ޓެރަރިޒަމާ ގުޅޭ މީހުނާ ބައްދަލުވާ ކަމަށް ބެލެވި، މުނީޒު އަނެއްކާ ވެސް ބަންދަށް!

ޓެރަރިޒަމާ ގުޅޭ މީހުނާ ބައްދަލުވާ ކަމަށް ބެލެވި، މުނީޒު އަނެއްކާ ވެސް ބަންދަށް!

ތ. ތިމަރަފުށީ ސްކޫލް ގޮއްވާލަން އުޅޭ ކަމުގެ ތުހުމަތުގައި ހައްޔަރު ކުރި ތ. ތިމަރަފުށި، ކެނެރީގެ، އަލީ މުނީޒު ބޭސްފަރުވާއަށް ބަންދުން ދޫކޮށްލި މުއްދަތުގައި، ޓެރަރިޒަމްގެ ކުށްތަކަށް ތުހުމަތު ކުރެވޭ މީހުނާ ބައްދަލު ކުރަމުންދާ ކަމަށް ބެލެވިގެން އޭނާ އަނެއްކާ ވެސް ބަންދު ކުރަން ކްރިމިނަލް ކޯޓުން ނިންމައިފި އެވެ.

މިދިޔަ އަހަރުގެ ޑިސެމްބަރު މަހުން ފެށިގެން ބޭސްކުރުމަށް މާލޭގައި ރަށު ބަންދެއް ގޮތުގައި ހުންނަން ބަންދަށް ލުއިދީފައިވަނިކޮށް، ދައުލަތުން އޭނާގެ ބަންދު މުރާޖައާ ކޮށްދޭން ހުށަހެޅި ފޯމުގައި ވެސް މައިގަނޑު ކަންބޮޑުވުމަކީ ޝަރުތުތަކާ ހިލާފު ވުމެވެ.

ކްރިމިނަލް ކޯޓުގައި މިއަދު ބޭއްވި އަޑުއެހުމުގައި ދައުލަތުގެ ވަކީލު ވިދާޅުވި ގޮތުގައި، ޓެރަރިޒަމްގެ ކުށުގެ ތުހުމަތުވާ މީހުންނާ ބައްދަލު ނުކުރުން ޝަރުތުކޮށްފައި އޮތް އިރު އެފަދަ ބައެއް މީހުންނާ ބައްދަލު ކުރަމުންދާ ކަމުގެ މައުލޫމާތު ލިބިފައިވާ ކަމުގަ އެވެ.

މީގެ އިތުރުން، ގެއިން ބޭރަށް ނުކުންނަން ވަކި ވަގުތުތަކެއް ޝަރީއަތުން ދީފައި އޮތް ނަމަވެސް އެ ވަގުތުތަކުގެ އިތުރަށް ވެސް އޭނާ ގެއިން ބޭރަށް ނުކުމެ އުޅޭ ކަމުގެ މައުލޫމާތު ވެސް ލިބިފައިވާ ކަމަށް ދައުލަތުގެ ވަކީލުން ވިދާޅުވި އެވެ.

މާ ގިނައިން ގެއިން ބޭރަށް ނުކުމެ އެހާ ހަރަކާތްތެރިކޮށް އުޅޭތީ، އެކަމުން އިތުރަށް ހާމަކޮށްދޭ ކަމަކީ އޭނާ ބަންދުން ދޫކޮށްލާފައި ބަހައްޓަން ޖެހޭ ވަރުގެ ސިއްހީ މައްސަލައެއް ނެތް ކަން ކަމަށް ދައުލަތުން ބުންޏެވެ. ބޭސްފަރުވާއަށް ދޫކޮށްލަން ވާނީ ފުރާނައަށް ގެއްލުންވާ ވަރުގެ ކަމެއް އޮތުމުން ކަމަށް ގާނޫނުގައި އޮވެ އެވެ.

ދައުލަތުން ދެއްކި ވާހަތައް މުނީޒު ދޮގު ކުރި އެވެ. މިއަދުގެ އަޑުއެހުމުގައި އޭނާ ބުނީ ޝަރީއަތުން ބުނެފައިވާ ގަޑި ނޫން ގަޑިތަކުގައި ބޭރަށް ދިޔަސް ދަނީ ކަރެކްޝަންސްގެ ހުއްދަ ހޯދައިގެން ބޭސްފަރުވާގެ ކަންކަމަށް އެކަނި ކަމަށެވެ.

އަދި ޓެރަރިޒަމްގެ ކުށްތަކުގެ ތުހުމަތު ކުރެވޭ މީހުންނާ ބައްދަލު ކުރާ ކަމަށް ދައުލަތުން ދެއްކި ވާހަކައަކީ އެއްވެސް ހަގީގަތެއް ހިމެނޭ ވާހަކައެއް ނޫން ކަމަށް އޭނާ ބުންޏެވެ.

ދެ ފަރާތުން ދެއްކި ވާހަކަތަކަށް ރިއާޔަތް ކުރުމަށް ފަހު، މައްސަލަ ބައްލަވާ ގާޒީ އަލީ ނަދީމް ވިދާޅުވީ ފުރާނައަށް ނުރައްކާވާ ވަރަށް ސިއްހީ ހާލަތު މިހާރު ގޯސް ނޫން ކަން އެނގޭތީއާއި ޝަރުތުތަކާ ހިލާފު ވަމުންދާ ކަމަށް ބެލެވެމުންދާތީ، ޝަރީއަތް ނިމެންދެން މުނީޒު ބަންދު ކުރަން ނިންމާ ކަމަށެވެ.

މުނީޒް ބަންދުން ދޫކޮށްލިއިރު ކުރި ޝަރުތުތައް:

  • ބަންދުން ދޫކޮށްލާފައި ހުންނައިރު ގާނޫނަކާ ހިލާފު އަމަލެއް ނުވަތަ އިތުރު ކުށެއް ނުކުރުން
  • ކޯޓަށް ހާޒިރުވާން ޖެހޭ ގަޑިއަށް ކޯޓަށް ހާޒިރުވުން
  • އިރުއޮއްސި 6:00 އިން ފެށިގެން ހެނދުނު 6:00 އާ ދެމެދު ގެއިން ބޭރަށް ނުނިކުތުން
  • ކޮންމެ ދުވަހަކު ހެނދުނު 08:00 އާއި 12:00 އާ ދެމެދުގެ ވަގުތެއްގައި އެންމެ ކައިރީ ޕޮލިސް ސްޓޭޝަނަކަށް ހާޒިރުވެ ސޮއިކުރުން.
  • މާލެއިން ބޭރަށް ނުދިއުން.
  • ޓެރަރިޒަމްގެ ކުށްތަކުގައި ތުހުމަތުކުރެވޭ މީހުންނާ މުއާމަލާތު ނުކުރުން.
  • މައްސަލައިގައި ހެކިބަސްދޭނެ ކަމަށް ގަބޫލުކުރެވޭ އެންމެހާ މީހުންނާ މުއާމަލާތު ނުކުރުން
  • މުނީޒަށް ދިމާވެފައިވާ ސިއްހީ މައްސަލަތަކަށް ފަރުވާ ހޯދަމުން ދިއުމާއި، ފަރުވާ ހޯދަމުންދާކަމުގެ ލިޔުންތައް ކޮންމެ 15 ދުވަހަކުން ކޯޓަށާއި ޕީޖީއަށް ހިއްސާކުރުން.

ތިމަރަފުށި ސްކޫލް ގޮއްވާލަން އުޅޭ ކަމުގެ އިންޓެލް މައުލޫމާތު ލިބިގެން މިދިޔަ ނޮވެމްބަރު 11، 2020 ގައި ފުލުހުން ހިންގި ހާއްސަ އޮޕަރޭޝަނެއްގައި މުނީޒުގެ އިތުރަށް އަށް މީހަކު ހައްޔަރު ކުރި އެވެ. އެއިން ކޮންމެ މީހަކަށް ވެސް ތުހުމަތު ކުރެވޭ އަމަލަކާ ގުޅޭ ދައުވާތަކެއް އުފުލާފައިވެ އެވެ.

މަދުރަސާ ގޮއްވާލަން އުޅުނު ކަމަށް ބެލެވޭ މީހުންގެ މައްޗަށް ކުރާ ދައުވާތައް:

1. ތިމަރަފުށި، ފެހިވިދުވަރުގެ، އަބްދުﷲ ޝަރީފް

  • ޓެރަރިޒަމްގެ އަމަލެއް ކުރުމަށް ރޭވުން.
  • ޓެރަރިސްޓް ޖަމާޢަތަކަށް ތާއީދުކުރާ މީހެއްކަމަށް ދޭހަވާފަދަ ލިޔުމެއް ގެންގުޅުން.
  • ޓެރަރިސްޓް ޖަމާޢަތެއްގެ މެންބަރަކަށްވުން.

2. ތ. ތިމަރަފުށި، އަސްރަފީވިލާ، އަހްސަން މުހައްމަދު

  • ޓެރަރިޒަމްގެ އަމަލެއް ކުރުމަށް ރޭވުން.
  • ޓެރަރިސްޓް ޖަމާޢަތަކަށް ތާއީދުކުރާ މީހެއްކަމަށް ދޭހަވާފަދަ ލިޔުމެއް ގެންގުޅުން.

3. ރ. ކަނދޮޅުދޫ، ފެހިވިލާ، ޢަލީ އަރުހަމް މުހައްމަދު

  • ޓެރަރިޒަމްގެ އަމަލެއް ކުރުމަށް ރޭވުން.
  • ޓެރަރިސްޓް ޖަމާއަތަކަށް ތާއީދުކުރާ މީހެއްކަމަށް ދޭހަވާފަދަ ލިޔުމެއް ގެންގުޅުން.
  • ހަނގުރާމައަށް ދާން އުޅުން.

4. ރ. މަޑުއްވަރި، ބީޗްހައުސް، އަބްދުﷲ އިމާދު

  • ޓެރަރިޒަމްގެ އަމަލެއް ކުރުމަށް ރޭވުން
  • ޓެރަރިސްޓް ޖަމާޢަތަކަށް ތާއީދުކުރާ މީހެއްކަމަށް ދޭހަވާފަދަ ލިޔުމެއް ގެންގުޅުން
  • އަދުލުއިންސާފު ގާއިމުކުރުމަށް ހުރަސްއެޅުން
  • އޮރިޔާންކާޑު ގެންގުޅުން

5. ނ. ކުޑަފަރި، ރޯޒްމީޑު، އިބްރާހިމް ލޫތު

  • ޓެރަރިޒަމްގެ އަމަލެއް ކުރުމަށް ރޭވުން.
  • އަދުލުއިންސާފު ގާއިމުކުރުމަށް ހުރަސްއެޅުން.

6. ތ. ތިމަރަފުށި، ސައިމާ، ޝަމާހު ޝަރީފް

  • ޓެރަރިޒަމްގެ އަމަލެއް ކުރުމަށް ރޭވުން.
  • ޓެރަރިސްޓް ޖަމާޢަތަކަށް ތާއީދުކުރާ މީހެއްކަމަށް ދޭހަވާފަދަ ލިޔުމެއް ގެންގުޅުން.

7. ތ. ތިމަރަފުށި، ކެނެރީގެ، އަލީ މުނީޒު

  • ޓެރަރިޒަމްގެ އަމަލެއް ކުރުމަށް ހިތްވަރު ދިނުން.
  • ޓެރަރިޒަމްގެ އަމަލެއް ކުރުމަށް ބޭނުންވާ އުކުޅުތައް ދަސްކުރުން.
  • ޓެރަރިސްޓް ޖަމާއަތަކަށް ތާއީދުކުރާ މީހެއްކަމަށް ދޭހަވާފަދަ ލިޔުމެއް ގެންގުޅުން.

8. ތ. ތިމަރަފުށި، އަސުރުމާގެ، މުހައްމަދު އާސިރު

  • ޓެރަރިޒަމްގެ ޢަމަލެއް ކުރުމަށް ހިތްވަރު ދިނުން.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox