ރަސްމާލެ އެއްބަސްވުން މަޖިލީހުގެ ކޮމިޓީއަކަށް ފޮނުވަނީ

ރަސްމާލެ އެގްރިމެންޓުގައި ސޮއި ކުރެއްވުމަށްފަހު މިނިސްޓަރު މުއްތަލިބާއި އީގަލް ހިލްސްގެ މުހައްމަދު އަލައްބާރު ފޮޓޯއަކަށް ހުއްޓިގެން -- ފޮޓޯ: އީގަލް ހިލްސް

ރަސްމާލެ އެގްރިމެންޓުގައި ސޮއި ކުރެއްވުމަށްފަހު މިނިސްޓަރު މުއްތަލިބާއި އީގަލް ހިލްސްގެ މުހައްމަދު އަލައްބާރު ފޮޓޯއަކަށް ހުއްޓިގެން -- ފޮޓޯ: އީގަލް ހިލްސް

ރަސްމާލެ މަޝްރޫއުގެ އެއްބަސްވުން ސިއްރުކޮށްފައިވާ ކަމަށް ބުނެ ކަންބޮޑުވުން އުފެދިފައި ވަނިކޮށް، އެ އެއްބަސްވުމުގެ ފުރިހަމަ ކޮޕީ ރައްޔިތުންގެ މަޖިލީހުގެ ދާއިމީ ކޮމިޓީއަކަށް ފޮނުއްވާނެ ކަމަށް ރައީސް މުހައްމަދު މުއިއްޒު މިރޭ ވިދާޅުވެއްޖެ އެވެ.

މުއިއްޒު މިހެން ވިދާޅުވެފައި މި ވަނީ ރަސްމާލޭގެ ބިމުން 500 ހެކްޓަރުގެ ބިން ޔޫއޭއީގެ އީގަލް ހިލްސްއަށް ދިން އެއްބަސްބުން ހާމަކުރަން އިދިކޮޅާއި އާންމުން ގޮވާލަމުން އަންނަނިކޮށެވެ. މީގެ ކުރިން މި މައުލޫމާތު ހާމަކުރަން މަޖިލީހަށް ހުށަހެޅި ގަރާރު ޕީއެންސީން ކޮންޓްރޯލް ކުރާ މަޖިލީހުން ވަނީ ބޭރުކޮށްލައިފަ އެވެ.

މިހެން ނަމަވެސް މުއިއްޒު ވަނީ އެއްބަސްވުމުގައި ސޮއިކުރުމުގެ ކަންކަން ހިނގާނީ ހާމަކަން ބޮޑުކޮށް ކަމަށް ވިދާޅުވި އެވެ. އެ ގޮތުން ޕީއެސްއެމްގެ "ނޭޝަން ޗެޓް" ޕްރޮގްރާމުގައި ވާހަކަ ދައްކަވަމުން މުއިއްޒު ވިދާޅުވީ، ރިއަލް އެސްޓޭޓް ޓޫރިޒަމާ ގުޅޭ ހާއްސަ ބިލެއް މަޖިލީހަށް ފޮނުވުމުގެ މަސައްކަތް މިހާރު ދަނީ ހިނގަމުންނެވެ. އަދި ބިލު ގާނޫނަކަށް ވުމުގެ ކުރިން، އާންމުންގެ ހިޔާލަށް އެ ބިލު ދެ ހަފުތާއެއްހާ ދުވަހަށް މަޖިލީހުން ހުޅުވާލާނެ ކަމަށް އެމަނިކުފާނު ވިދާޅުވި އެވެ. 

ރަސްމާލެ އެއްބަސްވުން ރައްޔިތުންގެ މަންދޫބުން ތިބި މަޖިލީހަށް ފޮނުވުމަކީ، މުއިއްޒު ވިދާޅުވީ އެ އެއްބަސްވުމުގެ މައުލޫމާތު ދިނުން ކަމަށް މުއިއްޒު ވިދާޅުވި އެވެ. އަދި ޒިންމާދާރު ސަރުކާރަކަށް މިއަށް ވުރެ ފުރިހަމަކޮށް އަދި ދެފުށް ފެންނަ ގޮތަށް މިކަން ނުކުރެވޭނެ ކަމަށް އެމަނިކުފާނު ވިދާޅުވި އެވެ. 

މި މައްސަލައިގައި އިދިކޮޅަށް ބަހުގެ ހަމަލާތައް އަމާޒުކުރައްވަމުން މުއިއްޒު ވިދާޅުވީ އިދިކޮޅު ފަރާތްތަކުން ދައްކަނީ އެއްވެސް އިހްލާސްތެރިކަމެއް ނެތް ވާހަކަތަކެއް ކަމަށޭވެ. އަދި އެއީ މަޝްރޫއު ހުއްޓުވަން ދައްކާ ވާހަކަތަކެއް ކަމަށް ވެސް ވިދާޅުވި އެވެ.

މުއިއްޒު ތުހުމަތުކުރެއްވި ގޮތުގައި ގައުމަށް ކިތަންމެ ފައިދާހުރި ކަމެއް ވިޔަސް އިދިކޮޅުން މަސައްކަތް ކުރަނީ ކަންކަން އޮޅުވާލާށެވެ.

"އެ މީހުންނަކީ ޒިންމާދާރު ބައެއް ނޫން. އެ މީހުންގެ ވާހަކަ އެ މީހުން ދައްކާ ވާހަކައަކަށް ވެސް އަޅުގަނޑުގެ ފަރުވާލެއް ނެތް. އެ މީހުންގެ ވާހަކަތައް ބަދަލުކުރުމަކަށް މަސައްކަތެއް ވެސް ނުކުރާނަން." މުއިއްޒު ވިދާޅުވި އެވެ.

ރަސްމާލެއަކީ ދިވެހި ދައުލަތުގެ ބާރު ފުރިހަމައަށް ހިނގާނެ ތަނެއް ކަމަށާއި އެ ސަރަހައްދުގައި އެހެން އެއްވެސް ގައުމެއްގެ ގާނޫނެއް ނުހިނގާނެ ކަމުގެ ޔަގީންކަން ވެސް މުއިއްޒު ދެއްވި އެވެ.  އަދި އެ ތަނުގައި ދިވެހި ފުލުހުންގެ ހިދުމަތް އެ އޮންނާނެ ކަމަށާއި ރަލާއި ކެސީނޯ ފަދަ ކަންކަމަށް ފުރުސަތު ނޯންނާނެ ކަމަށް ވެސް ވިދާޅުވި އެވެ.

ސަރުކާރުން ނިންމާފައި ވަނީ އަންނަ މަހުގެ ތެރޭގައި މި އެއްބަސްވުމުގައި ސޮއިކުރުމަށެވެ. އެހެންކަމުން ބިލު މަޖިލީހަށް ހުށަހެޅިޔަސް، ހިޔާލު ހޯދުމުގެ މުއްދަތަށް ފަހު އެންމެ އަވަހަށް ވެސް ސޮއިކުރެވޭނީ އަންނަ ނޮވެމްބަރު މަހުގެ 14 ގެ ފަހުންނެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox