މަޖިލިސް ރައީސް އާއި ވަޒީރުންގެ މުސާރަ ބޮޑުކުރި ނިންމުން އަނބުރާ ގެންދަން އެމްޑީޕީ ޕީޖީން ގޮވާލައިފި

އެމްޑީޕީ ޕީޖީން ބޭއްވި ނޫސްވެރިންގެ ބައްދަލުވުން

އެމްޑީޕީ ޕީޖީން ބޭއްވި ނޫސްވެރިންގެ ބައްދަލުވުން

ރައްޔިތުންގެ މަޖިލީހުގެ ރައީސް އާއި ވަޒީރުންގެ މުސާރަ ބޮޑުކުރަން ވެރިކަން ކުރާ ޕާޓީގެ ކޮންޓްރޯލް އޮންނަ މަޖިލީހުން ނިންމި ނިންމުން އަނބުރާ ގެންދިޔުމަށް މޯލްޑިވިއަން ޑިމޮކްރަޓިކް ޕާޓީގެ ޕާލިމެންޓްރީ ގްރޫޕުން ގޮވާލައިފި އެވެ. 

އެމްޑީޕީގެ ޕާލިމެންޓްރީ ގްރޫޕްގައި ހިމެނިވަޑައިގަންނަވާ 12 މެންބަރުންގެ ސޮޔާއެކު މިއަދު ނެރުނު ބަޔާނެއްގައި ބުނެފައިވާ ގޮތުގައި މާލިޔަތު ކޮމިޓީން އެ ގޮތަށް ނިންމުމުގައި އެ ޕާޓީގެ ބައިވެރިވުމެއް ނޯންނާނެކަން ހާމަކޮށްފަ އެވެ. މިއަހަރުގެ ތެރޭގައި ދައުލަތަށް ލިބުނު އާމްދަނީއަށްވުރެ އިތުރަށް 4.5 ބިލިއަން ރުފިޔާ ހަރަދުކޮށްފައިވާ ކަމަށް އެ ބަޔާނުގައި ބުނެފައިވެ އެވެ. 

"ރައްޔިތުންގެ މަޖިލީހުގެ މެންބަރުންނަކީ މިފަދަ ކަންކަން ހުއްޓުވައި، ސަރުކާރު ޒިންމާދާރުކުރުމުގެ ޒިންމާ ގާނޫނުއަސާސީގައި ދަށުން މަތިކުރެވިފައިވާ މުއައްސަސާއަށް ވީނަމަވެސް، ޕީއެންސީގެ ސުޕަމެޖޯރިޓީ ބޭނުންކޮށްގެން ސަރުކާރުން މިވަނީ އެކަން ހުއްޓުވާފައި، އެމްޑީޕީގެ ބަޔާނުގައި ބުނެފައިވެ އެވެ. 

އެ ނިންމުމުގެ ސަބަބުން ދައުލަތުގެ ބަޖެޓުން ކުރާ ހަރަދަށް 40 މިލިއަން ރުފިޔާ އިތުރުވާނެ ކަމަށް އެމްޑީޕީން ބުނެ އެވެ. ރައްޔިތުންނަށް މުހިންމުވާ ކަންކަމަށް އިސްކަން ދިނުމަށް ވެސް ވަނީ ގޮވާލާފަ އެވެ. 

އެ ދުވަހު މާލިއްޔަތު ކޮމިޓީން ވަނީ ކައުންސިލަރުންގެ މުސާރަ ވެސް ބޮޑުކުރަން ފާސްކޮށްފަ އެވެ. ނަމަވެސް، މަޖިލިސް ރައީސް އާއި ވަޒީރުންގެ މުސާރައަށް ބަލާއިރު އެއީ ނިސްބަތުން ކައުންސިލަރުންގެ މުސާރަ ބޮޑުވީ މަދު މިންވަރަކަށެވެ.

އެ ފައިސާއަކީ ކައުންސިލްތަކުގެ ބްލޮކް ގްރާންޓުން ދޭ ފައިސާއަށްވުމާއެކު އޭގެ ސަބަބުން ކައުންސިލްތަކުގެ މަސައްކަތްތަކަށް ބުރޫ އެރުމުގެ ފުރުސަތު އޮތް ކަމަށް އެމްޑީޕީ ޕީޖީން ވަނީ ބުނެފަ އެވެ. 

ރައްޔިތުންގެ މަޖިލީހުގެ 70 ޕަސެންޓު ކޮމިޓީތަކުގައި ބައިވެރިވާ މެންބަރުންނަށް 10،000ރ. އެލަވެންސެއްގެ ގޮތުގައި ލިބެ އެވެ. އަދި، 75 ޕަސެންޓަށްވުރެ މަތިން ކޮމިޓީތަކަށް ހާޒިރުވެއްޖެ ނަމަ، 20،000ރ. ގެ އެލަވެންސެއް ލިބެ އެވެ.

ކޮމިޓީ އެލަވަންސާއެކު މަޖިލީހުގެ ނައިބު ރައީސްއަށް މިހާރު ގަވާއިދު އޮންނަގޮތުން 91،000ރ. ލިބެ އެވެ. އެހެންކަމުން، މާލިއްޔަތު ކޮމިޓީން ފާސްކުރީ މަޖިލީހުގެ ރައީސްއަށް 22،000ރ. ގެ އިތުރު އެލަވެންސްއެއް ދިނުމަށެވެ. އެ ބަދަލާއެކު، މަޖިލީހުގެ ރައީސްއަށް މުސާރަ އާއި އިނާޔަތްތަކާއެކު ކޮންމެ މަހަކު 95،000ރ. ލިބިވަޑައިގަންނަވާނެ އެވެ.

މިނިސްޓަރުންނަށް ދޭ ޑްރައިވާސް އެލަވެންސް ވެސް ބޮޑުކުރަން އިއްޔެ ނިންމި އެވެ. މިނިސްޓަރުންނަށް ޑްރައިވާސް އެލަވެންސް ނުހިމަނައި މުސާރަ އާއި އިނާޔަތްތަކާއެކު މިހާރު ލިބެނީ 58،500ރ. އެވެ. ޑްރައިވާސް އެލަވެންސް ހިމެނުމުން މިނިސްޓަރުންނަށް 66،000ރ. ކޮންމެ މަހަކު ލިބެ އެވެ.

ޑްރައިވާސް އެލަވެންސްގެ ތެރޭގައި މިހާރު ހިމެނެނީ ޕެޓްރޯލް އެލަވެންސްގެ ގޮތުގައި ލިބޭ 1000ރ. އާއި ޑްރައިވިން އެލަވެންސްގެ ގޮތުގައި ލިބޭ 6500ރ. އާ އެއްކޮށް ޖުމުލަ 7500ރ. އެވެ.

މާލިއްޔަތު ކޮމިޓީން ފާސްކޮށްފައި ވަނީ  ޕެޓްރޯލް އެލަވެންސްގެ ގޮތުގައި 2000ރ. ޑްރައިވަރުންގެ މުސާރައިގެ ގޮތުގައި 12،000ރ. އަދި ޑްރައިވަރުންގެ ލިވިން އެލަވެންސްގެ ގޮތުގައި 3000ރ. މިނިސްޓަރުންނަށް ދިނުމަށެވެ. އެ ބަދަލާއެކު ސަރުކާރު މިނިސްޓަރުންގެ މުސާރަ އާއި އިނާޔަތްތަކާއެކު 75،500ރ. ލިބޭނެ އެވެ.

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox