މާލޭގައި ދިރިއުޅޭ ދިވެހިންނާއި ބޭރު ގައުމުތަކުގެ މީހުންނަށް ފެންވަރު ރަނގަޅު ސިއްހީ ހިދުމަތްތަކެއް ފޯރުކޮށްދިނުމަށްޓަކައި ސްޓާ މެޑިކަލްއިން ހިދުމަތްތައް ފުޅާކޮށްފި އެވެ.
މާފަންނުގައި ހުންނަ ގޯލްޑަން ޓަވަރުގައި ހުޅުވި މި ކްލިނިކަކީ އެއް ފުރާޅެއްގެ ދަށުން ބަލިމީހުންނަށް ބޭނުންވާ އެތައް ހިދުމަތްތަކެއް ފޯރުކޮށްދިނުމަށް އަމާޒު ހިފާފައިވާ ޒަމާނީ ކްލިނިކެކެވެ.
ސްޓާ މެޑިކަލްގެ މައިގަނޑު މަގްސަދަކީ އާންމު ބަލިތަކަށް ފަރުވާ ދިނުމާއި ހާއްސަ ބަލިތަކުގެ ފަރުވާ އެއް ތަނަކުން ފަސޭހަކަމާއެކު ލިބޭނެ އިންތިޒާމު ހަމަޖެއްސުމެވެ. މިގޮތުން އެންމެ ޒަމާނީ ޓެކްނޮލޮޖީގެ މެޝިނަރީތަކާއި ތަޖުރިބާކާރު ޑޮކްޓަރުންގެ ޓީމަކާއެކު، ބަލިމީހުން ޓެސްޓުތައް ހެދުމަށާއި ޑޮކްޓަރަށް ދެއްކުމަށް އެކި ތަންތަނަށް ދާންޖެހޭ ދިއުން ނިމުމަކަށް ގެނެސް، ހިދުމަތްތައް ވަނީ ވަރަށް ބޮޑަށް އަވަސްކޮށްފަ އެވެ.
އެއް ފުރާޅެއްގެ ދަށުން ލިބޭނެ މައިގަނޑު ހިދުމަތްތައް
- އާންމު ބަލިތަކުގެ ޑޮކްޓަރުންނަށް ދެއްކުމާއި، އެކި ދާއިރާތަކުގެ ހާއްސަ ބަލިތަކުގެ ޑޮކްޓަރުންގެ މަޝްވަރާ ހޯދުން.
- ލެބޯޓްރީ ޓެސްޓުތަކާއި، އެކްސް-ރޭ، އަލްޓްރާސައުންޑް ސްކޭން އަދި އީސީޖީގެ ހިދުމަތް.
- ބަނޑުގައިވާ ދަރިފުޅުގެ ހިތުގެ ވިންދު ބަލާ އެންއެސްޓީ މޮނިޓަރިންގެ ހިދުމަތް.
- ކުއްލި ހާލަތްތަކުގައި ބޭނުންވާ ނެބިއުލައިޒް ކުރުމާއި، އިންޖެކްޝަން ޖެހުމާއި، ފާރުގަނޑުތައް ސާފުކޮށް ބޭސްއެޅުން.
- ރާއްޖޭގައި މަސައްކަތްކުރާ ބިދޭސީންނަށް ބޭނުންވާ ވޯކް ޕާމިޓް މެޑިކަލްގެ ހިދުމަތް ވަރަށް އަވަސްކަމާއެކު.
މި ކްލިނިކުން ބައްލަވަ ޑޮކްޓަރުންގެ ތެރޭގައި އެތެރެހަށީގެ ބަލިތަކުގެ ހާއްސަ ޑރ. މޫސާ މުރާދު އާއި ފާތުމަތު މުހައްމަދު، އަންހެނުންގެ ހާއްސަ ޑރ. އައިޝަތު ޝިބާނާ، ކަށީގެ ބަލިތަކުގެ ހާއްސަ ޑރ. އަލި މަފާޒު، ނާރުގެ ބަލިތަކުގެ ހާއްސަ ޑރ. އައްލާ ޝާކިރު، ކުޑަކުދިންގެ ހާއްސަ ޑރ. މިހުނަތު މުސްތަފާ ހިމެނެ އެވެ.
އެޕޮއިންޓްމަންޓް ހެދުމަށް
- ނަންބަރުތައް: 9287755، 3333074، 3333075، 3333076
- އެޑްރެސް: 1 ވަނަ ފަންގިފިލާ، މ. ގޯލްޑަން ޓަވަރު، ބުރުޒުމަގު، މާލެ
- ފޭސްބުކް ޕޭޖް: އެންމެ ފަހުގެ މައުލޫމާތުތައް ސްޓާ މެޑިކަލް ފޭސްބުކް ޕޭޖް މެދުވެރިކޮށް ލިބިވަޑައިގަންނަވާނެއެވެ.
