ހަތަރު ގޯލުގެ ލީޑެއްގައި އޮތް ރާއްޖެއާ ލަންކާ އިން އެއްވަރުކޮށްފި

ހަތަރު ގޯލު ޖެހި ލަންކާގެ ވަސީމް (ވ) އަތުން ބޯޅަ ހޯދަން ރާއްޖޭގެ ހައިޝަމް މަސައްކަތްކުރަނީ.-- ފޮޓޯ: ލަންކާ ފުޓްބޯޅަ ފެޑެރޭޝަން

ހަތަރު ގޯލު ޖެހި ލަންކާގެ ވަސީމް (ވ) އަތުން ބޯޅަ ހޯދަން ރާއްޖޭގެ ހައިޝަމް މަސައްކަތްކުރަނީ.-- ފޮޓޯ: ލަންކާ ފުޓްބޯޅަ ފެޑެރޭޝަން

ސްރީ ލަންކާގައި މިއަދު ފެށި މަހިންދަ ރާޖަޕަކްސަ ފޯ ނޭޝަންސް ފުޓްބޯޅަ މުބާރާތުގައި ކުޅުނު ފުރަތަމަ މެޗުގައި ރާއްޖެ އިން ހަތަރު ގޯލުގެ ލީޑެއް ނަގާފައިވަނިކޮށް ފަހަތުން އަރައި 4-4 އިން ލަންކާ މެޗު އެއްވަރުކޮށްފި އެވެ.

ގައުމީ ޓީމާ ހަވާލުވި އާ ކޯޗު އިޓަލީގެ ފްރެންޗެސްކޯ މޮރިއޭރޯގެ ކޯޗުކަމުގައި ރާއްޖޭން ކުޅުނު ފުރަމަ މެޗުގައި ރާއްޖޭން ބޮޑު ލީޑެއްނެގިއިރު، އެ ލީޑު ހިފަހައްޓާނުލެވުނެވެ. މިދިޔަ މަހު މާލޭގައި ކުޅުނު އުރީދޫ ސާފް ޗެމްޕިއަންޝިޕްގައި ރާއްޖޭން ލަންކާ ބަލިކުރީ 1-0 އިންނެވެ..

މި މެޗަށް ރާއްޖޭން ނެރުނު ފުރަތަމަ އެގާރައިގައި ވަނީ ޒުވާން ކީޕަރު ނާޖިހު އަލީ (ނާޖީ) ހިމަނައިފަ އެވެ. މިއީ ގައުމީ ޖޯޒީގައި އޭނާގެ ފުރަތަމަ ރަސްމީ މެޗެވެ. މީގެ ކުރިން ކުޅުނު ހަމައެކަނި މެޗަކީ ގަަތަރު ކޭމްޕްގައި ކުޅުނު އެކުވެރިކަމުގެ މެޗެކެވެ. އެ މެޗުގައި އޭނާ ކުޅުނީ ބަދަލު ކުޅުންތެރިއެއްގެ ގޮތުގަ އެވެ. ފޯ ނޭޝަންސް ކަޕްގައި އަނިޔާގެ ސަބަބުން ރާއްޖޭގެ އެއް ވަނަ ކީޕަރު މުހައްމަދު ފައިސަލް ނުކުޅެ އެވެ.

Advertisement

ސާފް ޗެމްޕިއަންޝިޕްގެ އެއްވެސް މެޗެއްގައި ރާއްޖޭގެ ފުރަތަމަ އެގާރައިގައި މުހައްމަދު އުމެއިރަށް ފުރުސަތު ނުލިބެ އެވެ. އެކަމަކު، މި މެޗުގައި އޭނާ އަށް ވަނީ ފުރަތަމަ އެގާރައިން ފުރުސަތު ދީފަ އެވެ.

ކޮލަމްބޯ ރޭސްކޯސް ސްޓޭޑިއަމްގައި މިއަދު ކުޅުނު މެޗު ފަށައިގެން ފުރަތަމަ ނުވަ މިނިޓް ތެރޭ ރާއްޖޭން ދެ ގޯލުގެ ލީޑެއް ނެގި އެވެ. ފުރަތަމަ ގޯލު އަށް ވަނަ މިނިޓްގައި ޖެހީ ކެޕްޓަން އަކުރަމް އަބްދުލް ގަނީ (އަކޫ) އެވެ. އުމެއިރު އޯވަހެޑް ކިކަކުން ޖެހި ބޯޅައެއް ލަންކާ ކީޕަރު ސުޖަން ޕެރޭރާ ކޯނަރަކަށް ލިބުނު ކޯނަރަކުން، އެ ކޯނަރުގައި ދަގަނޑޭ ތަނަަވަސްކޮށްދިން ފުރުސަތެއްގައި އަކޫ މި ގޯލު ޖެހީ ބޮލުން ގޯލުގެ ކައިރީ ކަނަށް އަމާޒުކޮށްލައިގެންނެވެ.

އޭގެ މިނިޓެއް ފަހުން ލަންކާގެ ޑިފެންސްގެ ތެރެއިން ހުސްވި ޖާގައެއްގެ ތެރެއިން ލިބުނު ބޯޅައަކުން އަލީ ފާސިރު (ސެންޓޭ) ވަނީ ރާއްޖޭގެ ލީޑުފުޅާކޮށްފަ އެވެ. ސެންޓޭ ބޯޅަ ފޮނުވާލި ތިރިތިރިން ގޯލުގެ ކަނަށެވެ.

ލަންކާ އިން މެޗުގެ ތެރެއަށް މަޑުމަޑުން ވަދެ ތިން އެޓޭކެއް ކުރި އެވެ. ލަންކާގެ ޗަމޯދު ދިލްޝާން ބޮލުން ޖެހި ބޯޅަ އަރިމަތިން ބޭރުން ދިޔައިރު، އެ ޓީމުގެ ފޯވާޑް ޑިލޮން ޑި ސިލްވާ ޖެހި އެއް ބޯޅަ ބޭރަށް ދިޔަިއިރު، އަނެއް ހަމަލާ ކީޕަރު ނާޖީ ވަނީ މަތަކޮށްފަ އެވެ.

މެޗުގެ 34 ވަނަ މިނިޓްގައި ދަގަނޑޭ ހުސްކޮށްލާފައި ދިން ބޯޅައަކުން ފޭދޫ އިއްބެ ވަނީ ރާއްޖޭގެ ތިން ވަނަ ގޯލު ޖަހައިފަ އެވެ. އަރިމަތިން ލަންކާގެ ދެ ޑިފެންޑަރުން ކައިރިން ނައްޓާފައި އޭރިއާތެރެއިން ފޭދޫ އިއްބެ ފޮނުވާލި ބޯޅަ ވަނީ ގޯލުގެ ކައިރީ ކަނަށެވެ. ފުރަތަމަ ހާފު ނިމުމުގެ ކުރިން ރާއްޖެ އަށް ހަތަރު ވަނަ ގޯލެއް ޖަހައިދޭން ދަގަނޑޭ ފޮނުވާލި ބޯޅަ ދިޔައީ އަރިމަތިން ބޭރުންނެވެ.

ދެ ވަނަ ހާފްގެ ކުޅުން ފެށިގެން މެޗުގެ 57 ވަނަ މިނިޓްގައި ދަގަނޑޭ ވަނީ ރާއްޖެ އަށް ހަތަރު ވަނަ ގޯލެއް ޖަހައިދީފަ އެވެ. އޭރިއާތެރެއިން ލިބުނު ފުރުސަތަކުން ދަގަނޑޭ ވަނީ ތިރިތިރިން ގޯލުގެ ތިރީ ކަނަށް ބޯޅަ އަމާޒުކޮށްލައިފަ އެވެ. މިއީ ލަންކާއާ ދެކޮޅަށް ދަގަނޑޭ ކުޅުނު ފަސް މެޗުގެ ތެރެއިން ޖެހި ނުވަ ވަނަ ގޯލެވެ.

އެކަމަކު، އޭގެ ފަހުން މަންޒަރު އެއްކޮށް ބަދަލުވީ ރާއްޖޭގެ ފަހަތުން ހުސްވި ޖާގަތަކުގެ ބޭނުންހިފައި ލަންކާ އިން ފުލުފުލުގައި ތިން ގޯލު ޖެހުމުންނެވެ. ލަންކާ އިން ތިން ގޯލު ޖަހައި އެ ޓީމުގެ އަހުމަދު ވަސީމް ރަޒީކް ވަނީ ހެޓްރިކެއް ހަދައިފަ އެވެ. ތިން ގޯލު ޖަހަން ވެސް ފުރުސަތު ދިނީ ޑިލޯން އެވެ. އޭނާ އަކީ އިންގްލެންޑްގެ ކިއުޕީއާރް ޔޫތު ޓީމަށް ކުޅޭ ކުޅުންތެރިއެކެވެ.

އޭގެ ފަހުން ރާއްޖޭން ވަނީ ދެ ބަދަލެއް ގެނެސްފަ އެވެ. ހަމްޒާ މުހައްމަދު (ހަމްޕު) އާއި ނާއިޒު ހަސަން (ދާދު) ވަނީ ކުޅެން އަރުވައިފަ އެވެ. އެކަމަކު، ދެން ރާއްޖެ އަށް ލިބުނު އެއްވެސް ފުރުސަތެއްގައި ބޭނުމެއް ނުކުރެވުނެވެ.

ލަންކާ އިން ނަތީޖާ ހަމަހަމަކުރީ އިތުރު ވަގުތުގެ ގޮތުގައި ދެއްކި ތިން މިނިޓްގެ ތެރޭގަ އެވެ. ކޯނަރެއްގައި ލަންކާ ކުޅުންތެރިއަކު ބޮލުން ޖައްސާލި ބޯޅައެއް ކޮންޓްރޯލް ކޮށްލުމަށް ފަހު ވަސީމް ވަނީ ގޯލުގެ ކަނަށް ބޯޅަ ފޮނުވާލައިފަ އެވެ. މި މެޗުގައި ހަތަރު ގޯލު ޖެހި ވަސީމަށް ވަނީ މެޗުގެ މޮޅު ކުޅުންތެރިޔާގެ މަގާމު ލިބިފަ އެވެ.

ވަސީމް އަކީ މީގެ ކުރިން ޖަރުމަނުގެ ދަށް ޑިވިޝަނުގެ ޓީމުތަކަށް ކުޅުނު ކުޅުންތެރިއެކެވެ. އޭނާ ލަންކާ ޓީމަށް ކުޅެނީ ވަރަށް ފަހުން އެ ގައުމުގެ ރަށްވެހިކަން ހޯދައިގެންނެެވެ. ވަސީމް ވަނީ މެޗުގައި ޖެހި ގޯލުތައް އޭނާގެ މަންމަ އާއި ބައްޕަ އަށް ހާއްސަކޮށްފަ އެވެ. މެޗު ބަލަން ވަސީމްގެ އާއިލާ މެމްބަރުން އައީ ޖަރުމަނުންނެވެ.

މިއަދުގެ މެޗު ޝަރަފްވެރިކޮށްދެއްވީ ރާއްޖޭގެ ރައީސް އިބްރާހިމް މުހައްމަދު ސޯލިހުގެ އިތުރުން ރާއްޖޭގެ ކުޅިވަރާ ބެހޭ ވަޒީރު އަހުމަދު މަހުލޫފާއި ލަންކާގެ ޔޫތު އެންޑް ސްޕޯޓްސް މިނިސްޓަރު ނަމާލް ރާޖަޕަކްސަ އެވެ. ފޯ ނޭޝަންސް ކަޕްގެ ޓްރޮފީ ލޯންްޗް ކޮށްދެއްވީ ރައީސް ސޯލިހު އެވެ.

ރާއްޖޭން ދެ ވަނަ މެޗުގައި ހޮނިހިރު ދުވަހު ހަވީރު ކުޅޭނީ ބަންގްލަދޭޝްއާ އެވެ. ރާއްޖޭން ލީގު ބުރުގެ ފަހު މެޗުގައި މި މަހު 16 ވަނަ ދުވަހު ސީޝެލްސްއާ ކުޅޭނެ އެވެ. ފައިނަލް މެޗު އޮންނާނީ މި މަހު 19 ވަނަ ދުވަހު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox