ސަރުކާރުން ހުށަހެޅި ގޮތަށް ބަޖެޓު ތަޅުމަށް ފޮނުވަން ކޮމިޓީން ފާސްކޮށްފި

ބަޖެޓު ދިރާސާކުރާ ކޮމިޓީގެ ބައްދަލުވުމެއްގެ ތެރެއިން: ސަރުކާރުން ހުށަހެޅި ގޮތަށް ބަޖެޓު ފާސްކުރީ ހަރަދު ކުޑަކުރަން އެމްއެމްއޭ އާއި އޮޑިޓު އޮފީހުން ލަފާދީފައި ވަނިކޮށް --- ފޮޓޯ: ރައްޔިތުންގެ މަޖިލިސް

ބަޖެޓު ދިރާސާކުރާ ކޮމިޓީގެ ބައްދަލުވުމެއްގެ ތެރެއިން: ސަރުކާރުން ހުށަހެޅި ގޮތަށް ބަޖެޓު ފާސްކުރީ ހަރަދު ކުޑަކުރަން އެމްއެމްއޭ އާއި އޮޑިޓު އޮފީހުން ލަފާދީފައި ވަނިކޮށް --- ފޮޓޯ: ރައްޔިތުންގެ މަޖިލިސް

އަންނަ އަހަރަށް ލަފާކޮށް ސަރުކާރުން ރައްޔިތުންގެ މަޖިލީހަށް ހުށަހެޅި 59.7 ބިލިއަން ރުފިޔާގެ ދައުލަތުގެ ބަޖެޓަށް އެއްވެސް ބަދަލެއް ނުގެނެސް، އޮތް ގޮތަށް ފާސްކުރުމަށްޓަކައި މަޖިލީހުގެ ތަޅުމަށް ފޮނުވަން ބަޖެޓު ދިރާސާކުރި ކޮމިޓީން މިއަދު ފާސްކޮށްފި އެވެ.

ބަޖެޓު ކޮމިޓީގެ މިއަދުގެ ބައްދަލުވުމުގައި މިގޮތަށް ނިންމީ، ދައުލަތުގެ އިދާރާތަކާއި މިނިވަން މުއައްސަސާތަކުގެ ބަޖެޓަށް އެއްވެސް އުނިއިތުރެއް ގެންނަން ނުފެންނަ ކަމަށް ކަނޑައެޅުމަށް ފަހު އެވެ. 

މި ނިންމުމާ އެކު، އޮފީސްތަކުން އެދުނު އިތުރުވުންތަކަށް ޖާގަ ނުދީ، ފިނޭންސް މިނިސްޓްރީން ހުށަހެޅި އަދަދުތައް ވަނީ ދަމަހައްޓައިފަ އެވެ. ކޮމިޓީގެ މެންބަރުންގެ އަގުލަބިއްޔަތުން ފާސްކުރީ ބަޖެޓު ރިޕޯޓު އެކުލަވާލައި މަޖިލީހުގެ ތަޅުމުން ގޮތެއް ނިންމުމަށް ފޮނުވުމަށެވެ.

ކޮމިޓީން ފާސްކުރި ނިންމުމުގައިވާ ގޮތުން، ދައުލަތުގެ އޮފީސްތަކުގެ ރިކަރަންޓް ހަރަދުތަކާއި ކެޕިޓަލް ހަރަދުތައް ކުރިއަށް ގެންދާނީ ފިނޭންސް މިނިސްޓްރީން އެކުލަވާލި އޮނިގަނޑާ އެއްގޮތަށެވެ. މީގެ އިތުރުން ޕަބްލިކް ސެކްޓާ އިންވެސްޓްމަންޓް ޕްރޮގްރާމް (ޕީއެސްއައިޕީ) ގެ ދަށުން ހިންގުމަށް ހުށަހެޅި މަޝްރޫއުތަކުގެ ބަޖެޓަށް ވެސް އެއްވެސް ބަދަލެއް ގެނެސްފައެއް ނުވެ އެވެ. އަދި އާ މަޝްރޫއުތައް އިތުރުކުރުމުގެ ބަދަލުގައި، ސަރުކާރުން ފޮނުވި ލިސްޓު އެއްކޮށް ވަނީ ފާސްކޮށްފަ އެވެ.

އަންނަ އަހަރަށް ހުށަހެޅި 59.7 ބިލިއަން ރުފިޔާގެ ބަޖެޓަކީ މި އަހަރުގެ 64.2 ބިލިއަން ރުފިޔާއާ އަޅާބަލާއިރު 4.5 ބިލިއަން ރުފިޔާ ދަށް އަދަދެކެވެ. ނަމަވެސް ސަރުކާރު ހިންގުމާއި ތަރައްގީގެ ކަންކަމަށް ކުރާ ހަރަދު ވަނީ 3.3 ބިލިއަން ރުފިޔާ އިތުރުވެ، 52.6 ބިލިއަން ރުފިޔާއަށް އަރައިފަ އެވެ. ބަޖެޓުގައި ޖުމުލަ އާމްދަނީގެ ގޮތުގައި 43.2 ބިލިއަން ރުފިޔާ ލިބޭނެ ކަމަށް އަންދާޒާކޮށްފައި ވާއިރު، ބަޖެޓު ޑެފިސިޓު ވަނީ 9.4 ބިލިއަން ރުފިޔާއަށް ބޮޑުވެފަ އެވެ.

ސަރުކާރުން ހުށަހެޅި ގޮތަށް ބަޖެޓު ފާސްކުރަން ކޮމިޓީން ނިންމިއިރު، މަރުކަޒީ ބޭންކް (އެމްއެމްއޭ) އަދި އޮޑިޓާ ޖެނެރަލް ވަނީ މި ބަޖެޓުގައި މާލީ ބޮޑެތި ރިސްކުތަކެއް ހުރިކަމަށް ވިދާޅުވެފަ އެވެ. ހާއްސަކޮށް ހިލޭ އެހީ ނުލައި ލިބޭ އާމްދަނީގެ 101 ޕަސެންޓު ހިންގުމުގެ ހަރަދަށް ދިއުމާއި، ދައުލަތަށް ނުލިބި ހުރި ފައިސާ ހޯދާނެ ސާފު ޕްލޭނެއް ނެތުން އެ ފަރާތްތަކުން ފާހަގަކުރެއްވި އެވެ.

އެހެން ނަމަވެސް، މި ކަންބޮޑުވުންތަކަށް ރިއާޔަތްކޮށް ބަޖެޓުގެ ހަރަދުތައް ކުޑަކުރުމަށް ކޮމިޓީ މަރުހަލާގައި އެއްވެސް އިސްލާހެއް ގެނެސްފައި ނެތެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox