ދަރިމައިވުމުގެ ކުރިން ވިސްނަންޖެހޭ ކަންކަން ކިޔައި ދީ ހޭލުންތެރި ކުރުވުމަށް ސްޓާރމެޑިކަލް އިން މި މަހުގެ 24 ވަނަ ދުވަހު ޚާއްސަ ސެޝަންއެއް ބޭއްވުމަށް ނިންމައިފި އެވެ.
އެ ކްލިނިކުގެ އިޖުތިމާއީ ޒިންމާގެ ދަށުން ކުރިޔަށްގެންދާ މި ސެޝަން އޮންނާނީ މި ސެޕްޓެމްބަރު މަހުގެ 24 ވާ ބުރާސްފަތި ދުވަހުގެ ރޭ 8:45 ގަ އެވެ.
"ސެޝަންގައި މައުލޫމާތުދޭނީ ބަލިވެ އިނުމުގެ ކުރިން ދެމަފިރިން ވިސްނަންވީ ކަންކަމާއި ދުޅަހެޔޮ ގޮތުގައި ދަރިމައިވުމަށް ކުރެވިދާނެ ކަންކަމުގެ މައުލޫމާތު އަދި ސުވާލު ކުރެވޭނެ. ސްޓަރ މެޑިކަލްގެ ސްޓާފް ނަރސް ފާތިމަތު ފަރީމާ ވިދާޅުވި އެވެ.
މި ސެޝަންގައި މައުލޫމާތުދެއްވާނީ ތަޖުރިބާކާރު ނަރުހުންނެވެ.
"ދުޅަހެޔޮ ސިއްހަތެއްގައި ބަލިވެއިނުމުގެ މަރުހަލާ ފެށެނީ ދަރިމައިވުމުގެ ކުރިން.. މިއީ ދެމަފިރިން އެކުގައި އެކަމަށް ތައްޔާރުވާންޖެހޭ ދަތުރެއް."
އެ ކްލިނިކުން ބޮޑަށް ބާރުއަޅަނީ ކުދިން ހޯދުމަށް ވިސްނަމުންދާ އާއިލާތަކުން ދެމަފިރިން އެކުގައި ސެޝަންގައި ބައިވެރިވުމަށެވެ.
މި ސެޝަންތަކާބެހޭ އިތުރު މައުލޫމާތު އަދި ބައިވެރިވުމަށް އަދި ނަންނޯޓުކުރުމަށް ކްލިނިކްގެ 9287755، 3333074، 3333075، 3333076 އާ ގުޅޭނެ އެވެ.
މާފަންނުގައި ހުންނަ ގޯލްޑަން ޓަވަރުގައި ހުންނަ މި ކްލިނިކަކީ އާންމު ބަލިތަކަށް ފަރުވާ ދިނުމުގެ އިތުރުން ޒަމާނީ ޓެކްނޮލޮޖީގެ މެޝިނަރީތަކާއި ތަޖުރިބާކާރު ޑޮކްޓަރުންގެ ޓީމަކާއެކު ހާއްސަ ބަލިތަކުގެ ފަރުވާ ވެސް އެއް ތަނަކުން ފަސޭހަކަމާއެކު ލިބޭ ކްލިނިކެކެވެ.
