ކެންސަރުގެ ތަޖުރިބާތަކާއެކު ކެތުރިންގެ އަސަރުގަދަ ޑޮކިއުމެންޓްރީ 'ހީލް' މި މަހު ބީބީސީން ދައްކަނީ

ހީލް ޑޮކިއުމެންޓްރީ އާންމުކުރުމުގެ ކުރިން، ކެތަރިން "ތުރީ ޕީކްސް ޗެލެންޖް" ފުރިހަމަކުރަނިކޮށް ނަގާފައިވާ ފޮޓޯއެއް ވަނީ އާންމުކޮށްފަ

ހީލް ޑޮކިއުމެންޓްރީ އާންމުކުރުމުގެ ކުރިން، ކެތަރިން "ތުރީ ޕީކްސް ޗެލެންޖް" ފުރިހަމަކުރަނިކޮށް ނަގާފައިވާ ފޮޓޯއެއް ވަނީ އާންމުކޮށްފަ

ޕްރިންސަސް އޮފް ވޭލްސް، ކެތުރިންގެ ކެންސަރު ބަލީގެ ތަޖުރިބާތަކާއި އެ ބަލީގެ ސަބަބުން އެކަމަނާގެ ދިރިއުޅުމަށް އައި ބަދަލުތަކުގެ މައްޗަށް ތައްޔާރުކޮށްފައިވާ ހާއްސަ ޑޮކިއުމެންޓްރީއެއް ބީބީސީން ދެއްކުމަށް ނިންމައިފި އެވެ.

ހީލްގެ ނަމުން ނަންދީފައިވާ މި ޑޮކިއުމެންޓްރީގައި ކެންސަރު ބަލީގެ ސަބަބުން އިންސާނާގެ ހަށިގަނޑަށާއި ނަފްސަށް ކުރާ އަސަރުތަކާ ގުޅޭގޮތުން ކެތުރިން ވަނީ ވަރަށް ފުޅާ ގޮތެއްގައި ވާހަކަ ދައްކަވާފައެވެ.

މި މަހުގެ 29 ވަނަ ދުވަހު ބީބީސީ ވަން އިން ދެއްކުމަށް ހަމަޖެހިފައިވާ މި ޑޮކިއުމެންޓްރީގައި ކެތުރިން ވިދާޅުވެފައިވަނީ ކެންސަރަކީ އިންސާނާ މުޅިން ބަދަލުކޮށްލާ ބައްޔެއް ކަމަށެވެ. ބަލީގެ ސަބަބުން ހަށިގަނޑަށް އަންނަ ބަދަލުތަކަށްވުރެ ބޮޑަށް، އިންސާނާގެ ވިސްނުމާއި އިހުސާސްތަކަށް އަންނަ ބަދަލުތައް މާ ފުން ކަމަށް އެކަމަނާ ފާހަގަ ކުރެއްވިއެވެ. މި ޑޮކިއުމެންޓްރީގައި ކެތުރިން ބަލިން ފަސޭހަވަމުން އައި ދުވަސްވަރުގެ އަމިއްލަ ހިޔާލުތަކާއި އިހުސާސްތައް ފުރަތަމަ ފަހަރަށް އާންމުންނާ ހިއްސާކުރައްވާނެ އެވެ.

Advertisement

މި ޑޮކިއުމެންޓްރީގައި ހިމެނޭ އެންމެ ފާހަގަކޮށްލެވޭ އެއް މަންޒަރަކީ މިއަހަރުގެ ކުރީކޮޅު ކެތުރިން އިނގިރޭސިވިލާތާއި، ސްކޮޓްލޭންޑް އަދި ވޭލްސްގެ އެންމެ އުސް ފަރުބަދަތަކަށް އެއް ދުވަސް ތެރޭގައި އެރި ތްރީ ޕީކްސް ޗެލެންޖް ފުރިހަމަކުރެއްވި މަންޒަރުތަކެވެ. މި ހަރަކާތުގެ ތެރެއިން ވާހަކަ ދައްކަވަމުން ކެތުރިން ވިދާޅުވީ ދިރިއުޅުމުގެ ކުރިމަތިވާ ގޮންޖެހުންތަކަކީ އެކަނި ތަހައްމަލު ކުރަންޖެހޭ ކަންތައްތަކެއް ނޫންކަން މި ދަތުރުން ސާފުވެގެންދިޔަ ކަމަށެވެ. އަދި ބޮޑެތި ތަދުތަކާއި ތަހައްމަލުތަކަށްފަހު، އޭގެ ފަހަތުގައިވާ މާ ފުރިހަމަ ރީތިކަމެއް އިންސާނާއަށް އިހުސާސްކުރެވޭ ކަމަށްވެސް އެކަމަނާ ވިދާޅުވި އެވެ.

