މާލޭ ސިޓީ ކައުންސިލުގެ ބިންތައް ސަރުކާރަށް ނެގި މައްސަލަ ކުށްވެރިކޮށް މަޖިލީހަށް ގަރާރެއް ހުށަހަޅައިފި

Oct 20, 2026, 2:17 PM
މީކާއީލް އަހުމަދު ނަސީމް: ގަރާރުގައި ބުނެފައި ވަނީ ބިންތައް އަތުލުމަކީ ކައުންސިލަށް ލިބޭނެ މާލީ ގެއްލުމެއް ކަމަށް -- ފޮޓޯ: އަދަދު ފައިލް

މީކާއީލް އަހުމަދު ނަސީމް: ގަރާރުގައި ބުނެފައި ވަނީ ބިންތައް އަތުލުމަކީ ކައުންސިލަށް ލިބޭނެ މާލީ ގެއްލުމެއް ކަމަށް -- ފޮޓޯ: އަދަދު ފައިލް

މާލެ ސިޓީ ކައުންސިލްގެ އިހްތިސާސުން 14 ބިމެއް ވަކިކޮށް، އެތަންތައް ސަރުކާރަށް ނެގި މައްސަލަ ކުށްވެރިކޮށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް މިއަދު ގަރާރެއް ހުށަހަޅުއްވައިފި އެވެ.

މީކާއިލް ހުށަހެޅުއްވި ގަރާރުގައި ވަނީ، ސަރުކާރަށް ނަގާ ބިންތަކުގައި ހިންގުމަށް ކަނޑައަޅާފައިވާ މަޝްރޫއުތަކުގެ ނަން ފިޔަވައި، އިތުރު އެއްވެސް ތަފްސީލެއް ހާމަނުކޮށްފައިނުވާއިރު، މި މައްސަލަ އާއި ގުޅިގެން ސިޓީ ކައުންސިލްގެ އެއްވެސް މަޝްވަރާއެއް ހިޔާލެއް ހޯދާފައި ނުވާކަން ފާހަގަކޮށްފަ އެވެ.

"ރައްޔިތުންނަށް ނުހަނު މަންފާ ކުރާނެ މުހިންމު ޕްލޭންތަކާއި ތަރައްގީގެ މަޝްރޫއުތައް ކައުންސިލުން އެކުލަވާލަމުންދާ ދަނޑިވަޅެއްގައި މިފަދަ ނިންމުމެއް ނިންމެވުމަކީ ކައުންސިލަށާއި މާލޭގެ ލޮބުވެތި ރައްޔިތުންނަށް ބޮޑެތި ގެއްލުންތަކެއް ކުރިމަތިވެދާނެ ކަމެއް،" އެ ގަރާރުގައި ބުނެފައިވެ އެވެ. 

ސަރުކާރުން ވަކިކުރަން ނިންމި 14 ބިމުގެ ތެރޭގައި މާލޭގެ މަސްމާރުކޭޓު، ސަލްޓަން ޕާކު، އަދި ކާނިވަލް ސަރަހައްދު އިތުރުން އާޓިފިޝަލް ބީޗް އަދި ރަސްފަންނު ފަދަ އާންމުން ބޭނުންކުރާ ބޮޑެތި ބިންތައް ހިމެނެ އެވެ.

މި ބިންތަކަކީ މާލެ ސިޓީ ކައުންސިލަށް އާމްދަނީ ލިބޭ އަދި ރައްޔިތުންނަށް އަސާސީ ހިދުމަތްތައް ދިނުމަށް ބަޖެޓު ކުރެވިފައިވާ ތަންތަން ކަމަށާއި އެ ބިންތައް އަތުލުމުން ކައުންސިލަށް ލިބެމުންދާ މާލީ މަންފާތައް ގެއްލިގެންދާނެ ކަމަށް މީކާއީލް ވިދާޅުވި އެވެ. 

މީގެ އިތުރުން، މީކާއިލް ހުށަހެޅުއްވި ގަރާރުގައި ވިދާޅުވެފައި ވަނީ ސަރުކާރުގެ މި ނިންމެވުމަކީ ލާމަރުކަޒީ ނިޒާމަށް ހުރަސްއަޅައި، ކައުންސިލްތަކުގެ ގާނޫނީ ބާރުތައް ހަނިވެގެންދާނެ ފަދަ ނިންމުމެއް ކަމަށެވެ. އަދި އެ ނިންމުން ނިންމީ ލާމަރުކަޒީ ގާނޫނުގައި ބަޔާންކޮށްފައިވާ އިޖުރާއަތުތައް ފުރިހަމަނުކޮށް ކަމަށެވެ. 

މި މައްސަލައާ ގުޅޭ ގޮތުން, މާލޭ ސިޓީ ކައުންސިލުން ވެސް ވަނީ ކުއްލި ޖަލްސާއެއް ބާއްވައި، ސަރުކާރުގެ ނިންމުން ހުއްޓުވުމަށްޓަކައި ކޯޓުން ވަގުތީ އަމުރަކަށް އެދުމަށާއި މި މައްސަލަ ދުސްތޫރީ މައްސަލައެއްގެ ގޮތުގައި ސުޕްރީމް ކޯޓަށް ހުށަހެޅުމަށް ގަރާރެއް ފާސްކޮށްފަ އެވެ. އަދި ބިންތައް އަތުލުމާ ދެކޮޅަށް ގާނޫނީ އަދި ސިޔާސީ މަސައްކަތްތައް ފަށާފައިވާއިރު، މިނިސްޓްރީން ޝަކުވާ ހުށަހެޅުމަށް ދީފައިވާ 14 ދުވަހުގެ މުއްދަތުގައި ރަސްމީކޮށް އިއުތިރާޒު ހުށަހެޅުމުގެ މަސައްކަތް ވެސް ސިޓީ ކައުންސިލުން ދަނީ ކުރަމުންނެވެ.

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox