އައްޑޫ އެއާޕޯޓު ކުންފުނީގެ ޖުމްލަ ގެއްލުން 817 މިލިއަން ރުފިޔާއަށް އަރައިފި

ގަން އިންޓަނޭޝަނަލް އެއާޕޯޓު: މިއީ ރާއްޖޭގެ އެންމެ ދުވަސްވީ އެއާޕޯޓު --- ފޮޓޯ: ޕީސީބީ/ފިނޭންސް މިނިސްޓްރީ

ގަން އިންޓަނޭޝަނަލް އެއާޕޯޓު: މިއީ ރާއްޖޭގެ އެންމެ ދުވަސްވީ އެއާޕޯޓު --- ފޮޓޯ: ޕީސީބީ/ފިނޭންސް މިނިސްޓްރީ

ގަން އިންޓަނޭޝަނަލް އެއާޕޯޓު ހިންގާ އައްޑޫ އިންޓަނޭޝަނަލް އެއާޕޯޓު ކުންފުންޏަށް މިދިޔަ އަހަރު ވެސް އެތައް މިލިއަން ރުފިޔާއެއްގެ ގެއްލުންވެ، އެ ކުންފުނީގެ ޖުމްލަ ގެއްލުން 800 މިލިއަން ރުފިޔާއަށް ވުރެ ބޮޑުވެފައިވާ ކަމަށް އޮޑިޓަރުން ބުނެފި އެވެ. 

އައްޑޫ އެއާޕޯޓު ކުންފުނީގެ އެންމެ ފަހުގެ އޮޑިޓު ރިޕޯޓުން ދައްކާ ގޮތުގައި 2024 ވަނަ އަހަރު އެ ކުންފުނީގެ މިލްކިއްޔާތުގައި 10 މިލިއަނަށް ވުރެ ގިނަ ރުފިޔާ ހުރި ނަމަވެސް މިދިޔަ އަހަރު ނިމުނުއިރު ކުންފުނީގެ މިލްކިއްޔާތު ވަނީ 58 މިލިއަން ރުފިޔާއަށް ވުރެ ބޮޑު އަދަދަކުން ނެގެޓިވްވެފަ އެވެ.

މީގެ މާނައަކީ ކުންފުނީގެ މިލްކިއްޔާތުގައި ހުރި ހަރުމުދަލަށް ވުރެ ކުންފުނިން އަދާކުރަންޖެހޭ ދަރަނި ބޮޑުވުމެވެ. މިދިޔަ އަހަރު އެކަނިވެސް އެ ކުންފުންޏަށް 68 މިލިއަން ރުފިޔާގެ ގެއްލުން ވެފައިވާއިރު، ކުންފުނި އުފެދުނީއްސުރެ މިހާތަނަށް ލިބުނު ޖުމްލަ ގެއްލުން ވަނީ 817 މިލިއަން ރުފިޔާއަށް އަރާފަ އެވެ. 

އެ ކުންފުންޏަށް މި ވަރުގެ ގެއްލުމަކާ ކުރިމަތިލާން ޖެހުނީ، ކުންފުނީގެ އާމަންދީއަށް ބަލާއިރު ބޮޑު ކުރިއެރުމެއް ލިބިފައި ވަނިކޮށެވެ. އެ ގޮތުން 2024 ގައި 38 މިލިއަން ރުފިޔާގައި ހުރި އާމްދަނީ ވަނީ މިދިޔަ އަހަރު 94 މިލިއަން ރުފިޔާއަށް އިތުރުވެފަ އެވެ. މިއީ ގާތްގަނޑަކަށް ތިން ގުނަ އިތުރުވުމެކެވެ.

އައްޑޫ އެއާޕޯޓު ކުންފުނީގެ އާމްދަނީ އިތުރުވީ މައިގަނޑު ސަބަބަކީ ބޯޓުފަހަރަށް ތެޔޮ ވިއްކައިގެން ލިބުނު އާމްދަނީ ބޮޑުތަނުން އިތުރުވުމެވެ. މީގެ އިތުރުން ގްރައުންޑް ހޭންޑްލިން އާއި، ލޭންޑިން ފީ އާއި، ކުންފުނީގެ ކެފޭގެ ކުލީގެ ގޮތުގައި ވެސް މިލިއަނުން އާމްދަނީ ލިބިފައިވެ އެވެ.

ނަމަވެސް އާމްދަނީއާއެކު ކުންފުނި ހިންގުމުގެ ހަރަދުތައް ވެސް ދެ ގުނައަށް ވުރެ ބޮޑަށް އިތުރުވި އެވެ. މިދިޔަ އަހަރު އެ ކުންފުނީގެ ހިންގުމުގެ ހަރަދު ވަނީ 54 މިލިއަން ރުފިޔާއިން 112 މިލިއަން ރުފިޔާއަށް އަރާފަ އެވެ. މި އިތުރުވުމުގެ ތެރޭގައި ތެޔޮ ގަތުމަށް ހިނގި ހަރަދާއި، މުވައްޒަފުންގެ މުސާރަ އާއި އިނާޔަތްތަކުގެ އިތުރުން ގަވާއިދުތަކާ ހިލާފުވެގެން ދައްކަން ޖެހުނު ހަތަރު މިލިއަނަށް ވުރެ ގިނަ ރުފިޔާގެ ޖޫރިމަނާ ހިމެނެ އެވެ. މިއީ ކޮން ކަމަކާ ގުޅިގެން ދައްކަން ޖެހުނު ޖޫރިމަނާތަކެއް ކަމެއް އޮޑިޓަކުން ސާފެއް ނުވެ އެވެ.

ކުންފުނީގެ ހާލަތު މިހާ ގޯސްއިރު، އައްޑޫ އެއާޕޯޓު ކުންފުނި ހުއްޓުމަކަށް ނައިސް ހިންގަމުން އަންނަނީ ކުންފުނީގެ ހިއްސާދާރުންގެ އެހީތެރިކަމާއެކީގަ އެވެ. މި ކުންފުންޏަކީ ދިވެހި ސަރުކާރުގެ 70 ޕަސެންޓު އަދި ކާސާ ހޯލްޑިންސް (ޗަމްޕާ) ގެ 30 ޕަސެންޓު ހިއްސާވާ އަމިއްލަ ކުންފުންޏެކެވެ.

ކުންފުނީގެ ހަަރަދުތައް ހަމަޖެއްސުމުގެ ގޮތުން ކާސާ ހޯލްޑިންސްއިން 55.7 މިލިއަން ރުފިޔާ އަދި ދިވެހި ސަރުކާރުން 97.2 މިލިއަން ރުފިޔާގެ އިންޓްރެސްޓް ފްރޯ ލޯނުތައް ނަގާފައިވެ އެވެ. އަދި، އެކި ކަންކަމާ ގުޅިގެން ފިނޭންސް މިނިސްޓްރީއަށް ދައްކަން ޖެހޭ އިތުރު 195.3 މިލިއަން ރުފިޔާ އެބައޮތެވެ. 

މީގެ އިތުރުން، ކުރީގެ ރައީސް ޔާމީންގެ ސަރުކާރުގައި ގަން އިންޓަނޭޝަނަލް އެއާޕޯޓުގެ ރަންވޭ ތަރައްގީކުރަން ނެގި ލޯނަށް 99.3 މިލިއަން ރުފިޔާ ނުދައްކައި އެބައޮތެވެ. އަދި، އެސްޓީއޯއަށް ދައްކަން ޖެހޭ 18 މިލިއަނަށް ވުރެ ގިނަ ރުފިޔާ ހިމެނޭހެން، ސަރުކާރުގެ އެކި އިދާރާތަކާއި މުއައްސަސާތަކާއި އެހެން ކުންފުނިތަކަށް ދައްކަން ޖެހޭ 41.5 މިލިއަން ރުފިޔާ ވެސް އެބައޮތެވެ. 

ކޮމެންޓް

ފަހުގެ ޚަބަރު

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

ފެނަކައިގެ ދަރަނި ފަސް ބިލިއަން ރުފިޔާއަށް އަރައިފި

ފެނަކަ ކޯޕަރޭޝަންގެ ދަރަނި ފަސް ބިލިއަން ރުފިޔާއަށް އަރާފައިވާކަން އޮޑިޓް ރިޕޯޓުން ހާމަވެފައިވާއިރު، މީގެ ތެރޭގައި ގިނައީ ސަޕްލަޔަރުންނަށް ނުދައްކާ ހުރި ފައިސާ އާއި ނަގާފައިވާ ލޯނުތައް. މި ހުރިހާ ދަރަންޏަކާއެކީ ސަރުކާރުން ވަނީ އެ ކުންފުނި އުވާލާ، ސްޓެލްކޯއާ އެއްކޮށްލަން ނިންމާފަ.

ފޭކް ކޯލްތަކަކުން 400 މިލިއަން ޑޮލަރުގެ ކްރިޕްޓޯ ވަގަށް ނަގައިފި

އުތުރު ކޮރެއާގެ ހެކަރުން އޮޅުވާލައިގެން ކުރި ވީޑިއޯ ކޯލްތަކެއް މެދުވެރިކޮށް 400 މިލިއަން ޑޮލަރަށްވުރެ ގިނަ ކްރިޕްޓޯކަރަންސީ ވަގަށް ނަގާފައިވާކަން އެފްބީއައި އިން ހާމަކޮށްފިއެވެ. "ފޭސްސްޓީލާ" ގެ ނަމުން ނަންދީފައިވާ މި ރޭވުމުގައި، ކުރިން ރެކޯޑްކޮށްފައިވާ ވީޑިއޯ ބޭނުންކޮށްގެން 900 އަށްވުރެ ގިނަ މީހުންނަށް އޮޅުވާލާފައިވާއިރު، މި ފައިސާ ބޭނުންކުރަނީ އެ ގައުމުގެ ހަތިޔާރު އުފެއްދުމުގެ މަޝްރޫއުތަކަށް ކަމަށް އެމެރިކާއިން ތުހުމަތުކުރެއެވެ.

Newsletter

Get the latest news delivered straight to your inbox