުކުރަނީ އާންމު މެންބަރުން އަޅުގަނޑުމެން ޕާޓީން ވަކި ނުކުރާނެ ކަމަށް," ނަޝީދުގެ މެސެޖްގައިވެ އެވެ.

ނަޝީދު އެންގެވި ގޮތަށް 18 މެންބަރަކު ވަނީ ނަން ނޯޓް ކުރައްވާފަ އެވެ. އެއީ, މަޖިލީހުގެ ނައިބު ރައީސް އީވާ އަބްދުالله, މެންބަރު އިމްތިޔާޒު ފަހުމީ, މެންބަރު ހަސަން ލަތީފް, މެންބަރު ހަސަން އަފީފް, މެންބަރު އަލީ އާޒިމް, މެންބަރު އިލްޔާސް ލަބީބް, މެންބަރު ހަސަން ޝިޔާން, މެންބަރު މުހައްމަދު ޝަފީގު, މެންބަރު މުހައްމަދު ވަހީދު, މެންބަރު މުހައްމަދު ރަޝީދު, މެންބަރު އިބްރާހިމް ރަޝީދު, މެންބަރު މޫސާ ސިރާޖު, މެންބަރު އިބްރާހިމް މުއިއްޒު އަދި މެންބަރު އަހުމަދު ހަލީމް, މެންބަރު އަހުމަދު ޒާހިރު, މެންބަރު ފިރުޝާން ހުސެއިން, މެންބަރު މީކާއިލް ނަސީމް އަދި މެންބަރު އަބްދުالله ޝަހީމެވެ.

މި ހުރިހާ މެންބަރުންނަކީ ވެސް ނަޝީދު ފަޅީގައި ތިއްބެވި މެންބަރުންނެވެ. މިފަހުން ބޭއްވި އެމްޑީޕީ ޕާލިމެންޓްރީ ގްރޫޕްގެ އިންތިހާބުގައި އިސް މަގާމުތަކަށް ވަޑައިގެންފައިވަނީ ރައީސް އިބްރާހިމް މުހައްމަދު ސޯލިހްގެ ފެކްޝަންގެ ބޭފުޅުންނެވެ. އެގޮތުން, ގްރޫޕްގެ ލީޑަރަކީ މުހައްމަދު އަސްލަމެވެ. އަދި ނައިބުންނަކީ މުހައްމަދު ރަޝީދު ހުސެއިން އަދި ހުސައިން ޝަހީމެވެ.

ޕާލިމެންޓްރީ ގުރޫޕުން ނެރޭ ވިޕްލައިންތަކާ ހިލާފަށް އެ ޕާޓީއެއްގެ މަޖިލިސް މެންބަރަކު ވޯޓުލައިފިނަމަ, އެއީ ޕާޓީން ވަކި ކުރެވިދާނެ ހާލަތެކެވެ. މިފަހުން އެމްޑީޕީގެ ޕާލިމެންޓްރީ ގުރޫޕުން ގިނަ ކަންތައްތައް ނިންމާފައިވަނީ ވިޕްލައިން ނެރެގެންނެވެ.

އެގޮތުން, ހައިކޯޓުގެ ފަނޑިޔާރުން ވަކިކުރުމުގެ މައްސަލަ, މާފަންނު އުތުރު ދާއިރާގެ މެންބަރު އިމްތިޔާޒު ފަހުމީ ޗެއާ ކުރައްވާ ޖުޑިޝަރީ ކޮމިޓީން އަނބުރާ ފޮނުވާލަން ނިންމާފައިވަނިކޮށް ޕާލިމެންޓްރީ ގްރޫޕުން ވަނީ ތަޅުމުން ފަނޑިޔާރުން ވަކިކުރުމަށް ވޯޓު ދޭން ވިޕްލައިން ނެރެފަ އެވެ.

އޭގެފަހުން ކީރިތި ރަސޫލާއަށް އިންޑިއާގެ ބީޖޭޕީގެ މެންބަރަކު ފުރައްސާރަކުރި މައްސަލަ ކުށްވެރިކުރަން އިދިކޮޅުން ހުށަހެޅި ގަރާރު ބޭރުކޮށްލަން ވެސް އެމްޑީޕީން ވިޕްލައިން ނެރުނެވެ. މި ދެ ވިޕްލައިންއާ ގުޅިގެން އެމްޑީޕީގެ ތެރޭގައި ވަރަށް ބޮޑަށް ހިތްހަމަނުޖެހުންތައް އޮތެވެ. ހާއްސަކޮށް އެކަމާ ދެކޮޅަށް ނަޝީދަށް ތާއިދު ކުރައްވާ މެންބަރުން އަޑު އުފުއްލެވި އެވެ.

މީގެއިތުރުން ޕާލިމެންޓްރީ ގްރޫޕްގެ ނިންމުންތަކާމެދު ނަޝީދުގެ ނުރުހުން ހާމަކުރެއްވިއިރު, މިއަދު ބޭއްވި އެ ގްރޫޕްގެ ބައްދަލުވުމުގައި ޕްރޮސިކިއުޓާ ޖެނަރަލް މަގާމުން ހުސެއިން ޝަމީމް ވަކިކުރުމަށް ހުށަހަޅަން ވެސް ވަނީ ފާސްކޮށްފަ އެވެ. އެގޮތަށް ފާސްކުރީ ބައްދަލުވުމުގައި ބައިވެރިވި 21 މެންބަރުންގެ ތެރެއިން 17 މެންބަރުންގެ ވޯޓުންނެވެ.

"މިހާރު ވިޕް އޮންނަނީ މާ ވަރުގަދަ ބައެއްގެ އަތުގައި، ސަރުކާރު އަތުގައި ވިޕް އޮންނަނީ، ރައްޔިތުންގެ މަޖިލީހާއި ސަރުކާރާއި ބާރުތައް ވަކިކުރެވިފައި ވަނީ އެހެންނަމަވެސް ރައްޔިތުންގެ މަޖިލީހާއި ސަރުކާރުގެ ބާރުތައް އެއްވެފަ މި އޮތީ، ސަރުކާރުން އަންގާ ގޮތަކަށް ވިޕް ނެރެނީ،" މާފަންނު މެދު ދާއިރާގެ މެމްބަރު އިބްރާހިމް ރަޝީދު ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox