އިންޑިއާގެ އެކި ސިޓީތަކުގައި ޕާފޯމްކުރުމަށް ދިވެހި ބޭންޑު "ހީރަޕަންނާ" ފުރަނީ

Nov 22, 2026, 6:40 PM
ރާއްޖޭގެ މިއުޒިކް ބޭންޑު  "ހީރަޕާންނާ"  --- ފޮޓޯ: އަހުމަދު އިނާން (ޑިސްލެކްސިކް އޭލިއަން)

ރާއްޖޭގެ މިއުޒިކް ބޭންޑު "ހީރަޕާންނާ" --- ފޮޓޯ: އަހުމަދު އިނާން (ޑިސްލެކްސިކް އޭލިއަން)

އިންޑިއާ ސަރުކާރުގެ މިނިސްޓްރީ އޮފް އެކްސްޓާނަލް އެފެއާޒްގެ ދަށުން ހިންގާ އިންޑިއަން ކައުންސިލް ފޯ ކަލްޗަރަލް ރިލޭޝަންސް (އައިސީސީއާރު) ގެ ދައުވަތަކަށް، އެ ގައުމުގެ އެކި ސިޓީތަކުގައި ލައިވް ޝޯތަކެއް ދިނުމަށް ރާއްޖޭގެ ޒުވާން މިއުޒިކް ބޭންޑް "ހީރަޕަންނާާ" ފުރުމަށް ހަމަޖެހިއްޖެ އެވެ.

މި ދަތުރުގައި "ހީރާޕަންނާ" ބޭންޑުން ލަކްނޯގެ ޓްރައިބަލް ފެސްޓިވަލާއި، ކަޓަކްގެ ބަލިޔާތުރާ އަދި ކަޗްގެ ރަން އުތުސަވުގައި ޕާފޯމްކުރުމަށް ވަނީ ހަމަޖެހިފަ އެވެ. އަދި މި ޓުއާ ނިންމާލުމުގެ ގޮތުން އެންމެ ފަހު ޝޯ ދިނުމަށް ހަމަޖެހިފައިވަނީ ވެރިރަށް ނިއުދިއްލީގަ އެވެ. 

މި ދަތުރަކީ ދިވެހިރާއްޖޭގައި ހުންނަ އިންޑިއަން ހައިކޮމިޝަނުގެ އިންޑިއަން ކަލްޗަރަލް ސެންޓަރުގެ އެހީތެރިކަމާއެކު އިންތިޒާމުކުރެވިގެން ކުރިއަށްދާ ދަތުރެކެވެ. ހަތަރު މެންބަރުންގެ މައްޗަށް އެކުލެވޭ މި ބޭންޑު އިންޑިއާއަށް ފުރާނީ މާދަމާ އެވެ. ޝޯތައް ނިންމުމަށްފަހު އެ ބޭންޑް އެނބުރި ރާއްޖެ އައުމަށް ތާވަލުކޮށްފައިވަނީ ޑިސެމްބަރު ހަވަނަ ދުވަހު އެވެ. 

Advertisement

މި ބައިނަލްއަގުވާމީ ޓުއާ ކުރިއަށްދަނީ އެ ބޭންޑަށް މުހިންމު ކާމިޔާބީއަކާ ވެސް ދިމާކޮށެވެ. އެގޮތުން ބޭންޑުގެ ފުރަތަމަ އީޕީ "ދުނިޔަވީ އުސޫލު" މި މަހުގެ ފަހުކޮޅު ނެރުމަށް ވަނީ ހަމަޖެހިފަ އެވެ.

"އަސާސީ ކިލާސް" ޕްލެޓްފޯމުން މިއުޒިކް ސީނަށް ތައާރަފުވި"ހީރާޕަންނާ"އަކީ ރާއްޖޭގެ މިއުޒިކީ ދާއިރާގައި ކުރިއަރަމުން އަންނަ ޒުވާން ފަންނާނުންގެ ތެރޭގައި ފާހަގަކޮށްލެވޭ ބޭންޑެކެވެ. މޯލްޑިވްސް އެކްސްޕޯ، ބީއެމްއެލް ކާނިވާ، ޔޫތު ހަބް، ދިރާގު ރޯޑް ރޭސް އަދި އަސާސީ ކިލާސް ފަދަ އެކި ހަރަކާތްތަކުގައި ޕާފޯމްކޮށް، ގިނަ ބައެއްގެ މަގުބޫލުކަން އެ ބޭންޑުން ވަނީ ހޯދާފަ އެވެ.

އިންޑިއާގެ ސްޓޭޖުތަކުގައި އެ ބޭންޑުން ހުށަހަޅައިދޭނީ ދިވެހި ސަގާފީ މިއުޒިކާއި ޒަމާނީ އަޑުތައް އެއްކޮށްލައިގެން، ރާއްޖޭގެ މިއުޒިކީ ތަފާތު ކުލަވަރުތައް ދައްކުވައިދޭ ހާއްސަ ހުށަހެޅުންތައް ކަމަށް ބޭންޑުން ބުނެ އެވެ. މި ދަތުރުގެ ސަބަބުން ބައިނަލްއަޤްވާމީ މައިދާނެއްގައި ރާއްޖެ ތަމްސީލުކޮށް، އިންޑިއާގެ އެކި ސަރަހައްދުތަކުގެ ބެލުންތެރިންނާ ހަމައަށް ދިވެހި މިއުޒިކް ފޯރުކޮށްދިނުމުގެ ފުރުސަތު ލިބޭނެ ކަމަށް ބޭންޑުން ބުނެ އެވެ.

މި ދަތުރަކީ ރިފްރެކްޝަން އިވެންޓްސް، ކޭ ކޮންސެޕްޓްސް އަދި މޯލްޑިވްސް އާޓް ކަލެކްޓިވްގެ އެހީތެރިކަމާއެކު ކުރިއަށްގެންދާ ސަގާފީ އެކްސްޗޭންޖު ދަތުރެކެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox