ދިރާގުގެ ކުރީގެ ޗެއާމަން ރިލުވާން ޝަރީފް ނިޔާވެއްޖެ

ދިރާގުގެ ކުރީގެ ޗެއާމަން އަދި ވިލާ އެއާގެ ކުރީގެ އެމްޑީ ރިލުވާން ޝަރީފް މިއަދު ނިޔާވެއްޖެ އެވެ. 

އަދަދު އަށް އެނގިފައިވާ ގޮތުގައި ރިލުވާން ޝަރީފް ނިޔާވީ އައިޖީއެމްއެޗްގައި ފަރުވާ ހޯއްދަވަމުން ގެންދަވަނިކޮށެވެ. އޭނާ ނިޔާވި ސީދާ ސަބަބެއް އަދި ފަރުވާ ހޯއްދަވަމުން ގެންދެވީ ކޮން ކަމަކަށް ކަމެއް ސާފެއް ނުވެ އެވެ. 

ރިލުވާން ވަނީ މީގެކުރިން ދައުލަތަށްވެސް ގިނަ ދުވަހު ހިދުމަތް ކުރައްވާފަ އެވެ. އެގޮތުން ފިނޭންސް މިނިސްޓްރީގައި ޑެޕިއުޓީ މިނިސްްޓަރުކަމުގެ މަގާމާއި ސްޓޭޓް މިނިސްތަރުކަމުގެ މަގާމު އޭނާ ފުރުއްވި އެވެ. 

އޮސްޓްރޭލިއާއިން މަތީ ތައުލީމު ހާސިލުކުރެއްވި ރިލުވާން ވަނީ މީގެ ކުރިން މޯލްޑިވްސް ސްޓޮކް އެކްސްޗޭންޖުގެ ޑިރެކްޓަރުގެ މަގާމާއި ޓެލެކޮމިއުނިކޭޝަން އޮތޯރިޓީގެ ޑިރެކްޓަރުގެ މަގާމުވެސް ފުރުއްވާފަ އެވެ.