ކެތުރިންނަށް ޖެހުނީ ކޮން ބާވަތެއްގެ ކެންސަރެއްކަން މިހާތަނަށް ހާމަކުރައްވާފައި ނުވި ނަމަވެސް، 2024 ވަނަ އަހަރުގެ މާޗް މަހު އެކަމަނާ ވަނީ ކީމޯތެރަޕީ ފަރުވާ ހޯއްދަވަމުން ގެންދަވާކަން އިއުލާން ކުރައްވާފައެވެ. އޭގެ ފަހުން 2025 ވަނަ އަހަރުގެ ޖެނުއަރީ މަހު ބަލިން ފަސޭހަވެފައިވާކަން ހާމަކުރައްވައި، މަޑުމަޑުން ޝާހީ ޒިންމާތަކަށް އެނބުރި ވަޑައިގަންނަވަން ވަނީ ފައްޓަވާފަ އެވެ. ބަލިން ފަސޭހަވުމަށްފަހު އެކަމަނާ އެންމެ ބޮޑަށް ބާރުއަޅުއްވަނީ ހަމައެކަނި ޖިސްމާނީ ދުޅަހެޔޮކަމަށްވުރެ ބޮޑަށް، ނަފްސާނީ އަދި މުޅި އިންސާނާގެ ދުޅަހެޔޮކަމަށް ސަމާލުކަން ދިނުމަށެވެ.

މި ޑޮކިއުމެންޓްރީގައި ކެތުރިންގެ ކޮއްކޮ ޖޭމްސް މިޑްލްޓަންއާ ދެމެދު ދެކެވޭ ވާހަކަތަކެއްވެސް ހިމެނެ އެވެ. އާންމުކޮށް ކެންސަރު ބަލީގެ ފަރުވާ ނިންމާލުމަށްފަހު ހޮސްޕިޓަލުގައި ހުންނަ ރަނގަބީލު ޖެހުމުގެ އާދަކާދައަށް އިޝާރާތް ކުރައްވައި ކެތުރިން ވިދާޅުވީ އެކަމަނާ އެ ރަނގަބީލު ޖައްސަވާފައި ނުވާނެ ކަމަށެވެ. ނަމަވެސް ޖޭމްސް ބުނެފައިވަނީ މި ފަރުބަދަތަކަށް އެރުމާއި މި ޑޮކިއުމެންޓްރީއަކީ އަމީރާގެ ފަރާތުން ޖެއްސެވި ރަނގަބީލު ކަމުގައި ވެދާނެ ކަމަށެވެ.

ބީބީސީގެ ޗީފް ކޮންޓެންޓް އޮފިސަރު ކޭޓް ފިލިޕްސް ވިދާޅުވި ގޮތުގައި، 30 މިނެޓުގެ މި ޑޮކިއުމެންޓްރީގެ ސަބަބުން ސިއްހީ ބޮޑެތި ގޮންޖެހުންތަކާ ކުރިމަތިލަމުންދާ ފަރާތްތަކަށް ހިތްވަރާއި އެހީތެރިކަން ލިބިގެންދާނެއެވެ. މި ޑޮކިއުމެންޓްރީން ލިބޭ އާމްދަނީ ހަދިޔާކުރުމަށް ހަމަޖެހިފައިވަނީ ކެތުރިންގެ ފަރުވާ ހޯއްދެވި ދަ ރޯޔަލް މާސްޑަން ކެންސަރު ޗެރިޓީއަށެވެ. މި ޑޮކިއުމެންޓްރީ އިނގިރޭސިވިލާތުގެ އިތުރުން އެމެރިކާ، އޮސްޓްރޭލިއާ އަދި ކެނެޑާ ފަދަ ގައުމުތަކުގައިވެސް ދެއްކުމަށް ވަނީ ހަމަޖެހިފަ އެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox