ރާއްޖޭގެ އިމާރާތްކުރުމާއި ރިއަލް އެސްޓޭޓް ދާއިރާގައި 40 އަހަރަށްވުރެ ދިގު، ކާމިޔާބު ތާރީހެއް އޮތް ރަޝީދު ކާޕެންޓްރީ އެންޑް ކޮންސްޓްރަކްޝަން (އާރްސީސީ) އިން، ހުޅުމާލޭގައި ތަރައްގީކުރާ އެންމެ ހިތްގައިމު އެއް މަޝްރޫއު ކަމަށްވާ "ބްލޫ މެރީނާ ވިއު" އަށް އިންވެސްޓްކުރުމުގެ ފުރުސަތު ހުޅުވާލައިފި އެވެ.
މި ޝްރޫއަށް ބޭނުންވާ 120 މިލިއަން ރުފިޔާ ހޯދުމަށްޓަކައި އާރްސީސީއިން މިވަނީ ޕްރައިވެޓް ޕްލޭސްމަންޓް އުސޫލުން ހާއްސަ ބޮންޑެއް ވިއްކަން ފަށައިފަ އެވެ.
ޒަމާނީ ދިރިއުޅުމުގެ އާ ފެންވަރެއް
ހުޅުމާލޭގެ ދެވަނަ ފިޔަވަހީގައި އިމާރާތްކުރާ 17 ބުރީގެ މި ލަގްޒަރީ މިކްސްޑް-ޔޫސް ރެސިޑެންޝަލް އިމާރާތަކީ، ހިތްގައިމު މަންޒަރުތަކާއި ފުރިހަމަ ލައިފްސްޓައިލެއް ތަޖުރިބާކޮށްލަން ބޭނުންވާ ފަރާތްތަކަށް ހާއްސަ މަންޒިލެކެވެ. މަތީ ފެންވަރުގެ ވަސީލަތްތަކާއެކު ފަރުމާކޮށްފައިވާ މި އިމާރާތުގައި ހިމެނޭ ބައެއް ހާއްސަ ސިފަތަކަކީ:
ހިތްގައިމު މާހައުލު: އިމާރާތުގެ ޓެރަސްގައި ތަރައްގީކުރާ އިންފިނިޓީ ޕޫލަކާއި ކުޑަކުދިންގެ ޕޫލް.
ދުޅަހެޔޮ ސިއްހަތާއި މުނިފޫހިފިލުވުން: ޒަމާނީ ފެންވަރުގެ ޖިމް، މަލްޓި-ޕާޕަސް ހޯލް އަދި ކިޑްސް ކްލަބް.
ރައްކާތެރިކަމާއި ފަސޭހަކަން: ސެކިއުރިޓީ ނިޒާމާއެކު ހާއްސަ އެންޓްރެންސް ލޮބީ، 3 ލިފްޓް އަދި ހިލޭ ސައިކަލް ޕާކިން.
އަސާސީ ހިދުމަތްތައް ގާތުން: އިމާރާތުގެ ތިރީގައި ވިޔަފާރީގެ ހިދުމަތްތައް ހިމެނޭއިރު، މިއީ ސްކޫލްތަކާއި، ކްލިނިކްތަކާއި، ކެފޭ އަދި ފިހާރަތަކަށް ފަސޭހައިން ދެވޭނެހެން ފަރުމާކޮށްފައިވާ މަޝްރޫއެކެވެ.
އިންވެސްޓަރުންނަށް ލިބޭ ފައިދާއާއި ޔަގީންކަން
މިއީ ކުރު މުއްދަތެއްގެ ތެރޭގައި ރަނގަޅު ފައިދާއެއް ހޯދަން ބޭނުންވާ ފަރާތްތަކަށް ރަނުގެ ފުރުސަތެކެވެ. އެމޯޓައިޒިންގް އުސޫލުން ފަރުމާކޮށްފައިވާ މި ބޮންޑުގެ މުއްދަތުގެ ތެރޭގައި އިންޓްރެސްޓްގެ އިތުރުން އޭގެ އަސްލު ފައިސާ (ޕްރިންސިޕަލް) އިންވެސްޓަރުންނަށް އަނބުރާ ދައްކަމުން ގެންދާނެ އެވެ.
- މުއްދަތު: 5 އަހަރު
- ފައިދާ (އިންޓްރެސްޓް ރޭޓް): އަހަރަކު 8.50 ޕަސެންޓު (ކޮންމެ 6 މަހަކުން ފައިސާ ލިބޭގޮތަށް)
- މޫނުމަތީ އަގު: 1,000 ރުފިޔާ
- އިންވެސްޓްކުރެވޭނެ އެންމެ މަދު މިންވަރު: 10,000 ރުފިޔާ (10 ބޮންޑު).
މީގެ އިތުރަށް އިންވެސްޓްކުރާނަމަ ކޮންމެ 1,000 ރުފިޔާއަކުން އިތުރުކުރެވޭނެ އެވެ.
އިތުބާރު ހިފޭ ޕާޓްނަރުންނާއެކު ފަސޭހަ މުއާމަލާތެއް
މި ބޮންޑުގެ ލީޑް އެރޭންޖަރ އަދި ޕްރިންސިޕަލް އެޑްވައިޒަރެއްގެ ގޮތުގައި ހަރަކާތްތެރިވަނީ ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) އިން ލައިސަންސް ލިބިފައިވާ، ރާއްޖޭގެ ކުރިއަރާފައިވާ އިންވެސްޓްމަންޓް ފާމް، ދިވެހި އިންވެސްޓްމަންޓް ޕާޓްނާސް ޕްރައިވެޓް ލިމިޓެޑް (ޑީއައިޕީ) އެވެ.
ޑީއައިޕީގެ ތަޖުރިބާކާރު ލަފަޔާއެކު، ގަވާއިދުތަކާ އެއްގޮތަށް މި މަސައްކަތް ވަނީ ވަރަށް ފުރިހަމައަށް އިންތިޒާމު ކުރެވިފަ އެވެ.ދައުވަތު ލިބިގެން މި ބޮންޑުގައި ބައިވެރިވާ ޝަރުތުހަމަވާ އިންވެސްޓަރުންނަށް، މޯލްޑިވްސް ސްޓޮކް އެކްސްޗޭންޖުގެ "ވިޔަނަ" ޕޯޓަލް މެދުވެރިކޮށް ވަރަށް ފަސޭހަކަމާއެކު ބޮންޑަށް ސަބްސްކްރައިބްކޮށް، ފައިސާ ދެއްކުމުގެ މުއާމަލާތްތައް ރައްކާތެރިކަމާއެކު ކުރިއަށް ގެންދެވޭނެ އެވެ.
އާރްސީސީގެ "ބްލޫ މެރީނާ ވިއު" އަކީ ހަމައެކަނި އިމާރާތެއް ނޫނެވެ. މިއީ ރާއްޖޭގެ އުމްރާނީ ތަރައްގީގެ އައު ސަފްހާއެއްގެ ފެށުމެވެ. ކާމިޔާބު ތާރީހެއް އޮތް ކުންފުންޏެއްގެ މި ޝަރަފުވެރި މަޝްރޫއުގައި ބައިވެރިވެ، ކެޕިޓަލް މާކެޓް މެދުވެރިކޮށް އިންވެސްޓްމަންޓްގެ މަންފާ ހޯދުމަށް ލިބޭ މި ފުރުސަތުގެ ބޭނުން ހިފާށެވެ.
