"އަކުރު ޓައިޕް" އަށް މޯލްޑިވްސް އެކްސްޕޯގައި ދެ އެވޯޑެއް

މޯލްޑިވްސް އެކްސްޕޯ 2026 ގައި ދިވެހި ފޮންޓުތަކަށް ޚާއްޞަ އޮންލައިން މާކެޓްޕްލޭސް،"އަކުރު ޓައިޕް" އިން ދެ އެވޯޑެއް ކާމިޔާބުކޮށްފިއެވެ

މޯލްޑިވްސް އެކްސްޕޯ 2026 ގައި ދިވެހި ފޮންޓުތަކަށް ޚާއްޞަ އޮންލައިން މާކެޓްޕްލޭސް،"އަކުރު ޓައިޕް" އިން ދެ އެވޯޑެއް ކާމިޔާބުކޮށްފިއެވެ

ދިވެހި ފޮންޓުތައް އެއްތަނަކުން ހޯދުމާއި، ފެތުރުމުގެ އިތުރުން ފޮންޓް ލައިސަންސް ކުރުމަށް ހާއްސަކޮށްގެން ހިންގާ ރާއްޖޭގެ ފުރަތަމަ ޕްލެޓްފޯމް "އަކުރު ޓައިޕް މާކެޓްޕްލޭސް" އަށް މޯލްޑިވްސް އެކްސްޕޯ 2026 ގައި ދެ އެވޯޑެއް ލިބިއްޖެ އެވެ. 

ރޭ ބޭއްވި އެވޯޑު ދިނުމުގެ ހަފްލާގައި އަކުރު ޓައިޕުން ވަނީ އައިސީޓީ ސަބް ކެޓަގަރީގެ "އަދަ އިނޮވޭޝަންސް އިން ޓެކް" އިން އެއްވަނަ ހާސިލްކޮށްފަ އެވެ. އަދި މުޅި އައިސީޓީ ކެޓަގަރީގެ ބޮޑު މުބާރާތުން އެ ޕްލެޓްފޯމަށް ވަނީ ތިންވަނަ ލިބިފަ އެވެ.

އެ ރަސްމިއްޔާތުގައި، "އަދަރ އިނޮވޭޝަންސް އިން ޓެކް" އިން ލިބުނު އެއްވަނަ އެވޯޑާ ހަވާލުވީ އަކުރު ޓައިޕްގެ ޓައިޕް ޑައިރެކްޓަރު އަދި ކޯ-ފައުންޑަރ ޢަބްދުﷲ ޝަފީއު (އަބޯ) އެވެ. އަދި މައި ކެޓަގަރީން ލިބުނު ތިންވަނަ އެވޯޑާ ހަވާލުވީ އެ ކުންފުނީގެ ޕްރޮޑަކްޓް ޑައިރެކްޓަރު އަދި ކޯ-ފައުންޑަރ ޝާޒިފް އާދަމް އެވެ.

މި ކާމިޔާބީ އަކީ, 2024 ވަނަ އަހަރު އުފެއްދި މި ވެންޗާއަށް ލިބުނު ވަރަށް ބޮޑު ކުރިއެރުމެކެވެ.

އަކުރު ޓައިޕަކީ ރާއްޖޭގެ އަމިއްލަ ފޮންޓް ޑިޒައިނަރުންނާއި ފޮންޓް ފައުންޑްރީތައް އެއް މާކެޓެއްގެ ދަށުން ގުޅުވައިދޭ ހަމައެކަނި ޕްލެޓްފޯމެވެ. މި މަސައްކަތުގެ ސަބަބުން ބޭނުންކުރާ ފަރާތްތަކަށް ފަސޭހަކަމާއެކު ދިވެހި ފޮންޓުތައް ލިބޭނެ މަގު ތަނަވަސްވެ، އުފެއްދުންތެރިންގެ ފިކުރީ މުދާ ރައްކާތެރިކޮށްދީ، އެމީހުންގެ ހުނަރުން ދެމެހެއްޓެނިވި ގޮތެއްގައި އާމްދަނީ ހޯދުމުގެ ފުރުސަތު ފަހިވެގެންދެ އެވެ.

ޑިޖިޓަލް އަދި ޕްރިންޓް މީޑިއާގައި ދިވެހި ފޮންޓުތަކަށް އޮތް ބޭނުންތެރިކަން ފުޅާކުރުމަށް މަސައްކަތްކުރާ އަކުރު ޓައިޕްގެ ސްޓޯލް މިހާރު ވަނީ އެކްސްޕޯގެ "ޑިޖިޓަލް ޕެވިލިއަން" ގައި ހުޅުވާފަ އެވެ.

މިއަދުން ފެށިގެން އަންނަ ނޮވެމްބަރު މަހުގެ 4 ގެ ނިޔަލަށް ކުރިއަށްދާ މި މައުރަޒުގައި، އެ ކުންފުނީގެ ފޮންޓް ކަލެކްޝަންތައް ބަލާލުމުގެ ފުރުޞަތު އާންމުންނަށް އޮންނާނެ އެވެ.

މީގެ އިތުރުން މި އެކްސްޕޯގެ ތެރެއިން އައު އުފެއްދުންތަކާއި، އައު ފޮންޓުތަކުގެ އިތުރުން މާކެޓްޕްލޭސްއާ އަލަށް ގުޅުނު އައު ޑިޒައިނަރުން ތަޢާރަފުކުރުމަށް ވެސް އަކުރު ޓައިޕުން ވަނީ ރާވާފަ އެވެ.

މިއީ ދިވެހި ބަހުގެ ތަރިކައާއި ނަސްލީ ސިފަ އަކުރުގެ ފަރުމާއިން ދެމެހެއްޓުމަށް އެ ޕްލެޓްފޯމުން ކުރަމުންދާ މެދުކެނޑުމެއްނެތް މަސައްކަތްތަކުގެ ބައެކެވެ.

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox